ଚାଷୀଙ୍କୁ ସହାୟତା ପ୍ରଦାନରେ ଅହେତୁକ ବିଳମ୍ବ : ଜିଲ୍ଲାପାଳଙ୍କୁ ଭେଟିଲା ପଟ୍ଟାମୁଣ୍ଡାଇ ପ୍ରେସକ୍ଲବ, ଜିଲ୍ଲାପାଳଙ୍କ ହସ୍ତକ୍ଷେପ ପରେ 2 କୋଟି ଟଙ୍କା ଚାଷୀଙ୍କୁ ବଣ୍ଟନ କରଗଲା

ପଟ୍ଟାମୁଣ୍ଡାଇ / 14/07/2022 ଚଳିତ ବର୍ଷ ଜୱାବ ବାତ୍ୟା ଯୋଗୁ ପଟ୍ଟାମୁଣ୍ଡାଇ ଅଂଚଳ ବିଶେଷ ଭାବେ କ୍ଷତିଗ୍ରସ୍ତ ହୋଇଥିଲା ! ବହୁ ଧାରକରଜ କରି ଫସଲ କରିଥିବା ଚାଷୀଙ୍କ ଫସଲ ସମୂଳେ ନଷ୍ଟ ହୋଇଯାଇଥିଲା ! ରାଜ୍ୟ ଓ କେନ୍ଦ୍ର ସରକାରଙ୍କ ତଦନ୍ତକାରୀ ଦଳ କ୍ଷୟକ୍ଷତି ଆକଳନ କରି ଫେରିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କ୍ଷତିଗ୍ରସ୍ତ ଚାଷୀଙ୍କୁ ସହାୟତା ଯୋଗାଇଵା ପାଇଁ ଘୋଷଣା କରିଥିଲେ ! ତଦନୁଯାୟୀ ପଟ୍ଟାମୁଣ୍ଡାଇ ତହସିଲ ଚାଷୀଙ୍କୁ ସହାୟତାପାଇଁ ସରକାର ୯କୋଟି ଟଙ୍କା ପଠାଇଛନ୍ତି !

ପଟ୍ଟାମୁଣ୍ଡାଇ ତହସିଲଦାର ଚାଷୀଙ୍କ ବ୍ୟାଙ୍କ ଜମା ଖାତାକୁ ସହାୟତା ଟଙ୍କା ପଠାଇବାପାଇଁ ବିଭିନ୍ନ ବ୍ୟାଙ୍କକୁ ପଠାଇଛନ୍ତି ! ମାତ୍ର ଚାଷୀମାନେ ସହାୟତା ରାଶି ପାଇବାରୁ ବଞ୍ଚିତ ହୋଇଛନ୍ତି ! ପଟ୍ଟାମୁଣ୍ଡାଇ ଅଂଚଳର ପ୍ରତ୍ୟକ ଜନ ସମସ୍ୟା ସହିତ ଜଡିତ ହୋଇ ସମାଧାନ ବାଟ ବାହାର କରିବାପାଇଁ ଶପଥ ନେଇଥିବା ପଟ୍ଟାମୁଣ୍ଡାଇ ପ୍ରେସ କ୍ଲବ ଏଦିଗରେ ଆଗେଇଆସିଛି ! କେନ୍ଦ୍ରାପଡ଼ା ଜିଲ୍ଲାପାଳ ଅମ୍ରିତ ଋତୁରାଜ ଆଜି ପଟ୍ଟାମୁଣ୍ଡାଇ ବ୍ଲକକୁ ଆସିଥିବା ବେଳେ ଚାଷୀଙ୍କୁ ଅବିଳମ୍ବେ ସହାୟତା ପ୍ରଦାନ କରିବାକୁ ପଟ୍ଟାମୁଣ୍ଡାଇ ପ୍ରେସ କ୍ଲବ ମୁଖ୍ୟ ଉପଦେଷ୍ଠା ପତିତପାବନ ଭଦ୍ରଙ୍କ ମାର୍ଗଦର୍ଶନରେ ସଭାପତି ଜଗନ୍ନାଥ ଦାଶ, କାର୍ଯ୍ୟକାରୀ ସଭାପତି ଅକ୍ଷୟ ସାହୁ, ସାଧାରଣ ସମ୍ପାଦକ ଅନିଲ ଚୌଧୁରୀ, ଉପସଭାପତି ପ୍ରଦୋଷ ବିଶ୍ୱାଳ, କୁମାରେଶ ନାୟକ, ଓ ସୁଧାଂଶୁ ତ୍ରିପାଠୀ, ସଂଗଠନ ସମ୍ପାଦକ ସରୋଜ ରଥ, ସହ ସମ୍ପାଦକ ରଶ୍ମୀକାନ୍ତ ମହାନ୍ତି ଓ ଧୀରେନ୍ଦ୍ର ମଲ୍ଲିକ, କୋଷାଧ୍ୟକ୍ଷ୍ୟ ଅଲେଖ ନାଥ ଶର୍ମା, ଅଡିଟର- ଶୁଭେନ୍ଦ୍ର ଚୌଧୁରୀ ଓ ସଞ୍ଜୟ କୁମାର ପଣ୍ଡା, ସୂର୍ଯ୍ୟନାରାୟଣ ଦାଶ ପ୍ରମୁଖ ୨୫ରୁ ଉର୍ଦ୍ଧ୍ୱ ପ୍ରେସ କ୍ଲବ କର୍ମକର୍ତ୍ତା ଓ ସଦସ୍ୟମାନେ ଭେଟି ଆଲୋଚନା କରିବା ସହିତ ଅବିଳମ୍ବେ ଚାଷୀଙ୍କୁ ସହାୟତା ପ୍ରଦାନ କରିବାପାଇଁ ଦାବିକରିଥିଲେ ! ଚାଷୀ ମାନଙ୍କର ସମସ୍ୟାକୁ ନେଇ ଗଣମାଧ୍ୟମ ପ୍ରତିନିଧିମାନେ ମୁହଁ ଖୋଲିବାରୁ ଜିଲ୍ଲାପାଳ ଆନନ୍ଦ ପ୍ରକାଶ କରିବା ସହିତ ଏ ସମ୍ପର୍କରେ ପଦକ୍ଷେପ ନିଆଯାଇ ୭ଦିନ ମଧ୍ୟରେ ସମସ୍ତ ଚାଷୀଙ୍କ ବ୍ୟାଙ୍କ ଜମା ଖାତାକୁ ସହାୟତା ରାଶି ପଠାଯିବ ବୋଲି ଜିଲ୍ଲାପାଳ ପ୍ରତିଶୃତି ଦେଇଥିଲେ !ଜିଲ୍ଲାପାଳଙ୍କ ହସ୍ତକ୍ଷେପ ପରେ 2 କୋଟି ଟଙ୍କା ଚାଷୀଙ୍କୁ ବଣ୍ଟନ କରାଯାଇ ଥିବା ସୂଚନା ମିଳିଛି l