ବାଘମାରୀ ଅଞ୍ଚଳରୁ ଗୋରୁ ବୋଝେଇ କଣ୍ଟେନର ଜବତ

ଖୋର୍ଦ୍ଧା:୧୫/୯(ପ୍ରବାହ ନିଉଜ) ଖୋର୍ଦ୍ଧା ଜିଲ୍ଲା ବାଘମାରୀ ଥାନା ଅନ୍ତର୍ଗତ ବାଘମାରୀ କଲେଜ୍ ସାମ୍ନାରୁ ବିଳମ୍ୱିତ ରାତିରେ ଏକ ଗୋରୁ କଣ୍ଟେନରକୁ ଜବତ କରିଛନ୍ତି ଗୋ ସୁରକ୍ଷା ସଙ୍ଗଠନ ଏବଂ ସ୍ଥାନୀୟ ଯୁବକ । ଗୋରୁ ଚାଲାଣରେ ସଂପୃକ୍ତ ଥିବା ଗାଡ଼ି ମାଲିକ ସହିତ କଣ୍ଟେନର ଏକ ଦାମୀକାର୍ କୁ ପୋଲିସ୍ ଅଟକ ରଖିଥିବା ବେଳେ ଘଟଣା ସ୍ଥଳରୁ ଡ୍ରାଇଭର ଫେରାର ହୋଇ ଯାଇଥବା ଜଣା ପଡିଛି।

ସୂଚନା ମୁତାବକ OR01-M-4488 ନମ୍ବର ବିଶିଷ୍ଟ କଣ୍ଟେନରଟି ବେଗୁନିଆ ଥାନା କୁଶପଲ୍ଲା ଅଞ୍ଚଳରୁ ଗୋରୁ ବୋଝେଇ କରି ରାତି ପ୍ରାୟ ଗୋଟାଏ ସମୟରେ ଭଦ୍ରକ ଅଭିମୁଖେ ଯିବା ବେଳେ ବାଘମାରୀ କଲେଜ୍ ସାମ୍ନାରୁ ଧରାପଡ଼ିଛି।

କଣ୍ଟେନର ମଧ୍ୟରେ ଅତି ଦୟନୀୟ ଅବସ୍ଥାରେ ପାଖାପାଖି ୬୭ଟି ଗୋରୁ ଥିବା ଜଣା ପଡ଼ିଥିବା ବେଳେ ଗୋ ସୁରକ୍ଷା ସଙ୍ଗଠନର ସଦସ୍ୟ ଖୋର୍ଦ୍ଧା ଭାଲିଆବାଡ଼ି ଖେଳ ପଡ଼ିଆରେ ସମସ୍ତ ଗୋରୁଙ୍କୁ ଖଲାସ କରିଥିବା ବେଳେ କଣ୍ଟେନରକୁ ପୋଲିସ୍ ର ଜିମା ଦେଇଛନ୍ତି ।

ତେବେ ଗୋରୁ ବୋଝେଇ କଣ୍ଟେନରଟି କୁଶପଲ୍ଲା ଅଞ୍ଚଳର ଶେଖ୍ ଜବ୍ବରଙ୍କ ନାମରେ ପଞ୍ଜୀକୃତ ହୋଇଥିବା ବେଳେ ସମସ୍ତଙ୍କ ସନ୍ଦେହ ନଜରରୁ ବଞ୍ଚିବା ପାଇଁ ଗାଡ଼ିର ଅଗ୍ରଭାଗରେ ଜଗନ୍ନାଥଙ୍କ ଫଟୋଚିତ୍ର ଅଙ୍କିତ କରି ଶେଖ୍ ଜବ୍ବର ଦୀର୍ଘଦିନ ଧରି ଏହି ଗୋରୁ ଚାଲାଣ କରି ଆସୁଥିବା ଜଣାପଡିଛି । ଅଭିଯୋଗ ଆଧାରରେ ଏ ସମ୍ପର୍କରେ ବାଘମାରୀ ଥାନା କେସ ନମ୍ବର ୧୧୮/୨୨ରେ ଏକ ମାମଲା ରୁଜୁ କରାଯାଇ ଉଭୟ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ନେଇ ପୋଲିସ ପକ୍ଷରୁ ସୂଚନା ମିଳିଛି।

ସେହିପରି ଗତ ଅଗଷ୍ଟ ମାସ ୧୨ତାରିଖରେ ଟାଙ୍ଗୀ ଥାନା ଅଞ୍ଚଳରୁ ଏକ ବଡ଼ ଧରଣର ଗୋ ଚାଲାଣ ଯୋଜନାକୁ ପୋଲିସ ପଣ୍ଡ କରି ୧୦୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର କରିଥିବା ବେଳେ ଆଜି ପୁଣି ସମାନ ଘଟଣା ଘଟିଛି ବାଘମାରି ଥାନା ଅଞ୍ଚଳରେ । ବାରମ୍ବାର ଜିଲ୍ଲାରେ ଏପରି ଘଟଣା ଘଟୁଥୁବା ବେଳେ ଜନସାଧାରଣ ଏଥିରେ ମର୍ମାହତ ହେବା ସହ ପୋଲିସକୁ ଏହା ଉପରେ କଠୋର ଅଭିମୁଖ୍ୟ ଗ୍ରହଣ କରିବା ସହିତ ନିଜ ଜୀବନକୁ ବିପଦରେ ପକାଇ ଗୋରୁଙ୍କୁ ଉଦ୍ଧାର କରିଥିବା ଗୋ ସୁରକ୍ଷା କର୍ମୀଙ୍କୁ ପ୍ରଶାସନ ପକ୍ଷରୁ ସୁରକ୍ଷା ଯୋଗାଇ ଦେବାକୁ ସାଧାରଣରେ ଦାବି ହେଉଛି।