ଟାଟା ଷ୍ଟିଲ ଯୁବ ଜ୍ୟୋତିର୍ବିଜ୍ଞାନୀ ପ୍ରତିଭା ଅନ୍ୱେଷଣ (ୟାଟସ୍) କାର୍ଯ୍ୟକ୍ରମର ୧୬ତମ ସଂସ୍କରଣର ଶୁଭାରମ୍ଭ
ପଠାଣି ସାମନ୍ତ ପ୍ଲାନେଟାରିୟମ୍ ସହଭାଗିତାରେ ୟାଟସ୍ର ଆୟୋଜନ କରାଯାଉଛି
ଭୁବନେଶ୍ୱର, ଜୁଲାଇ ୦୧, ୨୦୨୨: ଟାଟା ଷ୍ଟିଲ ପକ୍ଷରୁ ଭୁବନେଶ୍ୱର ସ୍ଥିତ ପଠାଣି ସାମନ୍ତ ପ୍ଲାନେଟାରିୟମ୍ ସହଭାଗିତାରେ ଆୟୋଜିତ ଯୁବ ଜ୍ୟୋତିର୍ବିଜ୍ଞାନୀ ପ୍ରତିଭା ଅନ୍ୱେଷଣ (ୟାଟସ୍) କାର୍ଯ୍ୟକ୍ରମର ୧୬ତମ ସଂସ୍କରଣର ଆଜି ଶୁଭାରମ୍ଭ ହୋଇଯାଇଛି । ଅନ୍ତରୀକ୍ଷ ବିଜ୍ଞାନ କ୍ଷେତ୍ରରେ ଓଡ଼ିଶାର ବିଦ୍ୟାଳୟ ଛାତ୍ରଛାତ୍ରୀମାନଙ୍କ ପ୍ରତିଭା ଚିହ୍ନଟ ଓ ସେମାନଙ୍କୁ ପ୍ରୋତ୍ସାହିତ କରିବା ଲକ୍ଷ୍ୟରେ ୟାଟସ୍ର ଆୟୋଜନ କରାଯାଉଛି ।
ଚଳିତ ବର୍ଷ ୟାଟସ୍ ହାଇବ୍ରିଡ଼ ମୋଡ଼ରେ ଆୟୋଜନ କରାଯାଉଛି, ଯେଉଁଥିରେ ଛାତ୍ରଛାତ୍ରୀମାନେ ବ୍ୟକ୍ତିଗତ ଭାବେ ନିଜ ବିଦ୍ୟାଳୟରେ କିମ୍ବା ଭର୍ଚୁଆଲି ୟାଟସ୍ ୱେବସାଇଟ୍ (https://bit.ly/YATS2022) ଜରିଆରେ ଅଂଶଗ୍ରହଣ କରିପାରିବେ । ଶ୍ରେଷ୍ଠ ୨୦ ଜଣ ବିଜେତାଙ୍କ ମଧ୍ୟରେ ସାମିଲ ହୋଇ ଆକର୍ଷଣୀୟ ପୁରସ୍କାର ଜିତିବା ପାଇଁ ଛାତ୍ରଛାତ୍ରୀମାନଙ୍କୁ ଏକ କ୍ଷୁଦ୍ର ପ୍ରଶ୍ନାବଳୀ ଓ ଏକ ପ୍ରବନ୍ଧ ଲିଖନ ପରୀକ୍ଷାରେ ଭାଗ ନେବାକୁ ପଡିବ । ୟାଟସ୍ ୨୦୨୨ର ବିଷୟବସ୍ତୁ ହେଉଛି “ବ୍ରାହ୍ମଣ୍ଡ ରହସ୍ୟ ଉନ୍ମୋଚନ କରିବାର ଏବେ ସମୟ” । ଏଥିରେ ନିମ୍ନଲିଖିତ ପ୍ରତିଯୋଗିତାମାନ ଆୟୋଜନ କରାଯିବ ।
• ଓପନ୍ କୁଇଜ: ସିଧାସଳଖ ବିଦ୍ୟାଳୟରେ ଆୟୋଜନ କରାଯିବ (୬ଷ୍ଠ ରୁ ୧୦ମ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ)
• ପ୍ରବନ୍ଧ ଲିଖନ ପ୍ରତିଯୋଗିତା: ବିଦ୍ୟାଳୟରେ ଓ ଅନ୍ଲାଇନ୍ରେ ଆୟୋଜିତ ହେବ (୯ମ ରୁ ୧୦ ମ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ)
ଓଡ଼ିଶାର ପ୍ରତ୍ୟେକ ଜିଲ୍ଲାର ୨ଜଣ ଶ୍ରେଷ୍ଠ ପ୍ରତିଯୋଗୀଙ୍କୁ ଚଳିତ ବର୍ଷ ଡିସେମ୍ବର ୧୨ ଓ ୧୩ ତାରିଖରେ ଆୟୋଜିତ ହେବାକୁଥିବା ଗ୍ରାଣ୍ଡ ଫାଇନାଲ୍ ପାଇଁ ଆମନ୍ତ୍ରିତ କରାଯିବ । ଏହାପରେ ବ୍ୟକ୍ତିଗତ ସାକ୍ଷାତକାର ଆଧାରରେ ମୂଲ୍ୟାଙ୍କନ କରାଯିବା ପରେ ଶ୍ରେଷ୍ଠ ୨୦ ଜଣ ବିଜେତାଙ୍କୁ ପୁରସ୍କୃତ କରାଯିବ ।
ୟାଟସ୍ କାର୍ଯ୍ୟକ୍ରମ ଜ୍ୟୋତିର୍ବିଜ୍ଞାନର ରହସ୍ୟ ସମ୍ପର୍କରେ ଯୁବ ପ୍ରତିଭାମାନଙ୍କ ଜ୍ଞାନ ପରିସୀମାକୁ ବୃଦ୍ଧି କରିବା ଦିଗରେ ୧୬ ବର୍ଷ ପୁରଣ କରିଛି । ଓଡ଼ିଶାର ବିଦ୍ୟାଳୟ ଛାତ୍ରଛାତ୍ରୀମାନଙ୍କ ମଧ୍ୟରେ ଅନ୍ତରୀକ୍ଷ ବିଜ୍ଞାନକୁ କିମ୍ବଦନ୍ତୀ ପୁରୁଷ ଜ୍ୟୋତିର୍ବିଜ୍ଞାନୀ ପଠାଣି ସାମନ୍ତଙ୍କ ଅବଦାନର ପ୍ରସାର କରିବା ହେଉଛି ଏହି କାର୍ଯ୍ୟକ୍ରମର ଲକ୍ଷ୍ୟ ।
