ସ୍ଥାପତ୍ୟ ଜ୍ଞାନ ଓ ଆସନ୍ତାକାଲିର ନକ୍ସା ସହ ଆଇଆଇଏ ଲିଡରସିପ୍ କନ୍କ୍ଲେଭ୍ ଆଣ୍ଡ୍ ଡିଜାଇନ୍ କାର୍ନିଭାଲ୍ ୨୦୨୩ର ସମାପନ
ଭୁବନେଶ୍ୱର, ୧୦/୯: ଇଣ୍ଡିଆନ ଇନଷ୍ଟିଚ୍ୟୁଟ୍ ଅଫ୍ ଆର୍କିଟେକ୍ଟସ୍ (ଆଇଆଇଏ), ଓଡ଼ିଶା ଚାପ୍ଟର ପକ୍ଷରୁ ଆୟୋଜିତ ଆଇଆଇଏ ଲିଡରସିପ୍ କନ୍କ୍ଲେଭ୍ ଆଣ୍ଡ୍ ଡିଜାଇନ୍ କାର୍ନିଭାଲ୍ ୨୦୨୩ ପ୍ରବଳ ଉତ୍ସାହ ସହ ଦ୍ୱିତୀୟ ଦିନରେ ପ୍ରବେଶ କରିଛି । ଦ୍ୱିତୀୟ ଦିନରେ ବୁଦ୍ଧିଜୀବୀଙ୍କ ଅଧିବେଶନ, ସମ୍ମାନଜନକ ବକ୍ତା, ପୁସ୍ତକ ଉନ୍ମୋଚନ ଏବଂ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଆଇଆଇଏ ଓଡ଼ିଶା ଚାପ୍ଟରର ଅଧ୍ୟକ୍ଷ ଏଆର୍. ସ୍ୱପ୍ନଦତ ମହାନ୍ତିଙ୍କ ସ୍ୱାଗତ ଭାଷଣ ସହ କାର୍ଯ୍ୟକ୍ରମ ଆରମ୍ଭ ହୋଇଥିଲା । ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଆଇଆଇଏର ସଭାପତି ଏଆର୍. ବିଳାସ ଅଭଚତ୍ ଯୋଗ ଦେଇ ନିଜର ମତ ବ୍ୟକ୍ତ କରିଥିଲେ ।
ଇଣ୍ଡିଆନ ଇନଷ୍ଟିଚ୍ୟୁଟ୍ ଅଫ୍ ଆର୍କିଟେକ୍ସର ଯୁଗ୍ମ ସଂପାଦକ ଏଆର୍. ଅକ୍ଷୟ ବେଉରିଆ ହାର୍ଦ୍ଦିକ ଧନ୍ୟବାଦ ଅର୍ପଣ କରିବା ସହ ସସମସ୍ତ ଅଂଶଗ୍ରହଣକାରୀଙ୍କୁ ଧନ୍ୟବାଦ ଜଣାଇଥିଲେ ।
ଆଇଆଇଏ ଲିଡରସିପ୍ କନ୍କ୍ଲେଭ୍ ଆଣ୍ଡ୍ ଡିଜାଇନ୍ କାର୍ନିଭାଲ୍ ୨୦୨୩ର ଦ୍ୱିତୀୟ ଦିବସରେ ଅଂଶଗ୍ରହଣକାରୀମାନେ ବିଭିନ୍ନ ଅଧିବେଶନ ଓ ପୁସ୍ତକ ଉନ୍ମୋଚନ କାର୍ଯ୍ୟକ୍ରମରେ ଭାଗ ନେଇଥିଲେ । “ଆଇଆଇଏ ସମ୍ବିଧାନ ଓ ବାଇଲ’କୁ ବୁଝିବା’ ଉପରେ ପ୍ରଥମ ଅଧିବେଶନ ଅନୁଷ୍ଠିତ ହୋଇଥିଲା ଯେଉଁଥିରେ ଏଆର୍. ଦିବ୍ୟ କୁଷ, ଏଆର୍. ଜିତ୍ ଗୁପ୍ତା ଏବଂ ଏଆର୍. ପ୍ରକାଶ ଦେଶମୁଖ ଅନୁଷ୍ଟାନର ପରିଚାଳନା ନୀତି ଉପରେ ଆଲୋକପାତ କରିଥିଲେ । ଏହା ପରେ ଦ୍ୱିତୀୟ ଅଧିବେଶନରେ ଏଆର୍. ସି ଆର୍ ରାଜୁ, ଓ ଆଇଆଇଏର ଚାର୍ଟାର୍ଡ ଆକାଉଟାଂଟ୍ ଚାପ୍ଟର, କେନ୍ଦ୍ର, ଉପ କେନ୍ଦ୍ରଗୁଡ଼ିକର କର୍ମକର୍ତାଙ୍କ ଭୂମିକା ଓ ଦାୟିତ୍ୱ ବିଷୟରେ ଆଲୋଚନା କରିଥିଲେ ଯାହା ଅନୁଷ୍ଠାନ ପରିଚାଳନାର ଏକ ବ୍ୟାପକ ଦୃଷ୍ଟିକୋଣ ପ୍ରଦାନ କରିିଥିଲା ।
ଏହି ଦିବସରେ ଅପୂର୍ବା ବୋଷ ଦତା ଓ ଏଆର୍ ଜିତ ଗୁପ୍ତାଙ୍କ ଦୁଇଟି ପୁସ୍ତକ ଉନ୍ମୋଚନ କରାଯାଇଥିଲା ଯାହା ସ୍ଥାପତ୍ୟ ସମୁଦାୟରେ ସ୍ଥାପତ୍ୟ ଜ୍ଞାନର ଗଭୀରତାକୁ ଜଣାଉଛି । ତୃତୀୟ ଅଧିବେଶନରେ “ଆଇଆଇଏର ନୂଆ ଅଭିଯାନ’ ସମ୍ପର୍କରେ ଆଲୋଚନା ହୋଇଥିଲା ଯାହା ଅନୁଷ୍ଠାନର ଭବିଷ୍ୟତ କାର୍ଯ୍ୟକ୍ରମ ବିଷୟରେ ସୂଚନା ପ୍ରଦାନ କରିଥିଲା । ସମ୍ବିଧାନ ବାଇଲ’ ଉପରେ ଏଆର୍. ଦିବ୍ୟ କୁଷ ସଂକ୍ଷିପ୍ତ ବିବରଣୀ ପ୍ରଦାନ କରିଥିଲେ । ଏହି ଅଧିବେଶ ଅଂଶଗ୍ରହଣକାରୀଙ୍କୁ ସମୃଦ୍ଧ କରିବା ଓ ଜ୍ଞାନର ଆଦାନପ୍ରଦାନରେ ସହାୟକ ହୋଇଥିଲା ।
ବିଶିଷ୍ଟ ବ୍ୟକ୍ତିଙ୍କୁ ନେଇ ଅନୁଷ୍ଠିତ ପ୍ୟାନେଲ ଆଲୋଚନା କାର୍ଯ୍ୟକ୍ରମରେ ଗଭୀରତା ଯୋଡ଼ିବା ସହ ଚିନ୍ତାଧାରା ଓ ଦୃଷ୍ଟିକୋଣର ଅର୍ଥପୂର୍ଣ୍ଣ ଆଦାନପ୍ରଦାନ କରିବାରେ ସହାୟକ ହୋଇଥିଲା ।
ରାତିରେ ଆଇଆଇଏ ଲିଡରସିପ୍ କନ୍କ୍ଲେଭ୍ ଆଣ୍ଡ୍ ଡିଜାଇନ୍ କାର୍ନିଭାଲ୍ ୨୦୨୩ ପକ୍ଷରୁ ଉଲ୍ଲେଖନୀୟ ସ୍ଥପତିଙ୍କୁ ସମ୍ମାନଜନକ ପୁରସ୍କାର ପ୍ରଦାନ କରାଯାଇଥିଲା । ୧୯୭୨ ପରଠାରୁ କାର୍ଯ୍ୟ କରୁଥିବା ଓଡ଼ିଶାର ପ୍ରଥମ ମହିଳା ପ୍ରାକ୍ଟିସିଂ ସ୍ଥପତି ଏଆର୍. ଗୀତା ପଟ୍ଟନାୟକଙ୍କୁ ଦି ଓଟୋ କୋଏନସବର୍ଗର ଲାଇଫ୍ଟାଇମ୍ ଆଚିଭମେଂଟ୍ ପୁରସ୍କାର ପ୍ରଦାନ କରାଯାଇଥିଲା । ୧୯୭୬ରୁ ଶିକ୍ଷାବିତ ଓ ପ୍ରାକ୍ଟିସନର ଭାବେ କାର୍ଯ୍ୟ କରୁଥିବା ଏଆର୍. ସତ୍ୟ ନାରାୟଣ ଆଚାର୍ଯ୍ୟଙ୍କୁ ସ୍ଥାପତ୍ୟ କ୍ଷେତ୍ର ପ୍ରତି ଉଲ୍ଲେଖନୀୟ ଅବଦାନ ପାଇଁ କେ ବି ମହାପାତ୍ର ପୁରସ୍କାର ପ୍ରଦାନ କରାଯାଇଥିଲା । ଏଆର୍. ଶ୍ରୀକାନ୍ତ ପାଇକରାୟଙ୍କୁ ଆର୍କିଟେକ୍ଟ ଅଫ୍ ଦି ଇୟର ପୁରସ୍କାର ଏବଂ ଏଆର୍. ସୌରାଷ୍ଟ୍ର ଦାସଙ୍କୁ ୟଙ୍ଗ ଆର୍କିଟେକ୍ଟ ଅଫ୍ ଦି ଇୟର ପୁରସ୍କାର ପ୍ରଦାନ କରାଯାଇଥିଲା । ଜାତୀୟ ସ୍ତରର ବିଚାରକ ମଣ୍ଡଳୀ ପୁରସ୍କାର ପାଇଁ ବିଜେତା ଚୟନ କରିଥିଲେ ।
ଡିଜାଇନ କାର୍ନିଭାଲ ୨୦୨୩ର ଉଦଯାପନୀ ସମାରୋହ ଏକ ଦୁଇଦିନିଆ କାର୍ଯ୍ୟକ୍ରମର ସଫଳ ଆୟୋଜନ ଭାବେ ଅନୁଷ୍ଠିତ ହୋଇଥିଲା ଯାହା ସ୍ଥାପତ୍ୟ, ନବସୃଜନ ଓ ସହଯୋଗିତାକୁ ପାଳନ କରୁଛି । ସାଂସ୍କୃତିକ କାର୍ଯ୍ୟକ୍ରମ ସହ ଦିବସ ଶେଷ ହୋଇଥିଲା ଯେଉଁଠାରେ ଅଂଶଗ୍ରହଣକାରୀମାନେ ଉତ୍ସବର ପରିବେଶ ଉପଭୋଗ କରିବା ସହ ନେଟ୍ୱର୍କିଂ ସୁଯୋଗ ପାଇଥିଲେ ।
ଆଇଆଇଏ ଲିଡରସିପ୍ କନ୍କ୍ଲେଭ୍ ଆଣ୍ଡ୍ ଡିଜାଇନ୍ କାର୍ନିଭାଲ୍ ୨୦୨୩ ହେଉଛି ଅଭିନବ ଚିନ୍ତାଧାରା, ସ୍ଥାପତ୍ୟର ଭବିଷ୍ୟତ ଏବଂ ଚିନ୍ତାଶୀଳ ଆଲୋଚନା କରିବା ପାଇଁ ସ୍ଥପତି, ଅର୍ବାନ ପ୍ଲାନର, ଡିଜାଇନର ଓ ଦୂରଦ୍ରଷ୍ଟାଙ୍କ ପାଇଁ ଏକ ମଂଚ ଭାବେ କାର୍ଯ୍ୟ କରୁଛି । ଜ୍ଞାନର ଆଦାନପ୍ରଦାନ, ମାନ୍ୟତା ଏବଂ ସାଂସ୍କୃତିକ କାର୍ଯ୍ୟକ୍ରମ ସହିତ ଏହି କାର୍ଯ୍ୟକ୍ରମ ବାସ୍ତବରେ ସ୍ଥପତିମାନଙ୍କୁ ସଶକ୍ତ କରିଛି ଏବଂ ଏକ ଉଜ୍ଜ୍ୱଳ ଭବିଷ୍ୟତର ପଥ ପ୍ରଶସ୍ଥ କରିଛି ।
