ଟାଟା ଷ୍ଟିଲ ପକ୍ଷରୁ ଯୋଡ଼ାଠାରେ ଦାନ୍ତ ପରୀକ୍ଷା ଶିବିର ଆୟୋଜିତ
୪୭୭ ଜଣ ଛାତ୍ରଛାତ୍ରୀ ଉପକୃତ
ଯୋଡ଼ା, ସେପ୍ଟେମ୍ବର ୦୮, ୨୦୨୨: ଟାଟା ସ୍ୱେଚ୍ଛାସେବୀ ସପ୍ତାହ ପାଳନର ଅଂଶସ୍ୱରୁପ ଟାଟା ଷ୍ଟିଲ ପକ୍ଷରୁ ବୁଧବାର ଦିନ ଯୋଡ଼ାସ୍ଥିତ ଦୁଇଟି ଆବାସିକ ସେତୁ ପାଠ୍ୟକ୍ରମ (ଆରବିସି) ବିଦ୍ୟାଳୟ ସହିତ ମୋଟ ୪ଟି ବିଦ୍ୟାଳୟରେ ଏକ ଦୁଇ ଦିନିଆ ଦାନ୍ତ ପରୀକ୍ଷା ଶିବିର ଆୟୋଜିତ ହୋଇଯାଇଛି ।
ଟାଟା ଷ୍ଟିଲ ଯୋଡ଼ା ହସ୍ପିଟାଲର ଦନ୍ତ ଚିକିତ୍ସକ ଡଃ ଅମିତ ଅମ୍ବୁଜ ଆରସିବି ବାଳକ ଓ ବାଳିକା ବିଦ୍ୟାଳୟରେ ମୋଟ ୧୯୭ଜଣ ଛାତ୍ରଛାତ୍ରୀମାନଙ୍କ ଦାନ୍ତ ପରୀକ୍ଷା କରିଥିଲେ । ସେହିପରି ଯୋଡ଼ା ହିନ୍ଦୀ ୟୁପିଏମ୍ଇ ବିଦ୍ୟାଳୟ ଓ ଯୋଡ଼ା ପୁର୍ବ ସରକାରୀ ବିଦ୍ୟାଳୟରେ ମେଡ଼ିକାଲ ଟିମ୍ ଦ୍ୱାରା ୨୮୦ ଜଣ ଛାତ୍ରଛାତ୍ରୀଙ୍କ ଦାନ୍ତ ପରୀକ୍ଷା କରାଯାଇଥିଲା ।
ମୋଟ ୪୭୭ ଜଣ ଛାତ୍ରଛାତ୍ରୀଙ୍କ ଦାନ୍ତ ପରୀକ୍ଷା କରାଯାଇଥିବାବେଳେ ୯୦ ଜଣଙ୍କ ଗୁରୁତର ଦାନ୍ତ ସମସ୍ୟା ଚିହ୍ନଟ କରାଯିବା ସହିତ ସେମାନଙ୍କୁ ଆବଶ୍ୟକ ପ୍ରକ୍ରିୟା ସହିତ ଆଗକୁ ଦାନ୍ତ ଚିକିତ୍ସା ପାଇଁ ପରାମର୍ଶ ଦିଆଯାଇଥିଲା ।
ଏହି ଶିବିରରେ ମୁଖ ସ୍ୱଚ୍ଛତା ବଜାୟ ରଖିବା ପାଇଁ ଏକ ସଚେତନତା ଅଧିବେସନର ଆୟୋଜନ କରାଯାଇଥିଲା । ଏହି ଅଧିବେସନରେ ଛାତ୍ରଛାତ୍ରୀମାନେ ନିୟମିତ ଭାବେ ସମ୍ମୁଖୀନ ହେଉଥିବା ଦାନ୍ତ ସମସ୍ୟା ଉପରେ ପ୍ରଶ୍ନ ପଚାରିଥିଲେ । ଏହି ଅବସରରେ ଡଃ ଅମ୍ବୁଜ ମୁଖ ସ୍ୱଛତାର ଗୁରୁତ୍ୱ ଓ ଏହାକୁ ବଜାୟ ରଖିବାର ଉପାୟ ସମ୍ପର୍କରେ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀମାନଙ୍କୁ ପରାମର୍ଶ ଦେଇଥିଲେ ।
ଟାଟା ସ୍ୱେଚ୍ଛାସେବୀ ସପ୍ତାହର ୧୮ତମ ସଂସ୍କରଣ ପାଳନ ଅବସରରେ ଏହି ଶିବିରର ଆୟୋଜନ କରାଯାଇଥିଲା । ନିଜ କର୍ମଚାରୀମାନଙ୍କୁ ସ୍ୱେଚ୍ଛାସେବୀ କାର୍ଯ୍ୟ ବିଷୟରେ ଅବଗତ କରାଇବା ଲକ୍ଷ୍ୟରେ ଟାଟା କମ୍ପାନୀ ପକ୍ଷରୁ ବର୍ଷକୁ ଦୁଇ ଥର (ମାର୍ଚ୍ଚ ଓ ସେପ୍ଟେମ୍ବର) ଅଧା ଦିନ ପାଇଁ ସ୍ୱେଚ୍ଛାସେବୀ ଭାବେ କାର୍ଯ୍ୟ କରିବାର ସୁଯୋଗ ପ୍ରଦାନ କରାଯାଇଥାଏ ।
