ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କର ୨୭ତମ ଶ୍ରାଦ୍ଧୋତ୍ସବ ପାଳିତ
ଭୁବନେଶ୍ୱର, ତା ୧୭ା୪ : ଆଜି ବିଏମ୍ସି ୱାର୍ଡ ନଂ-୩୫, ଖାରବେଳଳନଗରରେ ପ୍ରବାଦ ପୁରୁଷ ବିଶ୍ୱନେତା, ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ସ୍ୱର୍ଗତ ବିଜୁ ପଟ୍ଟନାୟକଙ୍କର ୨୭ତମ ପୁଣ୍ୟତିଥି ପାଳିତ ହୋଇଯାଇଅଛି । ସ୍ଥାନୀୟ କର୍ପୋରେଟର ଶ୍ରୀମତୀ ରଞ୍ଜୁଲତା ରାୟଙ୍କ ନେତୃତ୍ୱରେ ଅନୁଷ୍ଠିତ ଏହି ଶ୍ରାଦ୍ଧୋତ୍ସବରେ ବହୁ ସଂଖ୍ୟାରେ ମହିଳା, ଛାତ୍ର ଓ ଯୁବକମାନେ ସକାଳୁ ବିଭିନ୍ନ ମନ୍ଦିର ମାନଙ୍କରେ ଦୀପଦାନ କରିଥିଲେ ଓ ପରେପରେ ୱାର୍ଡ ପରିକ୍ରମା କରିଥିଲେ । ବିଜୁ ପଟ୍ଟନାୟକଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ପ୍ରଦାନ କରି କର୍ପୋଟେର ଶ୍ରୀମତୀ ରଞ୍ଜୁଲତା ରାୟ ତାଙ୍କର ସ୍ମୃତିଚାରଣ କରିଥିଲେ । ବିଜୁ ବାବୁଙ୍କ ଶାସନ କାଳରେ ମହିଳାମାନଙ୍କୁ ସବୁ କ୍ଷେତ୍ରରେ ପ୍ରାଧାନ୍ୟ ଦେବା ସହ ଗାଁକୁ କାମ ମା’କୁ ସମ୍ମାନ, ପଞ୍ଚାୟତ ଏବଂ ପୌର ସଂସ୍ଥାମାନଙ୍କରେ ୩୩% ସ୍ଥାନ ସଂରକ୍ଷଣ ଭଳି ପଦକ୍ଷେପ ନେଇଥିଲେ । ନୂତନ ଓଡ଼ିଶାର ଗଠନ ଚିନ୍ତା ବିଜୁ ବାବୁ ପ୍ରଥମେ ଆରମ୍ଭ କରିଥିଲେ ଏବଂ ତାଙ୍କରି ନେତୃତ୍ୱରେ ପାରାଦୀପ ବନ୍ଦର, ରାଉରକେଲା ଷ୍ଟିଲ୍ ପ୍ଲାଣ୍ଟ, ନାଲ୍କୋ ଭଳି ଆନ୍ତର୍ଜାତୀୟ ଖ୍ୟାତି ସମ୍ପନ୍ନ କଳକାରଖାନା ମାନ ବହୁ ପରିଶ୍ରମ କରି ଗଢିଥିଲେ । ଓଡ଼ିଶାର ଉନ୍ନତି ପାଇଁ ତାଙ୍କର ଅବଦାନ ଚିରସ୍ମରଣୀୟ । ସେ ସାହସୀ, ସ୍ୱାଭିମାନୀ ଓ ଦୂରଦର୍ଶୀ ରାଜନୀତିଜ୍ଞ ଥିଲେ । ଆଜି ତାଙ୍କର ସୁପୁତ୍ର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ସବୁ କ୍ଷେତ୍ରରେ ଓଡ଼ିଶାର ଅଗ୍ରଗତି ଚାଲିଥିବାରୁ ଏବଂ ବିଜୁ ବାବୁଙ୍କର ସ୍ୱପ୍ନକୁ ସାର୍ଥକ କରିଥିବାରୁ ମାନ୍ୟବର ମୁଖ୍ୟମନ୍ତ୍ରୀଙ୍କୁ ବିଜୁ ଜନତା ଦଳ ପକ୍ଷରୁ କୃତଜ୍ଞତା ଓ ଧନ୍ୟବାଦ ଜଣାଇବା ସହ ବିଜୁବାବୁଙ୍କୁ ଭାରତ ରତ୍ନ ମିଳୁ ନଥିବାରୁ ଦୁଃଖ ପ୍ରକାଶ କରିଥିଲେ । ଏହା ପରେ ପରେ ଗରିବ, ଅସହାୟ ଲୋକମାନଙ୍କୁ ଫଳ ଏବଂ ମିଷ୍ଟାନ୍ନ ବଣ୍ଟନ କରାଯାଇଥିଲା ।
