ଖୋର୍ଦ୍ଧା ବିଜେଡି ପକ୍ଷରୁ ପ୍ରବାଦ ପୁରୁଷ ବିଜୁବାବୁଙ୍କ ୧୦୫ତମ ଜୟନ୍ତୀ ଉତ୍ସବ ପାଳିତ

ଖୋର୍ଦ୍ଧା : ୦୫/୦୩/୨୦୨୧ : ବିଜୁ ଜନତା ଦଳ ଖୋର୍ଦ୍ଧା ନିର୍ବାଚନ ମଣ୍ଡଳୀ ପକ୍ଷରୁ ପ୍ରବାଦ ପୁରୁଷ ତଥା ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ବିଜୁବାବୁଙ୍କ ୧୦୫ ତମ ଜୟନ୍ତୀ ଦିବସ ବିଧାୟକ ଶ୍ରୀ ଜ୍ୟୋତିରିନ୍ଦ୍ର ନାଥ ମିତ୍ରଙ୍କ ନେତୃତ୍ୱରେ ସ୍ଥାନୀୟ ବିଡିଏ କଲ୍ୟାଣ ମଣ୍ଡପଠାରେ ଅନୁଷ୍ଠିତ ହୋଇ ଯାଇଛି।

ଏହି ଅବସରରେ ଓଡ଼ିଶା-“ମୋ ପରିବାର” ଅଧ୍ୟକ୍ଷ ଶ୍ରୀ ଅରୁପ ମୋହନ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେଇଥିବା ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷ ରାମଚନ୍ଦ୍ର ମହାପାତ୍ର, ଜିଲ୍ଲା ପରିଷଦ ସଭ୍ୟ ସ୍ବଦେଶ ରାଉତରାୟ, ସଭ୍ୟା ଗୀତାଞ୍ଜଳୀ ପାଟ୍ଟଶାଣୀ, ଟାଙ୍ଗି ବ୍ଲକ ଅଧ୍ୟକ୍ଷ ବିଜୟ ଜେନା,  ଓଡିଶା ମୋ ପରିବାର ଖୋର୍ଦ୍ଧା ଜିଲ୍ଲା ସଂଯୋଜକ ଦିଲୀପ  କୁମାର ହୋତା,  ବିଜୁ ଯୁବ ଜନତା ଦଳର  ଜିଲ୍ଲା ସଭାପତି ରାଜେଶ ପରିଡା, ବରିଷ୍ଠ ଆଇନଜୀବୀ ରଜନୀକାନ୍ତ ପଟ୍ଟନାୟକ, ଯୁବ ସଂଯୋଜକ ଚନ୍ଦନ ପ୍ରଧାନ,  ଛାତ୍ର ସମ୍ପାଦକ ଅବିନାଶ ପଟ୍ଟନାୟକ ପ୍ରମୁଖ ଉପସ୍ଥିତ ରହି ପ୍ରବାଦ ପୁରୁଷ ବିଜୁ ବାବୁଙ୍କ ସ୍ମୃତିଚାରଣ କରିଥିଲେ।

ଶତାବ୍ଦୀ ପୁରୁଷ ବିଜୁ ପଟ୍ଟନାୟକ ଏକାଧାରରେ ଜଣେ ସ୍ବାଧୀନତା ସଂଗ୍ରାମୀ, ଲୋକପ୍ରିୟ ଜନନାୟକ, ଶିଳ୍ପପତି ତଥା ଦୁଃସାହସୀ ବୈମାନିକ ଭାବେ ଦେଶ ବିଦେଶରେ ନାଁ କରିଥିଲେ ।  ଆଜି ଓଡିଶା ର ପ୍ରଗତି ପଛରେ ବିଜୁବାବୁ ଙ୍କ ଅବଦାନ ଅତୁଳନୀୟ । ପଞ୍ଚାୟତ ବ୍ୟବସ୍ଥାକୁ ତୃଣମୂଳ ସ୍ତରରେ ସୁଦୃଢ କରିବା ସହିତ ପଞ୍ଚାୟତ ସମିତି ଗଠନ କରି ପ୍ରତିନିଧି ମାନଙ୍କୁ ସ୍ୱତନ୍ତ୍ର ପରିଚୟ ପ୍ରଦାନ କରିବା, ସେହିପରି ଗ୍ରାମାଞ୍ଚଳ ର ଉନ୍ନତି ନିମନ୍ତେ ବିଭିନ୍ନ ପ୍ରକାର ଯୋଜନା ସହିତ ନାରୀକୁ ସମ୍ମାନ ଆହ୍ୱାନ ଆଜି ବାସ୍ତବରେ ନବୀନ ସରକାର ଦ୍ୱାରା କାର୍ଯ୍ୟକାରୀ ହୋଇ ପାରିଛି ବୋଲି ମଞ୍ଚାସୀନ ଅତିଥିମାନେ ନିଜ ନିଜର ବକ୍ତବ୍ୟରେ କହିଥିଲେ।

ସେହିପରି ବିଧାୟକ ଜିତୁ ମିତ୍ର ଦିଲ୍ଲୀପ ହୋତାଙ୍କ ନେତୃତ୍ୱରେ ସକାଳ ଆଠଟା ସମୟରେ ଖୋର୍ଦ୍ଧା ସମବାୟ ବ୍ୟାଙ୍କ ଛକରୁ ବାହାରିଥିବା ଏକ ବିଶାଳ ମୋଟର ସାଇକେଲ ରାଲି ରେ ଯୋଗଦେଇ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖ ବିଜୁ ପଟ୍ଟନାୟକ ପାର୍କରେ ପହଞ୍ଚି ବିଜୁ ବାବୁଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ ଓ  ଏହା ସହିତ ଜିଲ୍ଲା  ମୁଖ୍ୟ ଚିକତ୍ସାଳୟ ରେ ରୋଗୀ ମାନଙ୍କୁ  ଯୁବ ଛାତ୍ର ବିଜେଡ଼ି ପକ୍ଷରୁ ଫଳ ବଣ୍ଟନ କରାଯାଇଥିଲା।

Check: Satta Matka