ଆଜି କ୍ରିକେଟର୍ କେ.ଏଲ୍ ରାହୁଲଙ୍କ ପତ୍ନୀ ବନିବାକୁ ଯାଉଛନ୍ତି ସୁନୀଲ ତନୟା ଆଥିଆ
ମୁମ୍ବାଇ: ଆଜି ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ବଲିଉଡ ଅଭିନେତ୍ରୀ ତଥା ସୁନୀଲ ସେଟ୍ଟୀଙ୍କ ଝିଅ ଆଥିଆ ସେଟ୍ଟୀ ଓ କ୍ରିକେଟର୍ କେ.ଏଲ୍ ରାହୁଲ । ଦୀର୍ଘ ବର୍ଷ ପ୍ରେମ ସଂପର୍କରେ ରହିବା ପରେ ଶେଷରେ ସୁନୀଲଙ୍କ ଫାର୍ମହାଉସ୍ରେ ଝିଅ ଆଥିଆର ବିବାହ ଉତ୍ସବ ଆରମ୍ଭ ହୋଇଯାଇଛି। ବିବାହ ଉତ୍ସବ ଶନିବାରଠାରୁ ଆରମ୍ଭ ହୋଇସାରିଛି। ପ୍ରତ୍ୟେକ ସ୍ବତନ୍ତ୍ର ମୁହୂର୍ତ୍ତର ଫଟୋ ଓ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି।
ବିବାହ ପାଇଁ ଏବେ ସୁନୀଲ ସେଟ୍ଟୀଙ୍କ ଘରକୁ ଖୁବ ସୁନ୍ଦର ଭାବେ ସଜା ଯାଇଥିବା ବେଳେ ବିବାହକୁ ନେଇ ନୂଆ ନୂଆ ଅପଡେଟ ଆସିବାରେ ଲାଗିଛି। ବିବାହରେ ଆଥିଆ ବଲିଉଡ ଦମ୍ପତି ଅନୁଷ୍କା ଶର୍ମା-ବିରାଟ କୋହଲି, କଟ୍ରିନା କୈଫ-ବିକି କୌଶଲ, ଦୀପିକା ପାଦୁକୋନ-ରଣବୀର ସିଂହ ଓ ଆଲିଆ ଭଟ୍ଟ-ରଣବୀର କପୁରଙ୍କୁ ଅନୁସରଣ କରିବେ ବୋଲି ଜଣାପଡ଼ିଛି। ଏହି ସବୁ ଦମ୍ପତିମାନେ ନିଜ ବିବାହର ଫଟୋକୁ ତୁରନ୍ତ ଲୋକଲୋଚନକୁ ନଆଣିବା ପାଇଁ ଏକ ନିୟମ ତିଆରି କରିଥିଲେ। ବିବାହରେ ଯୋଗ ଦେବାକୁ ଥିବା ଅତିଥିଙ୍କୁ ଫୋନ ନେବାକୁ ମନା କରାଯାଇଥିଲା।
ଏବେ ଆଥିଆ-କେଏଲ ରାହୁଲଙ୍କ ବିବାହରେ ମଧ୍ୟ ସେହି ନିୟମ ଲାଗୁ କରାଯାଇଥିବା ଜଣାପଡ଼ିଛି। ଦୁହିଁଙ୍କ ବିବାହରେ ନୋ ଫୋନ ପଲିସି ଲାଗୁ କରାଯାଇଛି।
ବିବାହ ପୂର୍ବ ରୀତିନୀତି ଜାନୁଆରି ୨୨ରୁ ଅର୍ଥାତ ଗତକାଲିଠାରୁ ଆରମ୍ଭ ହୋଇଯାଇଛି। ଗତକାଲି ମେହେନ୍ଦି ସମାରୋହ ସୁନୀଲ ସେଟ୍ଟୀଙ୍କ ଘରେ ରଖାଯାଇଥିବା ବେଳେ ଆଜି ଆଥିଆ ଏବଂ କେ.ଏଲ୍ ରାହୁଲ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି।
