ସଂକ୍ରମଣ

କେହି ଜଣେ ନିଶବ୍ଦ ରେ
ଆଉଟୁଥିଲା ଅତୀତ ର ପୃଷ୍ଠା
ସଂକ୍ରମଣର ଭୟରେ ଥିରି ଥିରି
ଛୁଉଁଥିଲା ସ୍ମୃତି ର ଅଦେଖା ହାତକୁ

ଦୂରରେ ଥାଇ କଷୁଥିଲା
ଜୀବନ ର କଠୋର ସତ୍ୟତା
ଆଲିଙ୍ଗନର ଦୁର୍ବାର ଇଚ୍ଛା କୁ
ଛାତି ତଳେ ସମାଧି ଦେଇ
ଟିପରେ ଗାର ଟାଣୁଥିଲା ଭୂଇଁରେ

ଆଖି ର ଲୁହ କୁ ଓଠ ନିରବରେ
ପିଇଯାଉଥିବା ବେଳେ
ହାତ ଅଟକି ରହିଥିଲା
ପୋଛି ନପୋଛି ହୋଇ

ସଂକ୍ରମଣ ର ଭୟରେ
ନିବିଡ଼ ଆଶ୍ଳେଷ ର ଲୋଭକୁ
ସେ ଫିଙ୍ଗି ଚାଲିଥିଲା
କେଉଁ ଏକ ଅଜଣା ଅଶୁଣା ରାଜ୍ୟ କୁ

ଠିକଣାରେ ପହଞ୍ଚିନପାରି
ଚିଠି ଫେରି ଅ ।ସିଲା ପରି
ଲେଉଟିଅ ।ସି ଦରଜା ପାଖରେ
ଅଟକି ରହେ ସମୟ
ଅନୁମତି ମାଗେ ପ୍ରେଶେର

ଦୁର୍ଭାଗ୍ୟ ତାର
ସେ ବୁଝିବା ଅ ।ଗରୁ
ଘର ଦୁଅ ।ର
ତା ପାଇଁ ସାରା ଜୀବନ ବନ୍ଦ
ନତୁବା
ଏ ସଂକ୍ରମଣର ଭୟ
ନ ସରିବା ଯାଏଁ

ସୁନିତା ବାରିକ
ବି .ଏସ୍‌. ଏନ୍‌. ଏଲ୍‌. ଭବନ
ଦକ୍ଷିଣକାଳୀରୋଡ଼, ଢ଼େଙ୍କାନାଳ,
୭୫୯୦୦୧