ସମ୍ମିଳନୀ କର୍ମଜୀବୀ ସାମ୍ବାଦିକ ସଂଘର ଦିଲ୍ଲୀ ଚାଲ ଡାକରା

ଭୁବନେଶ୍ଵର : ସମ୍ମିଳନୀ କର୍ମଜୀବୀ ସାମ୍ବାଦିକ ସଂଘ ଓଡ଼ିଶା ପକ୍ଷରୁ ଅକ୍ଟୋବର ମାସରେ ଦିଲ୍ଲୀ ଚାଲ ଡାକରା ଦିଆଯାଇଛି । ସୂଚନାଯୋଗ୍ଯ ଭୁବନେଶ୍ଵର ଶହିଦନଗର ସ୍ଥିତ ହଟେକଶ୍ଵର ମନ୍ଦିର ପ୍ରାଙ୍ଗଣରେ ଆଜି ରାଜ୍ୟ କାର୍ଯ୍ୟକାରିଣୀ ବୈଠକ ରାଜ୍ୟ ସଭାପତି ଭାଗବତ ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଏଥିରେ ସର୍ବଭାରତୀୟ ସଭାପତି ଡଃ ପିତବାସ ମିଶ୍ର ମୁଖ୍ୟ ଅତିଥୁଭାବରେ ଯୋଗ ଦେଇଥିଲେ ।

ଶ୍ରୀ ମିଶ୍ର କହିଥିଲେ ଯେ, ସାରା ଭାରତରେ ଅଧାରୁ ଅଧିକ ରାଜ୍ୟରେ ସାମ୍ବାଦିକମାନଙ୍କ ସମସ୍ୟା ଦିନକୁ ଦିନ ଦୟନୀୟ ହୋଇପଡିଛି । ତେଣୁ ବିଭିନ୍ନ ରାଜ୍ୟର ସାମ୍ବାଦିକମାନଙ୍କୁ ନେଇ ଦିଲ୍ଲୀରେ ଦୁଇ ଦିନିଆ ବୈଠକ ହେବା ସହ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ଦେବାର କାର୍ଯ୍ୟକ୍ରମ ରହିଛି । ଏହି କାର୍ଯ୍ୟକ୍ରମକୁ ସଫଳ କରିବା ପାଇଁ ଓଡ଼ିଶାରୁ ୨୦୦ରୁ ଉର୍ଦ୍ଧ୍ୱ ସାମ୍ବାଦିକ ଦିଲ୍ଲୀ ଯିବା ପାଇଁ ସର୍ବସମ୍ମତିକ୍ରମେ ସ୍ଥିରିକୃତ କରାଯାଇଛି । ତତ୍ ସହିତ ରାଜ୍ୟ ସାଧାରଣ ସମ୍ପାଦକ ତପନ ମହାରଣ୍ୟ ଶର୍ମା ସମ୍ପାଦକୀୟ ବିବରଣୀ ପାଠ କରିଥିବାବେଳେ ରାଜ୍ୟ ସଂଗଠନ ସମ୍ପାଦକ ଅର୍ଜୁନ ମୁଦୁଲି ବିଭିନ୍ନ ଜିଲ୍ଲାର ସଂଗଠନ ବିଷୟରେ ସଭାପତିଙ୍କୁ ସୂଚନା ପ୍ରଦାନ କରିଥିଲେ । ଆଗାମୀ ଦିନରେ ସଂଘ କିଭଳି ଶକ୍ତିଶାଳି ଓ ମଳୁବୁତ ହେବ ସେ ସମ୍ପର୍କିତ ସୂଚନା ଦେଇଥିଲେ ।

ଏହି ବୈଠକରେ ଯୋଗଦେଇଥିବା ଗଣମାଧ୍ୟମ ପ୍ରତିନିଧୁମାନେ ହେଲେ ମୁରଲୀ ମିଶ୍ର, ବଂଶୀଧର ଭୋଳ, ଅଭିମନ୍ୟୁ ମହାପାତ୍ର, ସୂର୍ଯ୍ୟକାନ୍ତ ନାୟକ, ଅରୁଣ ରାଜ, ସୁକାନ୍ତ ମହାନ୍ତି, ପ୍ରଫୁଲ୍ଲ ସ୍ୱାଇଁ, ବିଜୟ ବାରିକ, ଲିପିକା ରାଉତ, ଧର୍ମେନ୍ଦ୍ର ମହାପାତ୍ର, ଗୋପି ନାଥ ପରିଡା, ଲଛିକେତା ମିଶ୍ର, ଦେବୀ ପ୍ରସାଦ ମିଶ୍ର, ବାମଦେବ ମହାନ୍ତି, ବିଶ୍ୱଜିତ୍ ସାମଲ ପ୍ରମୁଖ ୫୦ ରୁ ଉର୍ଦ୍ଧ୍ୱ ଛପା ଗଣମାଧ୍ୟମ ଓ ବୈଦ୍ୟୁତିକ ଗଣମାଧ୍ୟମର ପ୍ରତିନିଧୁମାନେ କାର୍ଯ୍ୟକାରିଣୀ ବୈଠକରେ ଯୋଗଦାନ କରିଥିଲେ ।