ଦୁଷ୍କର୍ମ ଅଭିଯୋଗରେ ଡାକ୍ତରଖାନାରୁ ଚମ୍ପଟ ମାରିଥିବା ଅଭିଯୁକ୍ତ ଗିରଫ

ବଡ଼ବିଲ :: ଦୁଷ୍କର୍ମ ଅଭିଯୋଗରେ ଗିରଫ ହୋଇଥିବା ଅଭିଯୁକ୍ତ କୋର୍ଟ ଚାଲାଣ ପୂର୍ବରୁ ଡାକ୍ତରୀ ପରୀକ୍ଷା ପାଇଁ ଯାଇଥିବା ବେଳେ ପୋଲିସ ହେଫାଜତରୁ ଡାକ୍ତରଖାନାରୁ ଦୌଡ଼ି ଖସିଯିବାରେ ସକ୍ଷମ ହୋଇଥିବା ଅଭିଯୁକ୍ତକୁ ଗ୍ରାମବାସୀଙ୍କ ସହାୟତାରେ ପୋଲିସ ଗିରଫ କରିବାରେ ସଫଳ ହୋଇଥିବା ଥାନା ଅଧିକାରୀ ଶ୍ରୀମତୀ ପ୍ରମୋଦିନୀ ସାହୁ ସୂଚନା ଦେଇଛନ୍ତି। ଗତ କାଲି ଦୁଷ୍କର୍ମ ଅଭିଯୁକ୍ତ ଜୁନୁନ ସିଦ୍ଧୁକୁ କୋର୍ଟ ଚାଲାଣ କରିବା ପୂର୍ବରୁ ତାର ଡାକ୍ତରୀ ପରୀକ୍ଷା ପାଇଁ ତାକୁ ବଡ଼ବିଲ ସରକାରୀ ଡାକ୍ତରଖାନାକୁ ନିଆଯାଇଥିବାବେଳେ ପୋଲିସ ଆଖିରେ ଧୂଳି ଦେଇ ଚମ୍ପଟ ମାରିଥିଲା। ହେଲେ ଆଜି ପୂର୍ବାହ୍ନ ୧୧ ଘଟିକା ସମୟରେ କସିଆ’କ’ ଗ୍ରାମବାସୀଙ୍କ ସହାୟତାରେ ବଡ଼ବିଲ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି।