୨୫ତମ ଭାରତ ରଙ୍ଗ ମହୋତ୍ସବ ୨୦୨୪
ଭୁବନେଶ୍ୱର : ଏକ ନିଆରା ସାଂସ୍କୃତିକ ଅଭିଜ୍ଞତା ପାଇଁ ଫେବୃଆରୀ ୮ରୁ ୧୩ ତାରିଖ ପର୍ଯ୍ୟନ୍ତ ଭୁବନେଶ୍ୱର ରବୀନ୍ଦ୍ର ମଣ୍ଡପ ଠାରେ ଏହି ଉତ୍ସବ ଆୟୋଜିତ ହେବ । ଏଠାରେ କେ.ଏସ.ରାଜେନ୍ଦ୍ରମଙ୍କ ନିର୍ଦ୍ଦେଶିତ ଅଗ୍ନି ଓଉର ବାର୍କ, ରବିନ୍ଦ୍ର ନାଥ ଠାକୁରଙ୍କ ଲିଖିତ ଚିତ୍ରାଙ୍ଗଦା, ବି.ପ୍ରଷ୍ଟଲେଙ୍କ ଲିଖିତ ତଦନ୍ତ, ଗରିଶ କର୍ନଡଙ୍କ ଲିଖିତ ନାଗମଣ୍ଡଳ ୧୨୦ ମିନିଟର ନାଟକ ପରିବଷେଣ କରାଯିବ ଓ ଶେଷରେ ମୋହନ ରାକେଶଙ୍କ ଲିଖିତ ଆଶ୍ଚର୍ଯ୍ୟ ପ୍ରଥମ ଦିବସେ ପରିବେଷିତ ହେବ ।
ସଂସ୍କୃତି ଭବନ, ବିଜେବି ନଗର, ଭୁବନେଶ୍ୱର ଓଡ଼ିଶାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏନଏସଡିର ନିର୍ଦ୍ଦେଶକ ଚିତରଂଜନ ତ୍ରିପାଠି ଓ ରେଜିଷ୍ଟ୍ରାର ପ୍ରଦୀପ କୁମାର ମହାନ୍ତି ଏହି ସୂଚନା ଦେଇଛନ୍ତି । ଚଳିତବର୍ଷ ଉତ୍ସବର ବିଷୟବସ୍ତୁ ହେଉଛି ବସୁଧୈବ କୁଟୁମ୍ବକମ, ବନ୍ଦେ ଭାରଙ୍ଗମ । ଅଭିନେତା ଓ କଳାକାର ମାନଙ୍କ ମଧ୍ୟରେ ବିଶ୍ୱ ଏକତା ପାଇଁ ଏକ ଆହ୍ୱାନ ଯାହା ସାମାଜିକ ସୌହାର୍ଦ୍ଦ୍ୟକୁ ବଢାଇବା ସହ କଳା ସଂସ୍କୃତିର ବିକାଶ କରିବାକୁ ଚେଷ୍ଟା କରିଥାଏ ।
ଏନଏସଡିର ନିର୍ଦ୍ଦେଶକ ଚିତରଂଜନ ତ୍ରିପାଠି ଆଗାମୀ ଉତ୍ସବ ପାଇଁ ଉତ୍ସାହ ବ୍ୟକ୍ତ କରି କହିଛନ୍ତିଯେ- ୨୫ତମ ଭାରତ ରଙ୍ଗ ମହୋତ୍ସବ ଅବସରରେ ଆମର ବିବିଧ କଳା ସଂସ୍କୃତିର ଉତ୍କର୍ଷ ଓ ମହତ୍ୱକୁ ପ୍ରତିପାଦିତ କରିଥାଏ । ଏହି ମହୋତ୍ସବ ଏକ ମାର୍ଗଦର୍ଶକ ଭାବରେ ବିଶ୍ୱ ଥିଏଟର ପରଂପରାର ସମୃଦ୍ଧିକୁ ପ୍ରତିଫଳିିତ କରିଥାଏ । ଥିଏଟରର ଯାଦୁକୁ ବୃଦ୍ଧି କରିବା ପାଇଁ ଉତ୍ସର୍ଗୀକୃତ, ବିଭିନ୍ନ ସ୍ୱର ଓ କାହାଣୀର ଝଲକ ପାଇଁ ଏହା ଏକ ପ୍ଳାଟଫର୍ମ ଓ ସଭିଙ୍କ ମନକୁ ଛୁଇଁ ପ।।ରିବ ବୋଲି ଆଶା ।
ମହୋତ୍ସବର ୨୫ତମ ବର୍ଷ ବିଶେଷ ମହତ୍ୱ ରଖେ । ଆନ୍ତର୍ଜାତୀୟ ପ୍ରଡକ୍ସନ, ଲୋକ ଓ ପରଂପାରିକ ନାଟକ, ଆଧୁନିକ ଡ୍ରାମା, ଷ୍ଟ୍ରିଟ ନାଟକ ସହିତ ଦର୍ଶକମାନେ ନାଟ୍ୟକଳାକୁ ଉପଭୋଗ କରିପାରିବେ । ମୁମ୍ବାଇ, ପାଟଣା, ପୁନେ, ଭୁଜ,ବିଜୟୱାଡା, ଯୋଦ୍ଧପୁର, ଦିବ୍ରୁଗଡ଼, ଭୁବନେଶ୍ୱର, ରାମନଗର ଓ ଶ୍ରୀନଗରରେ ଏକାସାଙ୍ଗରେ ଏହି ଉତ୍ସବ ଅନୁଷ୍ଠିତ ହେଉଛି ।
ଏବର୍ଷ ଏନଏସଡି ଏସିଆର ପ୍ରଥମ ବିଶ୍ୱ ଥିଏଟର ବଜାର ସୃଷ୍ଟି କରିବାକୁ ଲକ୍ଷ୍ୟ ରଖିଥିବା ବେଳେ ରଙ୍ଗହାଟକୁ ଉପସ୍ଥାପନ କରିଛି । ରଙ୍ଗହାଟ ଥିଏଟର କଳାକାର, ସଂଯୋଜକ, ପୃଷ୍ଠପୋଷକ ଓ ସମର୍ଥକଙ୍କୁ ଏକତ୍ର କରି ଲୁକ୍କାୟିତ ପ୍ରତିଭାକୁ ଆବିଷ୍କାର କରିବା, ପ୍ରଦର୍ଶନ କରିବା ସୃଜନଶୀଳ ଓ ଆର୍ଥିକ ସହଭାଗିତା ବଢାଇବା ଲକ୍ଷ୍ୟ ରଖେ ।
ବିଆରଏମ ମଂଚ ବାହାରେ ବିସ୍ତାର କରେ ଓ ସମୃଦ୍ଧ ଅନୁଭୂତି ପ୍ରଦାନ କରେ । ଏହି ମହୋତ୍ସବ ସାମନ୍ତରାଳ ପ୍ରଦର୍ଶନୀ, ଆଲୋଚନା ଓ ସେମିନାର ଜରିଆରେ ଦର୍ଶକଙ୍କ ମନରେ ଉତ୍ସାହ ସୃଷ୍ଟି କରିବ ।
