ବନ୍ଧନ ବ୍ୟାଙ୍କ୍ ପକ୍ଷରୁ ୨୦୨୨-୨୩ ଆର୍ଥିକ ବର୍ଷର ଦ୍ୱିତୀୟ ତ୍ରୈମାସିକରେ ଦୃଢ଼ ବ୍ୟବସାୟ ଅଭିବୃଦ୍ଧି ହାସଲ
ସେପ୍ଟେମ୍ବର ୩୦, ୨୦୨୨ ସୁଦ୍ଧା ମୋଟ ଗ୍ରାହକ ସଂଖ୍ୟା ୨.୭୭ କୋଟି
• ଲୋନ୍ ବୁକ୍ ବର୍ଷକୁ ବର୍ଷ ୧୮% ବୃଦ୍ଧି ସହ ୯୫,୮୩୫ କୋଟି ଟଙ୍କା
• ମୋଟ ଜମା ବର୍ଷକୁ ବର୍ଷ ୨୧% ବୃଦ୍ଧି ସହ ୯୯,୩୬୫ କୋଟି ଟଙ୍କା
• କାସା ଅଭିବୃଦ୍ଧି ବର୍ଷକୁ ବର୍ଷ ୧୧%
• କାସା ଅନୁପାତ ହେଉଛି ୪୦.୮%
• ମୋଟ ଜମାରେ ରିଟେଲ୍ର ଭାଗ ୭୪ %
ଭୁବନେଶ୍ୱର: ବନ୍ଧନ ବ୍ୟାଙ୍କ୍ ପକ୍ଷରୁ ୨୦୨୨-୨୩ ଆର୍ଥିକ ବର୍ଷର ଦ୍ୱିତୀୟ ତ୍ରୈମାସିକ ଆର୍ଥିକ ଫଳାଫଳ ଘୋଷଣା କରାଯାଇଛି । ପରିଚାଳନା ପରିବେଶ ଅନୁକୂଳ ହୋଇରହିିଥିବାରୁ ବ୍ୟାଙ୍କ୍ର ସୁଦୃଢ଼ ବ୍ୟବସାୟ ଅଭିବୃଦ୍ଧି ଜାରି ରହିଛି । ବ୍ୟାଙ୍କ୍ର ମୋଟ କାରବାର (ଜମା ଓ ଅଗ୍ରୀମ) ୨୦୨୨ ସେପ୍ଟେମ୍ବର ୩୦ ସୁଦ୍ଧା ବର୍ଷକୁ ବର୍ଷ ଭିତରେ ୧୯.୫% ବୃଦ୍ଧି ପାଇ ୧,୯୫,୨୦୦ କୋଟି ଟଙ୍କା ହୋଇଛି । ବ୍ୟାଙ୍କ୍ ଭାରତର ୩୬
ଟି ରାଜ୍ୟ ଓ କେନ୍ଦ୍ର ଶାସିତ ଅଂଚଳ ମଧ୍ୟରୁ ୩୪ ଟିରେ ୫୬୪୬ ବ୍ୟାଙ୍କିଙ୍ଗ୍
ଆଉଟ୍ଲେଟ୍ ଜରିଆରେ ୨.୭୭ କୋଟି ଗ୍ରାହକଙ୍କୁ ସେବା ପ୍ରଦାନ କରୁଛି । ବନ୍ଧନ ବ୍ୟାଙ୍କ୍ରେ କାର୍ଯ୍ୟ କରୁଥିବା ମୋଟ କର୍ମଚାରୀଙ୍କ ସଂଖ୍ୟା ୬୪,୦୦୦ ରହିଛି ।
ଚଳିତ ଆର୍ଥିକ ବର୍ଷର ଦ୍ୱିତୀୟ ତ୍ରୈମାସିକରେ ବ୍ୟାଙ୍କ୍ର ଜମା ପୂର୍ବ ବର୍ଷର ସମାନ ତ୍ରୈମାସିକ ତୁଳନାରେ ୨୧% ବୃଦ୍ଧି ପାଇଛି । ମୋଟ ଜମା ଏବେ ୯୯,୩୬୫ କୋଟି ଟଙ୍କା ରହିଛି । ଆଲୋଚ୍ୟ ଅବଧିରେ ବ୍ୟାଙ୍କ୍ର ରିଟେଲ୍ ଡିପୋଜିଟ୍ ବୁକ୍ରେ ଉଲ୍ଲେଖନୀୟ ବୃଦ୍ଧି ହୋଇଛି ଓ ବର୍ଷକୁ ବର୍ଷ ୭% ଅଭିବୃଦ୍ଧି ସହ ୭୩,୬୬୦ କୋଟି ଟଙ୍କା ହୋଇଛି । (କରେଂଟ୍) ଚଳନ୍ତୀ ଓ ସଂଚୟ ଖାତା ପୁସ୍ତିକା (କାସା) ବର୍ଷକୁ ବର୍ଷ ଭିତରେ ୧୧% ବୃଦ୍ଧି ପାଇଛି ଏବଂ କାସା ଜମା ଅନୁପାତ ଏବେ ମୋଟ ଜମାର ୪୦.୮% ରହିଛି ।
ଅଗ୍ରୀମ କ୍ଷ୍ରେରେ ବ୍ୟାଙ୍କ୍ ପୂର୍ବବର୍ଷର ସମାନ ତ୍ରୈମାସିକ ତୁଳନାରେ ୧୮% ବୃଦ୍ଧି ହାସଲ କରିଛି । ମୋଟ ଅଗ୍ରୀମ ଏବେ ୯୫,୮୩୫ କୋଟି ଟଙ୍କା ରହିଛି । ବ୍ୟାଙ୍କ୍ ସ୍ଥିରତାର ସଙ୍କେତ ଭାବେ ବିଚାର କରାଯାଉଥିବା ପୁଞ୍ଜି ସ୍ୱଚ୍ଛତା ଅନୁପାତ (ସିଏଆର୍) ୧୯.୪% ରହିଛି ଯାହା ନିୟାମକ ଆବଶ୍ୟକତା ତୁଳନାରେ ଅଧିକ ରହିଛି ।
ଚଳିତ ଆର୍ଥିକ ବର୍ଷରେ ବନ୍ଧନ ବ୍ୟାଙ୍କ୍ ସାରା ଦେଶରେ ୫୫୦ ରୁ ଅଧିକ ନୂଆ ଶାଖା ଖୋଲିବାକୁ ଯୋଜନା ରଖିଛି । ବ୍ୟାଙ୍କ୍ ପକ୍ଷରୁ ଏସଏମଇ ଋଣ, ସୁନା ଋଣ, ବ୍ୟକ୍ତିଗତ ଋଣ ଓ ଗାଡ଼ି ଋଣ ଓ ଅନ୍ୟାନ୍ୟ ଉତ୍ପାଦ ପୋର୍ଟଫୋଲିଓକୁ ବଢ଼ାଇବା ଉପରେ ଗୁରୁତ୍ୱାରୋପ କରାଯାଉଛି ।
ଫଳାଫଳ ସମ୍ପର୍କରେ ଚନ୍ଦ୍ର ଶେଖର ଘୋଷ, ଏମଡି ଓ ସିଇଓ, ବନ୍ଧନ ବ୍ୟାଙ୍କ କହିଛନ୍ତି ଯେ, “ବ୍ୟାଙ୍କ୍ ପାଇଁ ଏହା ଏକ ଭଲ ତ୍ରୈମାସିକ ହୋଇଛି କାରଣ ଆମେ ଦୃଢ଼ ବର୍ଷକୁ ବର୍ଷ ଅଭିବୃଦ୍ଧି ହାସଲ କରିଛୁ । ଆମେ ଆମର ବିତରଣ ଓ ଉତ୍ପାଦ ବର୍ଗମାଳାକୁ ବଢ଼ାଉଥିବା ବେଳେ ସାରା ଭାରତର ବ୍ୟାଙ୍କିଙ୍ଗ୍ ଆବଶ୍ୟକତା ପୂରଣ କରିବା ଲାଗି ଆମେ ସମ୍ପୂର୍ଣ୍ଣ ପ୍ରସ୍ତୁତ ରହିଛୁ । କୋଟି କୋଟି ଭାରତୀୟଙ୍କ ବିଶ୍ୱାସ ଜିତିଥିବାରୁ ଆମେ ନିଜକୁ ଭାଗ୍ୟବାନ ମନେ କରୁଛୁ ଏବଂ ଆମେ ସେମାନଙ୍କୁ ସେବା ପ୍ରଦାନ ଜାରି ରଖିବୁ ।
