ବିଶ୍ୱ ପରିବେଶ ସ୍ୱାସ୍ଥ୍ୟ ଦିବସ ଅବସରରେ ବେଦାନ୍ତ ଆଲୁମିନିୟମ ସ୍ଥାୟୀ ପରିବେଶ ପରିଚାଳନା ପାଇଁ ପ୍ରତିଶ୍ରୁତିବଦ୍ଧ
ଭୁବନେଶ୍ୱର, ସେପ୍ଟେମ୍ବର ୨୬, ୨୦୨୩: ବିଶ୍ୱ ପରିବେଶ ସ୍ୱାସ୍ଥ୍ୟ ଦିବସରେ ଭାରତର ବୃହତ ଆଲୁମିନିୟମ ଉତ୍ପାଦକ ବେଦାନ୍ତ ଆଲୁମିନିୟମ ଲିମିଟେଡ ଏହାର ଉଚ୍ଚମାନର ବିଶ୍ୱସ୍ତରୀୟ ଉତ୍ପାଦ ପରିସର ମଧ୍ୟରେ ପରିବେଶ ସଂରକ୍ଷଣ ଓ ଏହାର ବିକାଶ ଉପରେ ବ୍ୟାପକ ପଦକ୍ଷେପ ଗ୍ରହଣ କରି ନିଜର ପ୍ରତିବଦ୍ଧତାକୁ ପ୍ରମାଣିତ କରିଛି । ବିଦ୍ୟମାନ ଓ ଆଗାମୀ ପୀଢି ପାଇଁ ଏକ ପରିବେଶ ରଣନୀତି ଅବଲମ୍ବନ କରି ଭବିଷ୍ୟତରେ ଆଗାମୀ ପୀଢି ଲାଗି ଉପଯୋଗୀ ପରିବେଶ ଗଠନ ଲକ୍ଷ୍ୟରେ ରହିଛି ।
କମ୍ପାନିର ଏହି ପ୍ରୟାସକୁ ଦୃଷ୍ଟିରେ ରଖି ନିରନ୍ତର କାର୍ଯ୍ୟକଳାପକୁ ନିଶ୍ଚିତ କରିବା ପାଇଁ କମ୍ପାନି ଏହାର ଅଙ୍ଗାରକାମ୍ଳ ପରିମାଣକୁ ହ୍ରାସ କରିବା ଓ ଅଫସେଟ କରିବା ଲାଗି ଦୁଇଗୁଣା ରଣନୀତି ଆପଣେଇଛି । କ୍ଷତିକାରକ ପ୍ରଭାବକୁ ଏଡ଼ାଇବା ଲାଗି ବେଦାନ୍ତ ଏହାର ଉତ୍ପାଦନ ଉତ୍କର୍ଷତା ବୃଦ୍ଧି କରିବା, ଅଧିକ ଶକ୍ତି ଦକ୍ଷତା ସୁନିଶ୍ଚିତ କରିବା, ନବୀକରଣଯୋଗ୍ୟ ଶକ୍ତି ବଢାଇବା ଓ ଜୈବ ଇନ୍ଧନ ପରି ନିମ୍ନ ଅଙ୍ଗାରକାମ୍ଳ ଶକ୍ତି ଉତ୍ସକୁ ସ୍ଥାନାନ୍ତର କରିବା ଉପରେ ଗୁରୁତ୍ୱ ଦେଉଛି । ଏଥିପାଇଁ କମ୍ପାନି ପକ୍ଷରୁ ବ୍ୟାପକ ବୃକ୍ଷ ରୋପଣ ଅଭିଯାନ ଚାଲୁ ରହିଛି । ଏହି ଲକ୍ଷ୍ୟରେ କମ୍ପାନିର କୌଶଳ ପ୍ରୟାସରେ ଆର୍ଥିକବର୍ଷ ୨୨ରେ ଆଲୁମିନିୟମ ଶିଳ୍ପ ପାଇଁ ଏସ ଆଣ୍ଡ ପି ଡୋ ଜୋନସ ସଷ୍ଟେନବିଲିଟି ଇଣ୍ଡେକ୍ସ ବିଶ୍ୱ ମାନ୍ୟତାରେ ୨ ର୍ୟାଙ୍କ ହାସଲ କରିଛି । ଯାହା ବିଶ୍ୱର ଦ୍ୱିତୀୟ ସ୍ଥାୟୀ ଆଲୁମିନିୟମ ନିର୍ମାତା ଭାବେ ମାନ୍ୟତା ପ୍ରାପ୍ତ ।
ପ୍ଲାନେଟ ଫାଷ୍ଟର ଆଭିମୁଖ୍ୟ ମଧ୍ୟ କମ୍ପାନିର ଉତ୍ପାଦ ବିକାଶ ଓ ନୂତନତାକୁ ପ୍ରତିପାଦିତ କରେ । ବେଦାନ୍ତ ଆଲୁମିନିୟମ ହେଉଛି ଭାରତର ସର୍ବପ୍ରଥମ ନିମ୍ନ ଅଙ୍ଗାରକାମ୍ଳ ଆଲୁମିନିୟମ ପରିସର ରେସ୍ତୋରାର ଉତ୍ପାଦକ, ଯାହା ପରିବେଶ ଅନୁକୂଳ ସାମଗ୍ରୀର ବିଶ୍ୱର ବର୍ଦ୍ଧିତ ଚାହିଦାକୁ ପୂରଣ କରେ । କମ୍ପାନି ଏକ ସାମଗ୍ରୀ ପୁନରୁଦ୍ଧାର ସୁବିଧାକୁ ମଧ୍ୟ ଉଦଘାଟନ କରିଛି ଯାହା ବର୍ଜ୍ୟ ବସ୍ତୁକୁ ନିରନ୍ତର ବ୍ୟବହାର କରିଥାଏ ଓ ବୃତାକାର ଅର୍ଥନୀତି ସୃଷ୍ଟି କରିବାରେ ସହାୟକ ହୋଇଥାଏ । ନିର୍ଗମନକୁ ହ୍ରାସ କରୁଥିବା ଆଇଆଇଓଟି ପରି ଡିଜିଟାଲ ବୈଷୟିକତା ପ୍ରଣୟନ କରିଛି । ଅଧିକନ୍ତୁ ବେଦାନ୍ତ ଆଲୁମିନିୟମ ଭାରତରେ ଲିଥିୟମ-ଆୟନ ବ୍ୟାଟେରୀ ଚାଳିତ ବୈଦ୍ୟୁତିକ ଫର୍କଲିଫ୍ଟର ସର୍ବବୃହତ ଫ୍ଲିଟ ନିୟୋଜିତ କରିଛି ଯାହାଦ୍ୱାରା ଉତ୍ପାଦନ ଶୃଙ୍ଖଳାରେ ସ୍ଥିରତା ଆସିଛି ।
ଏହି ପଦକ୍ଷେପ ସହ ବେଦାନ୍ତ ଆଲୁମିନିୟମ ଜଳ ପରିଚାଳନାରେ ଯଥେଷ୍ଟ ଅବଦାନ ରଖିଛି, ଆର୍ଥିକ ବର୍ଷ୨୩ରେ ଏକ ୧୩.୬୯ ବିଲିୟନ ଲିଟର ଜଳ ପୁନଃ ବ୍ୟବହାର କରିଛି । ୨୦୧୨ ବେସଲାଇନ ତୁଳନାରେ ଆର୍ଥିକ ବର୍ଷ ୨୨ରେ ଜିଏଚଜି ନିଗର୍ମନ ତୀବ୍ରତାରେ ଏହା ୨୪ % ହ୍ରାସ କରିପାରିଛି । ଏଥିପାଇଁ କମ୍ପାନି ପ୍ରସିଦ୍ଧ ପରିବେଶ ପରାମର୍ଶଦାତା ସଂସ୍ଥା ଇଆରଏମ ଇଣ୍ଡିଆ ସହ ଭାଗିଦାରୀ କରିଛି ।
ବିଶ୍ୱ ପରିବେଶ ଦିବସ ଅବସରରେ ଶ୍ରୀ ସୁନୀଲ ଗୁପ୍ତା, ସିଓଓ, ବେଦାନ୍ତ ଲିମିଟେଡ-ଆଲୁମିନିୟମ ବ୍ୟବସାୟ କହିଛନ୍ତି ଯେ ବେଦାନ୍ତ ଆଲୁମିନିୟମରେ ଆମର ପଦକ୍ଷେପ କେବଳ ପରିବେଶର ଉନ୍ନତି କରିବା ବ୍ୟତୀତ ଏକ ସ୍ଥାୟୀ ଭବିଷ୍ୟତ ଲକ୍ଷ୍ୟରେ କାର୍ଯ୍ୟ କରିବା । ବିଶ୍ୱରେ ସ୍ୱଛ ଶକ୍ତି ଆଡକୁ ତ୍ୱରାନ୍ୱିତ ହେଉଥିବାରୁ ଆଲୁମିନିୟମ ଉତ୍ପାଦକୁ ଆମେ ସେହି ଅନୁସାରେ ପ୍ରସ୍ତୁତ କରୁଛୁ । ବିଶ୍ୱ ପରିବେଶ ସ୍ୱାସ୍ଥ୍ୟ ଦିବସ ଅବସରରେ ଆମେ ଭବିଷ୍ୟତ ପୀଢି ପାଇଁ ଏକ ସୁସ୍ଥ ପରିବେଶ ଗଠନ ପାଇଁ ପ୍ରତିବଦ୍ଧ ।
ସ୍ଥିରତା ପ୍ରତି ପ୍ରତିବଦ୍ଧତାକୁ ଆହୁରି ସୁଦୃଢ କରିବା ଲାଗି ବେଦାନ୍ତ ଆଲୁମିନିୟମ୍ ଏହାର ଝାରସୁଗୁଡ଼ା କାର୍ଯ୍ୟ ପାଇଁ ଆଲୁମିନିୟମ୍ ଷ୍ଟିୱାର୍ଡଶିପ୍ ଇନିସିଏଟିଭ୍ (ଏଏସଆଇ) ଆନ୍ତର୍ଜାତୀୟ ପ୍ରମାଣପତ୍ର ହାସଲ କରିଛି, ଯାହାକି ଏକ ଉଚ୍ଚ ମାନର ଏକ ବିଶ୍ୱସ୍ତରୀୟ ସୂଚକ ଅଟେ । ଅତିରିକ୍ତ ଭାବରେ, କମ୍ପାନୀର ବ୍ୟାପକ ଉତ୍ପାଦଗୁଡିକ ପରିବେଶ ଉତ୍ପାଦ ଘୋଷଣାନାମା (ଇପିଡି) ଇଂଟରନ୍ୟାସନାଲ୍ ଦ୍ୱାରା ପରିବେଶ ସ୍ଥାୟୀ ଭାବରେ ଯାଂଚ କରାଯାଇଛି, ଯାହାକି ସେମାନଙ୍କର ପରିବେଶ ଅଭ୍ୟାସର ଏକ ଦୃଢ ଆନ୍ତର୍ଜାତୀୟ ସୂଚକାଙ୍କ ଅଟେ ।
ବେଦାନ୍ତ ଆଲୁମିନିୟମ ପରିବେଶ ସ୍ଥିରତାଠାରୁ ଅଧିକ, ବିଭିନ୍ନ ପଦକ୍ଷେପରେ ଗୋଷ୍ଠୀ ସହିତ ସକ୍ରିୟ ଭାବେ ଜଡ଼ିତ ରହି ମେସାନଙ୍କୁ ସଶକ୍ତ କରୁଛି । ଏଥିରେ ମିଆୱାକି ବୃକ୍ଷରୋପଣ ପ୍ରଣାଳୀ, ଆର୍ଥିକ ବର୍ଷ ୨୩ରେ ୪୦ରୁ ଅଧିକ ଗୋଷ୍ଠୀରେ ଜଳ ସଂସ୍ଥାର ପୁନରୁଦ୍ଧାର କରାଯାଇଛି । ଯାହାଦ୍ୱାରା ଜୀବିକା ସମୃଦ୍ଧି ପ୍ରକଳ୍ପ ସହ ଜଡ଼ିତ ହୋଇଥିବାରୁ ଚାଷ ପ୍ରଣାଳୀକୁ ପ୍ରୋତ୍ସାହିତ କରୁଛି । ଏହା ବ୍ୟତୀତ କର୍ମଚାରୀ ସ୍ୱେଛାସେବୀମାନେ ସହର ସୀମା ମଧ୍ୟରେ ସଫେଇ ଅଭିଯାନ ଓ ଓଡ଼ିଶାର ଝାରସୁଗୁଡ଼ାର ସିଂହଭାଗା ଆଦ୍ରଭୂମି ପରି ଅଂଚଳର ବିକାଶ ରେ ସହାୟତା କରିଛନ୍ତି ।
