ନିଆରା ଶୋଭାଯାତ୍ରା କରି ନାମାଙ୍କନ ଦାଖଲ କଲେ
କଂଗ୍ରେସ ବିଧାୟକ ପ୍ରାର୍ଥୀ ଜ୍ଞାନ ରଂଜନ ପଟ୍ଟନାୟକ
ପିପିଲି – ନିଆରା ଢଙ୍ଗରେ ଶୋଭାଯାତ୍ରା କରି ନାମାଙ୍କନ ଦାଖଲ କରିବାକୁ ଗଲେ ପିପିଲି କଂଗ୍ରେସ ବିଧାୟକ ପ୍ରାର୍ଥୀ ଜ୍ଞାନ ରଂଜନ ପଟ୍ଟନାୟକ । ଧୋତି ଲୁଗା ପିନ୍ଧି ମୁଣ୍ଡରେ ଗାମୁଛା ଭିଡ଼ି ପୁରା ଚାଷୀ ବେଶରେ ନାମାଙ୍କନ ଭରିବାକୁ ବାହାରିଲେ ଜ୍ଞାନ ରଂଜନ । ବରିଷ୍ଠ କଂଗ୍ରେସ ନେତା ତଥା ଜିଲ୍ଲା ଉପସଭାପତି ଗୁଣନିଧି ପ୍ରଧାନଙ୍କ ସହ ଡେଲାଙ୍ଗ ହାଟ ବଜାର ରୁ ନିଜ ଶତାଧିକ ଶୁଭେଚ୍ଛୁ ସମର୍ଥକ ମାନଙ୍କୁ ସାଙ୍ଗରେ ଧରି ସେ ପୁରୀ ଅଭିମୁଖେ ଯାତ୍ରା କରିଥିଲେ । ଏବଂ ପୁରୀ ଜିଲ୍ଲାପାଳ ଙ୍କ କାର୍ଯ୍ୟାଳୟ ଠାରେ ପହଞ୍ଚି ସେ ନାମାଙ୍କନ ପତ୍ର ଦାଖଲ କରିଥିଲେ କଂଗ୍ରେସ ବିଧାୟକ ପ୍ରାର୍ଥୀ ଜ୍ଞାନ ରଂଜନ ପଟ୍ଟନାୟକ । ତେବେ ଚାଷୀ ମାନଙ୍କ ହୃଦୟ ଜିଣିବା ପାଇଁ ଏହି ନାମାଙ୍କନ ଶୋଭାଯାତ୍ରା ରେ ପ୍ରାୟ ତିରିଶ ରୁ ଉର୍ଦ୍ଧ୍ବ ଟ୍ରାକ୍ଟର ସାମିଲ ହୋଇଥିବା ବେଳେ ପିପିିଲି ରୁ ବାହାରିଥିବା ସମସ୍ତ ପ୍ରାର୍ଥୀଙ୍କ ନାମାଙ୍କନ ଶୋଭାଯାତ୍ରା ଠାରୁ ଏହି ଶୋଭାଯାତ୍ରା ସମ୍ପୂର୍ଣ୍ଣ ନିଆରା ପରିଲକ୍ଷିତ ହୋଇଥିଲା ।
ଏଥିସହ ଶୋଭାଯାତ୍ରା ରେ ପ୍ରାୟ ଦୁଇ ହଜାରରୁ ଊର୍ଦ୍ଧ୍ବ ସମର୍ଥକଙ୍କ ସହ ଜ୍ଞାନ ରଂଜନ ପୁରା ଚାଷୀ ବେଶରେ ନାମାଙ୍କନ ଭରିବାକୁ ଯାଇଥିଲେ । ଚାଷ ଓ ଚାଷୀର ଉନ୍ନତି ହେଲେ ଦେଶ ଅଗ୍ରସର ହେବ ବୋଲି ଏହି ବାର୍ତ୍ତା ନେଇ ଜ୍ଞାନ ପଟ୍ଟନାୟକ ଶୋଭାଯାତ୍ରା ରେ ଟ୍ରାକ୍ଟର କୁ ସାମିଲ କରିଥିବା କହିଛନ୍ତି । ଅଞ୍ଚଳରେ ଚାଷ ଓ ଚାଷୀଙ୍କ ସମସ୍ୟା, ବେକାରୀ , ଅହେତୁକ ଦର ଦାମ ବୃଦ୍ଧି, ପିପିଲି ଚନ୍ଦୁଆ ଶିଳ୍ପ ର ବିକାଶ କୁ ନେଇ କଂଗ୍ରେସ ବିଧାୟକ ପ୍ରାର୍ଥୀ ଜ୍ଞାନ ରଂଜନ କାମ କରିବେ ବୋଲି କହିଥିବା ବେଳେ ଅଂଚଳର ସାଧାରଣ ଲୋକେ ତାଙ୍କୁ ଆଶ୍ରିବାଦ କରନ୍ତୁ ବୋଲି ସେ ନିବେଦନ କରିଥିଲେ।
