ବାଙ୍କୀ ଚାଷୀଙ୍କ ମନରେ ଖୁସିର ସଂଚାର
ସ୍ୱୟଂଭୁ ଫାର୍ମହାଉସରେ ସୌରଚାଳିତ ଶୀତଳ ଭଣ୍ଡାର ଉଦଘାଟିତ
କଳାପଥର, ପ୍ରବାହ ନ୍ୟୁଜ୍ : ବୈଦ୍ୟେଶ୍ୱର ଥାନା ଅନ୍ତର୍ଗତ ଗୋଳାଗଣ୍ଡ ପଞ୍ଚାୟତର ସାତଖଣ୍ଡ ଗ୍ରାମରେ ଥିବା ସ୍ୱୟଂଭୁ ଫାର୍ମହାଉସରେ ସୌରଚାଳିତ ଶୀତଳ ଭଣ୍ଡାର ଉଦଘାଟିତ ହୋଇଯାଇଛି। ଏହି ଅବସରରେ ସନ ମାଇଷ୍ଟରର (ଚେନାଇ) ଡାଇରେକ୍ଟର ଶାଶ୍ୱତ ଦାଶ ନିଜସ୍ୱ ପ୍ରୟାସ ରେ ଏକ ସୌର ଚାଳିତ ଶୀତଳ ଭଣ୍ଡାର ୫ ମେଟ୍ରିକ ଟନ କ୍ଷମତା ମେସିନକୁ ଉଦଘାଟନ କରିଥିଲେ। ଏହି କାର୍ଯ୍ୟକ୍ରମ ରେ ନିଁର୍ଧେଶକ ଅଶୋକ ମହାନ୍ତି, ମନୋସ୍ୱିନୀ ମହାନ୍ତି, ଶୈଳେଶ ପଟ୍ଟନାୟକ, କମଳାକାନ୍ତ ପ୍ରହରାଜ, ଚାଷୀ ସିଧେଶ୍ୱର ପାଇକେରାୟ, ସମାଜସେବୀ ପ୍ରଫୁଲ୍ଲ ସେନାପତି, ଭବାନୀ ଶଙ୍କର ମିଶ୍ର ଏବଂ ବିଭୁଦତ୍ତ ରଞ୍ଜନ ପଟ୍ଟନାୟକ ପ୍ରମୁଖ ଉପସ୍ଥିତ ରହି ଆନୁଷ୍ଠାନିକ ସହଯୋଗ କରି ଥିଲେ। ବାଙ୍କୀ ର ଦୀର୍ଘ ଦିନର ଚାଷୀ ସମସ୍ୟା କୁ ଦୂରକରି ପନିପରିବାର ଅଭାବୀ ବିକ୍ରି ରୋକିବାକୁ ଦୃଷ୍ଟି ରେ ରଖି ଏକ ଅତ୍ୟାଧୁନିକ ଟେକନୋଲୋଜି ର ଉପଯୋଗ କରି ଉକ୍ତ ଶୀତଳଭଣ୍ଡାର ଟି ଚାଷୀ ମାନଙ୍କ ପାଇଁ ଲୋକାର୍ପିତ କରାଗଲା। ବୈଦେଶ୍ଵର ଏବଂ ଗୋଳାଗଣ୍ଡ ଅଂଚଳର ଚାଷୀ ମାନଙ୍କର ଆର୍ଥିକ ଅଭିବୃଦ୍ଧି ନିମନ୍ତେ ଏହି ଶୀତଳ ଭଣ୍ଡାର ଟି ଉଦିଷ୍ଟ ହୋଇପାରିବ ବୋଲି ସ୍ଥାନୀୟ ଅଞ୍ଚଳର ବହୁ ବୁଦ୍ଧିଜୀବୀ ମତବ୍ୟକ୍ତ କରିଛନ୍ତି। ଚାଷୀ ଉତ୍ପାଦିତ ଟମାଟ, କଖାରୁ, ଗ୍ରୀନ ମଟର, ଆମ୍ବ, ପୋଟଳ, ବାଇଗଣ କଞ୍ଚାଲଙ୍କା ଏପରିକି ବିଭିନ୍ନ ପ୍ରକାରର ଫୁଲ ଆଦି ବିଭିନ୍ନ ଫଳ ସରଂକ୍ଷଣ କରି ଅଭାବୀ ବିକ୍ରୀରୁ ରକ୍ଷା ପାଇପାରିବ। ଫଳରେ ଚାଷୀ ଆତ୍ମନିର୍ଭର ହେବା ସହ ଦକ୍ଷତା ବୃଦ୍ଧି ହୋଇପାରିବ। ସ୍ୱୟଂଭୁର ଏହି ଅଭିନଵ ପ୍ରୟାସ ଯୁଗପଯୋଗୀ ଓ ସ୍ୱାବଲମ୍ବୀ ସମାଜ ଗଠନରେ ପ୍ରମୁଖ ଭୂମିକା ଗ୍ରହଣ କରିଛି
