ବାଘମାରି ଉପଡାକଘର ଇଣ୍ଟରନେଟ ସେବା ବିଚ୍ଛିନ୍ନ, ଗ୍ରାହକ ହନ୍ତସନ୍ତ

ବେଗୁନିଆ, ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ଅନ୍ତର୍ଗତ ବାଘମାରି ଉପଡ଼ାକଘରର ବିଏସଏନଲ ଯୋଗାଇ ଦେଉଥିବା ଇଣ୍ଟରନେଟ ସେବା ଦୀର୍ଘ ତିନି ମାସ ହେବ ବନ୍ଦ ହୋଇଯାଇଛି ।ଫଳରେ ଡାକଘରର ସମସ୍ତ କାର୍ଯ୍ୟ ବର୍ତମାନ ଯୁଗରେ ଇଣ୍ଟରନେଟ ଉପରେ ନିର୍ଭର କରୁଥିବାରୁ ଡିପୋଜିଟ,ଟଙ୍କା ଦେଣନେଣ ସହିତ ଅତ୍ୟାଶ୍ୟକୀୟ ସେବାରୁ ବଂଚିତ ହେବାକୁ ପଡୁଛି । ଏ ନେଇ ଡାକ ଘରର କାର୍ଯ୍ୟ କରିବା ପାଇଁ ଖୋର୍ଦ୍ଧା ଯିବାକୁ ପଡୁଛି ।ଏହି ଡାକଘର ଉପରେ ନିର୍ଭର କରୁଥିବା ଗ୍ରାହକ ମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଏହି ସମସ୍ୟା ସମ୍ପର୍କରେ ଡାକ ଘରର ପରିଚାଳକଙ୍କୁ ପଚାରିବାରୁ ସେ ଏହି ଘଟଣା ସମ୍ପର୍କରେ କହିବାକୁ ସିଧା ସଳଖ ଭାବେ ଅନିଚ୍ଛା ପ୍ରକାଶ କରିଥିଲେ ।ଏହି ସମସ୍ୟାଟିକୁ ତୁରନ୍ତ ସମାଧାନ କରିବାକୁ ଗ୍ରାହକ ମାନେ ଦାବି କରିଛନ୍ତି ।