ବରିଷ୍ଠ ନାଗରିକଙ୍କ ନିମନ୍ତେ ସାଇବର ଅପରାଧ ସଚେତନତା ଶିବିର

କରଞ୍ଜିଆ,ପ୍ରବାହ ନ୍ୟୁଜ୍‌ – ସଂସ୍ଥା ତରଫ ରୁ କରଞ୍ଜିଆ ରେ ବରିଷ୍ଠ ନାଗରିକ ମାନଙ୍କ ପାଇଁ ଅବସରପ୍ରାପ୍ତ କର୍ମଚାରୀ ଭବନ ଠାରେ ସାଇବର ଅପରାଧ ଉପରେ ଏକ କର୍ମଶାଳା ଅନୁଷ୍ଠିତ ହୋଇଥିଲା। ଏଥିରେ ଡ଼ା: ସତ୍ୟେନ୍ଦ୍ର ନାରାୟଣ ଦାସ ସଭାପତିତ୍ବ କରିଥିଲେ। ଏହି କର୍ମଶାଳା ରେ ସଂସ୍ଥା ର ସଂଯୋଜିକା ଶ୍ରୀମତୀ ଦେବଶ୍ରୀ ବ୍ରହ୍ମା ଡିଜିଟାଲ ଦୃଶ୍ୟ ମାଧ୍ୟମରେ କିପରି ଅପରାଧୀ ମାନେ ନିରୀହ ବରିଷ୍ଠ ନାଗରିକ ମାନଙ୍କୁ ଠକାମୀ ର ଶିକାର କରିଥାନ୍ତି ସେ ବିଷୟରେ ପ୍ରାଞ୍ଜଳ ଭାବରେ ବୁଝାଇ ଥିଲେ ଓ ଏହାର ନିରାକରଣ ନିମନ୍ତେ ବିଶେଷ ସତର୍କତା ଅବଲମ୍ବନ ର ସୂତ୍ର ଜଣାଇଥିଲେ । ଏହି କାର୍ଯ୍ୟକ୍ରମ ଟି ବରିଷ୍ଠ ନାଗରିକ ମାନଙ୍କ ଦ୍ଵାରା ଉଚ୍ଚ ପ୍ରଶଂସିତ ହୋଇଥିଲା । ବରିଷ୍ଠ ନାଗରିକ ଓ ଅବସରପ୍ରାପ୍ତ କର୍ମଚାରୀ ସଂଘ ର ସମ୍ପାଦକ ସର୍ବେଶ୍ଵର ମିଶ୍ର, ଅଭିମନ୍ୟୁ ତ୍ରିପାଠୀ କର୍ମଶାଳା କୁ ପରିଚାଳନା କରିଥିଲେ। ଏଥିରେ ଶତାଧିକ ବରିଷ୍ଠ ନାଗରିକ ମାନେ ଯୋଗ ଦାନ କରି ଭବିଷ୍ୟତ ରେ ଠକାମୀ ର ଶିକାର ନ ହେବା ପାଇଁ ସଂକଳ୍ପ ନେଇଥିଲେ । ଅନ୍ୟାନ୍ୟ କର୍ମକର୍ତ୍ତା ମାନଙ୍କ ମଧ୍ୟରେ ଡ଼ା: ଜନାର୍ଦ୍ଦନ ଚୌଧୁରୀ,ମନମୋହନ ମହାନ୍ତ,ସବିତା ମହାନ୍ତି,ରାଧିକା ବାରିକ,ମାଣିକ ଦେଇ, ଅନିତା ବେହେରା,ନୀଳାମ୍ବର ପାତ୍ର,ହରେକୃଷ୍ଣ ମହାନ୍ତ,ଅଜିତ କୁମାର ମିଶ୍ର, ଅରୂପ କୁମାର ପଣ୍ଡା,ରବୀନ୍ଦ୍ର ନାଥ ମହାନ୍ତ,ଘନଶ୍ୟାମ ବାରିକ,ଦୀନବନ୍ଧୁ ବାରିକ ପ୍ରମୁଖ ଉପସ୍ଥିତ ଥିଲେ ।