ଡିଏଭି ବେଦାନ୍ତ ଲାଞ୍ଜିଗଡ଼ର ଛାତ୍ରଛାତ୍ରୀମାନେ ସିବିଏସଇ ପରୀକ୍ଷା ୨୦୨୩ରେ ଉଲ୍ଲେଖନୀୟ ସଫଳତା ହାସଲ କରିଛନ୍ତି
ଲାଞ୍ଜିଗଡ, ୧୯ ମଇ ୨୦୨୩ : ବେଦାନ୍ତ ଲିମିଟେଡ, ଲାଞ୍ଜିଗଡ ଭାରତର ଅଗ୍ରଣୀ ମେଟାର୍ଲଜିକାଲ ଗ୍ରେଡ ଆଲୁମିନା ଉତ୍ପାଦନକାରୀ ଏହାର ଦାୟିତ୍ୱରେ ଥିବା ଏକ ପ୍ରତିଷ୍ଠିତ ଶିକ୍ଷାନୁଷ୍ଠାନ ଡିଏଭି ବେଦାନ୍ତ ଇଂଟରନ୍ୟାସନାଲ ସ୍କୁଲରେ ଛାତ୍ର ଛାତ୍ରୀଙ୍କ ଉଲ୍ଲେଖନୀୟ ସଫଳତାକୁ ଗର୍ବର ସହ ଘୋଷଣା କରିଛି । ଉଲ୍ଲେଖନୀୟଯେ ଉଭୟ ସିନିୟର ସେକେଣ୍ଡାରୀ ଓ ମାଧ୍ୟମିକ ସ୍ତରରେ ସବୁ ଛାତ୍ର ଛାତ୍ରୀ ପ୍ରଥମ ଡିଭିଜନରେ ଉତୀର୍ଣ୍ଣ ହୋଇଛନ୍ତି ଓ ପାସ ହାର ୧୦୦% ରହିଛି । ଯାହା ଏହି ଅଂଚଳ ପାଇଁ ଏକ ସୁନାମ ଅଟେ ।
ବେଦାନ୍ତର ଲାଞ୍ଜିଗଡ଼ ୟୁନିଟ କଳାହାଣ୍ଡିର ପ୍ରଥମ ଇଂରାଜୀ ମାଧ୍ୟମ ବିଦ୍ୟାଳୟ ଭାବରେ ୨୦୦୬ରେ ଡିଏଭି ବେଦାନ୍ତ ଆର୍ନ୍ତାତୀୟ ବିଦ୍ୟାଳୟ ପ୍ରତିଷ୍ଠା କରିଥିଲା । ଏଠାରେ ୧୨୦୦ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ଡିଏଭି ବେଦାନ୍ତ ଆନ୍ତର୍ଜାତୀୟ ବିଦ୍ୟାଳୟ ସ୍ଥାନୀୟ ଗୋଷ୍ଠୀର ଛାତ୍ରମାନଙ୍କୁ ଶ୍ରେଷ୍ଠ ଓ ଗୁଣମାନର ଶିକ୍ଷା ପ୍ରଦାନ କରିଥାଏ । ଏହି ବିଦ୍ୟାଳୟ ପ୍ରତିଷ୍ଠା ହେବା ଦ୍ୱାରା କଳାହାଣ୍ଡିର ସାକ୍ଷରତା ହାର ୨୦୦୧ରେ ୩୮.୪%ରୁ ୨୦୧୧ରେ ୫୦.୯%କୁ ବୃଦ୍ଧି ହୋଇଛି ।
ଛାତ୍ର ଛାତ୍ରୀଙ୍କ ମଧ୍ୟରେ ଦଶମ ଶ୍ରେଣୀର ସୌଭାଗ୍ୟ ନାୟକ ସର୍ବାଧିକ ୯୭% ନମ୍ବର ରଖିଛନ୍ତି, ପ୍ରତୀଭା ନାଏକ ୯୬.୮୦% ଓ ଅମ୍ରିନ ବାନୁ ୯୫.୪୦% ନମ୍ବର ରଖିଛନ୍ତି । ଉଚ୍ଚ ମାଧ୍ୟମିକ ସ୍ତରରେ ହିମାଂଶୁ ସିଂ ସର୍ବାଧିକ ସ୍କୋର ୯୨.୬୦% ଓ ବିଦ୍ୟାଶ୍ରୀ ଗାଜିବିଲି ୮୯.୮୦% ତଥା ଆର୍ଯ୍ୟାନ ହୋତା ୮୯% ସ୍କୋର ଓ ଶ୍ରୀମାନ ପ୍ରଧାନ ୮୯% ରଖିଛନ୍ତି ।
ବେଦାନ୍ତ ଲିମିଟେଡର ଡେପୁଟି ସିଇଓ- ଆଲୁମିନା ବିଜିନେସ, ଶ୍ରୀ ଜି.ଜି ପାଲ କହିଛନ୍ତିଯେ ବେଦାନ୍ତ ପରିବାର ପକ୍ଷରୁ ଉଲ୍ଲେଖନୀୟ ସଫଳତା ହାସଲ କରିଥିବା ଛାତ୍ରଛାତ୍ରୀଙ୍କୁ ଧନ୍ୟବାଦ ଜଣାଉଛି । ବୋର୍ଡ ପରୀକ୍ଷାରେ ପିଲାମାନଙ୍କର ଏହି ସଫଳତା ଆମ ଶିକ୍ଷା ପଦକ୍ଷେପ ଗୁଡ଼ିକର ସକାରାତ୍ମକ ପ୍ରଭାବର ପ୍ରମାଣ । ବିଦ୍ୟାଳୟର ପ୍ରଧାନ ଶିକ୍ଷକ, ଶ୍ରୀ ସଦାନନ୍ଦ ହୋତାଙ୍କ ପ୍ରଚେଷ୍ଟା, ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀ, କର୍ମଚାରୀଙ୍କ ସମର୍ଥନକୁ ମୁଁ ପ୍ର୍ରଶଂସା କରୁଛି । ଏକ ସଂସ୍ଥା ଭାବରେ ଆମେ ଜିଲ୍ଲାରେ ଶିକ୍ଷାର ପ୍ରୋତ୍ସାହନ ଦିଗରେ ନିରନ୍ତର କାର୍ଯ୍ୟ କରୁଛୁ । ଲାଂଜିଗଡ଼ରେ ଶିକ୍ଷାର ପ୍ରସାର ଦିଗରେ ଆମର ପ୍ରଚେଷ୍ଟା ଜାରୀ ରହିବ କାରଣ ଶିକ୍ଷା ପରିବର୍ତନଶୀଳ ଅଭିବୃଦ୍ଧି ତଥା ସାମାଜିକ ଅର୍ଥନୈତିକ ବିକାଶର ଚାବିକାଠି ଅଟେ ।
ଡିଏଭି ବେଦାନ୍ତ ଇଂଟରନ୍ୟାସନାଲ ସ୍କୁଲର ପ୍ରଧାନ ଶିକ୍ଷକ ଶ୍ରୀ ସଦାନନ୍ଦ ହୋତା କହିଛନ୍ତିଯେ- ସିବିଏସଇ ବୋର୍ଡ ପରୀକ୍ଷାରେ ଆମ ଛାତ୍ର- ଛାତ୍ରୀମାନଙ୍କ ସଫଳତାକୁ ଆମେ ଅତ୍ୟନ୍ତ ଗର୍ବର ସହ ପାଳନ କରୁଛୁ । ଡିଏଭି ବେଦାନ୍ତ ଲାଂଜିଗଡ଼ର ଛାତ୍ର ଛାତ୍ରୀମାନଙ୍କ ଏହି ସଫଳତା ସେମାନଙ୍କ ପରିଶ୍ରମ ଓ ନିଷ୍ଠାର ପ୍ରମାଣ । ମୁଁ ମଧ୍ୟ ଉତ୍ସର୍ଗୀକୃତ ଶିକ୍ଷକମାନଙ୍କ ଅବଦାନକୁ ଧନ୍ୟବାଦ ଜଣାଉଛି ।
ଦ୍ୟାଳୟର ଭିତଭୂମି ବୃଦ୍ଧି ପାଇଁ ବେଦାନ୍ତ ଲାଞ୍ଜିଗଡ଼ର ଉତ୍ସର୍ଗୀକୃତ ଅବଦାନ ରହିଆସିଛି । ଏହା ନିଶ୍ଚିତ କରେ ଯେ ପିଲାମାନେ ଉପଯୁକ୍ତ ପୋଷଣ ଓ ପରିବେଶରେ ଶିକ୍ଷାଲାଭ କରିପାରିବେ । ସୁଦୂର ଅଂଚଳରୁ ଶିକ୍ଷା ଲାଭ କରିବାକୁ ଆସୁଥିବା ପିଲାମାନଙ୍କ ପାଇଁ ଏହି ଶିକ୍ଷାନୁଷ୍ଠାନ ଗୁଣମାନର ଶିକ୍ଷା ପ୍ରଦାନ ପାଇଁ ପ୍ରତିଶ୍ରୁତିବଦ୍ଧ । ବେଦାନ୍ତର ୧୩୦ ରୁ ଅଧିକ ଆଧୁନିକ ଅଙ୍ଗନବାଡ଼ି ନନ୍ଦଘର ପ୍ରକଳ୍ପ, କଳାହାଣ୍ଡି ଓ ନିକଟବର୍ତି ଅଂଚଳରେ ବାଲ୍ୟ ଶିକ୍ଷାକୁ ପରିବର୍ତନ କରିବା ଲାଗି କାର୍ଯ୍ୟ କରୁଛି । ଏହି ପଦକ୍ଷେପ ଦ୍ୱାରା ପିଲାମାନଙ୍କର ଶିକ୍ଷା ଭିତିଭୂମିକୁ ସଶକ୍ତ କରାଯାଇପାରୁଛି ।
