ଆଠଗଡ ସାହିତ୍ୟସମାଜ ହୋଲି ଉତ୍ସବ
ପ୍ରଫୁଲ୍ଲ ପଟ୍ଟନାୟକ ଙ୍କୁ ପ୍ରଦାନ କରାଗଲା ଭାବ ବିନୋଦିଆ
ଆଠଗଡ,ପ୍ରବାହ ନ୍ୟୁଜ୍ : ଆଠଗଡ ସାହିତ୍ୟ ସମାଜ ଆନୁକୁଲ୍ୟରେ ସ୍ଥାନୀୟ ହନୁମାନ ମନ୍ଦିର ପରିସରରେ ହୋଲି ଉତ୍ସବ ଅନୁଷ୍ଠିତ ହୋଇଯାଇଛି ।ସାହିତ୍ୟ ସମାଜର ସଭାପତି ସୁରେଶଚନ୍ଦ୍ର ପରିଡାଙ୍କ ସଭାପତିତ୍ବରେ ଅନୁଷ୍ଠିତ ଏହି ଉତ୍ସବ ରେ ମୁଖ୍ୟଅତିଥି ଭାବେ ଆଠଗଡ ଉପଖଣ୍ଡ ଆରକ୍ଷୀ ଅଧିକାରୀ ବିଶ୍ୱଜିତ୍ ମହାନ୍ତି ଏବଂ ସାହିତ୍ୟିକ ଡ଼ ନାରାୟଣ ପଣ୍ଡା ଯୋଗଦେଇ କହିଲେ ଆଠଗଡ ଏକ ସାହିତ୍ୟ,ଐତିହ୍ୟ,ସଂସ୍କୃତି ସମ୍ପନ୍ନ ଅଞ୍ଚଳ, ଏହି ଆଠଗଡ ବହୁ ଗୁଣିଜ୍ଞାନୀଙ୍କୁ ଜନ୍ମ ଦେଇଛି, ସେହି ମାନଙ୍କ ପରିକଳ୍ପନା ଆଜି ସାହିତ୍ୟ ସମାଜକୁ ଆଗେଇ ନେବାରେ ସଫଳ ହୋଇଛି | ଏହି ହୋଲିଉତ୍ସଭ ରେ ସମ୍ମାନିତ ଅତିଥି ଭାବେ ସାହିତ୍ୟ ସମାଜର ପୂର୍ବତନ ସଭାପତି ପ୍ରାଣକୃଷ୍ଣ ଦାସ ଯୋଗଦେଇ କହିଲେ ଏମିତି ଗଡଜାତ ନାହିଁ ଯୋଉ ଗଡଜାତ ଆଠଗଡ ରେ ଫଗୁଦଶମୀ ଠାରୁ ଆରମ୍ଭ ହେଉଥିବା ଦୋଳଯାତ୍ରା ବାରୁଣୀ ରେ ଶେଷ ହୁଏ ।ପ୍ରାରମ୍ଭରେ ଆଠଗଡ ସାହିତ୍ୟ ସମାଜ ତରଫରୁ ବର୍ଷିଆନ କବି ରମାକାନ୍ତ ରଥ, ଆଠଗଡ ସାହିତ୍ୟ ସମାଜର ପୂର୍ବତନ ସଭ୍ୟ ନରହରି ନନ୍ଦ ଏବଂ ରମେଶ ମହାପାତ୍ରଙ୍କ ବିୟୋଗରେ ଗୋଟିଏ ମିନିଟ ନିରବ ପ୍ରାର୍ଥନା କରାଯାଇଥିଲା |ସାହିତ୍ୟ ସମାଜର ସଭ୍ୟା ପୁଲିନ ମିଶ୍ର ଅତିଥି ମାନଙ୍କର ପରିଚୟ ପ୍ରଦାନ କରିଥିବା ବେଳେ ସାହିତ୍ୟ ସମାଜର ସମ୍ପାଦକ ଲଲାଟେନ୍ଦୁ ସେନାପତି ସଭାକାର୍ଯ୍ୟ ପରିଚାଳନା କରିଥିଲେ।ସଭ୍ୟା ଦୀପାଳି ଦାଶଙ୍କ ତରଫରୁ ହୋଲି ଅବସରରେ ସମସ୍ତଙ୍କୁ ରଙ୍ଗ ଅଭିର ପ୍ରଦାନ କରାଯାଇଥିଲା |ବର୍ଷିଆନ ସଭ୍ୟ ପ୍ରଫୁଲ୍ଲ କୁମାର ପଟ୍ଟନାୟକଙ୍କୁ ଭାବବିନୋଦିଆ ସମ୍ମାନ ରେ ସମ୍ମାନିତ କରାଯିବା ସହିତ ମାନପତ୍ର ଓ ଉତ୍ତରୀୟ ପ୍ରଦାନ କରାଯାଇଥିଲା| ସ୍ବର୍ଗତ ହରେକୃଷ୍ଣ ଦାଶଙ୍କ ପ୍ରଦତ୍ତ ଭାବ ବିନୋଦିଆ ସମ୍ମାନକୁ ସହଯୋଗ କରିଥିଲେ ଶ୍ରୀମତୀ କଳ୍ପଲତା ଦାଶ | ଆଇନଜୀବୀ ତଥା ସାହିତ୍ୟ ସମାଜ ଉପସଭାପତି ବିଷ୍ଣୁ ପ୍ରସାଦ ସାହୁ ଧନ୍ୟବାଦ ପ୍ରଦାନ କରିଥିଲେ | ଏହି ସଭାରେ ଅବସରପ୍ରାପ୍ତ ପ୍ରଶାସନିକ ଅଧିକାରୀ ପ୍ରଫୁଲ୍ଲ ମହାପାତ୍ର,ଶିକ୍ଷାବିତ୍ ପ୍ରମୋଦ କୁମାର ଜେନା,ତ୍ରିଲୋଚନ ଦାସ,ଗଣେଶ ପ୍ରସାଦ ରାଉତ,ସଦାନନ୍ଦ ପଟ୍ଟନାୟକ,ତ୍ରିଲୋଚନ ବେହେରା,ପ୍ରମୋଦ ବିଶୋଇ ସାହିତ୍ୟିକା ଶ୍ରୀମତୀ ସବିତା ମଞ୍ଜରୀ ଭୋଇ ପ୍ରମୁଖ ବହୁ ସାହିତ୍ୟିକ ଓ ସମାଜସେବୀ ଯୋଗଦେଇ ହୋଲି ଅବସରରେ କବିତା ପଠନ କରିଥିଲେ |
