୧୫ ତାରିଖରେ ପ୍ରଦେଶ କଂଗ୍ରେସ କମିଟି ତରଫରୁ ସାତ ଘଣ୍ଟିଆ ଓଡିଶା ବନ୍ଦ

ତୈଳଇନ୍ଧନର ଅହେତୁକ ମୂଲ୍ୟ ବୃଦ୍ଧିକୁ ନେଇ ଆସନ୍ତା ଫେବୃୟାରୀ ୧୫ ତାରିଖରେ ସାତ ଘଣ୍ଟିଆ ଓଡିଶା ବନ୍ଦ ଡାକରା ଦେଇଛି ଓଡିଶା ପ୍ରଦେଶ କଂଗ୍ରେସ କମିଟି । ରାଜ୍ୟ କଂଗ୍ରେସର ମଙ୍ଗୁଆଳ  ନିରଞ୍ଜନ ପଟ୍ଟନାୟକ ଆସନ୍ତା ସୋମବାର ଦିନ ହେବାକୁ ଥିବା ଏହି ବନ୍ଦ ସକାଳ ସାତଟାରୁ ଆରମ୍ଭ ହୋଇ ଦିନ ଗୋଟାଏ ପର୍ଯ୍ୟନ୍ତ ଜାରି ରହିବ।

ଏହି ସମୟ ମଧ୍ୟରେ ଅତ୍ୟାବଶ୍ୟକ ଯାନବାହାନ ଗୁଡିକ ଛାଡ଼ି ରାସ୍ତାଘାଟ,  ସମସ୍ତ ଦୋକାନ ବଜାର ଏବଂ ଅନ୍ୟାନ୍ୟ ବ୍ୟବସାୟ ପ୍ରତିଷ୍ଠାନଗୁଡ଼ିକ ବନ୍ଦ ରହିବ ବୋଲି ସେ କହିଛନ୍ତି।

ଆହୁରି ପଟ୍ଟନାୟକ କହିଛନ୍ତି ଯେ ତାଙ୍କ ଦଳ ଜାଣିଛି ଯେ ବନ୍ଦ ଯୋଗୁଁ ସାଧାରଣ ଲୋକମାନେ ବିଭିନ୍ନ ପ୍ରକାର ର ଅସୁବିଧାର ସମ୍ମୁଖୀନ ହେବେ କିନ୍ତୁ ଏହାର କୌଣସି ବିକଳ୍ପ ନାହିଁ ଓ ପରିଶେଷରେ ସେ ରାଜ୍ୟବାସୀଙ୍କୁ ଅନୁରୋଧ କରିଛନ୍ତି, ଏହି ଓଡ଼ିଶା ବନ୍ଦକୁ ସଫଳ କରିବା ପାଇଁ ସମସ୍ତ ଓଡ଼ିଶାବାସୀଙ୍କୁ ସହଯୋଗ କରିବାକୁ ଆହ୍ୱାନ କରିଛନ୍ତି ।