ଷ୍ଟେଟ ବ୍ଯାଙ୍କ ଅଧିକାରୀ ସଂଘ ଭୁବନେଶ୍ବର ମଣ୍ଡଳର ବାର୍ଷିକ ସାଧାରଣ ସଭା

ଭୁବନେଶ୍ବର: 26 ଫେବୃୟାରି 2023 : ଷ୍ଟେଟ ବ୍ଯାଙ୍କ ଅଧିକାରୀ ସଂଘର ବାର୍ଷିକ ସାଧାରଣ ସଭା ଭୁବନେଶ୍ବର ସ୍ଥିତ KIIT ର ପ୍ରେକ୍ଷାଲୟରେ ଅନୁଷ୍ଠିତ ହୋଇଯାଇଛି । ଓଡିଶାର କୋଣ ଅନୁକୋଣରୁ ପ୍ରାୟ 2000 ଷ୍ଟେଟ ବ୍ଯାଙ୍କ ଅଧିକାରୀ ଏହି ସଭାରେ ଯୋଗଦାନ କରିଥିଲେ । ଷ୍ଟେଟ ବ୍ଯାଙ୍କ ଭୁବନେଶ୍ବର ମଣ୍ଡଳର ମୁଖ୍ୟ ମହାପ୍ରବନ୍ଧକ ଶ୍ରୀ ଚନ୍ଦର ଶେଖର ଶର୍ମା ଏହି ସଭାକୁ ଉଦ୍-ଘାଟନ  କରିଥିଲେ । ସର୍ବ ଭାରତୀୟ ଷ୍ଟେଟ ବ୍ଯାଙ୍କ ଅଧିକାରୀ ସଂଘର ସାଧାରଣ ସଭାପତି ଓ ଏଆଇବିଓସି ର ସାଧାରଣ ସମ୍ପାଦକ ଶ୍ରୀ ରୂପମ ରାୟ ଏହି ସଭାରେ ଯୋଗଦାନ କରିଥିଲେ । ଷ୍ଟେଟ ବ୍ୟାଙ୍କର ସମସ୍ତ ମଣ୍ଡଳର ଅଧିକାରୀ ସଂଘର ସଭାପତି ଓ ସାଧାରଣ ସମ୍ପାଦକ ଏହି ସଭାରେ ସମ୍ମାନିତ ଅତିଥି ଭାବେ ଯୋଗଦାନ କରିଥିଲେ । ଷ୍ଟେଟ ବ୍ଯାଙ୍କ ଭୁବନେଶ୍ବର ମଣ୍ଡଳ କର୍ମଚାରୀ ସଂଘର ସାଧାରଣ ସମ୍ପାଦକ ତଥା UFBU ଓଡିଶାର ଆବାହକ  ଶ୍ରୀ ଆର ପି ଦାସ ଏହି ଅଧିବେଶନରେ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।

ଷ୍ଟେଟ ବ୍ଯାଙ୍କ ଭୁବନେଶ୍ବର ମଣ୍ଡଳ ଅଧିକାରୀ ସଂଘର ସାଧାରଣ ସମ୍ପାଦକ ଶ୍ରୀ ଅରୁଣ କୁମାର ବିଶୋୟୀ ସ୍ଵାଗତ ଭାଷଣ ପ୍ରଦାନ କରିଥିଲେ ଓ ରାଜ୍ଯରେ ସଙ୍ଘର ବଳିଷ୍ଠ ନେତୃତ୍ବ ପାଇଁ ସମସ୍ତ ସଦସ୍ୟ ସହୃଦୟ ସହଯୋଗ ବଜାୟ ରଖିଥିବାରୁ ପ୍ରଶଂସା କରିଥିଲେ । ସେ ଜୀବନରେ ପରିବାର ଓ କର୍ମକ୍ଷେତ୍ର ମଧ୍ୟରେ ସମତୁଲ ରଖିବା ପାଇଁ ପ୍ରେରଣା ଦେଇଥିଲେ । ଅଧିକାରୀ ମାନଙ୍କ ସମସ୍ୟାକୁ ସୂଚାରୁ ଭାବେ ସମାଧାନ କରିଥିବାରୁ ସେ ମଣ୍ଡଳ ପ୍ରବନ୍ଧନ ସମିତି ସଭ୍ୟ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ । ଏହି ଅଧିବେଶନରେ ଷ୍ଟେଟ ବ୍ଯାଙ୍କ ଅଧିକାରୀ ସଂଘ ଭୁବନେଶ୍ବର ମଣ୍ଡଳର ସଭାପତି ଶ୍ରୀ ଅମିତାଭ ଦାସ ସଭାପତିତ୍ଵ କରିଥିଲେ ।