ଟସର ପୋକ ମରିବା ଘଟଣାର ଅନୁଧ୍ୟାନ କଲେ କୢଷି ବୈଜ୍ଞାନିକ

ନୂଆପଡା-କିଛି ଦିନ ହେବ ନୂଆପଡା ଜିଲ୍ଲା କୋମନା ବ୍ଲକ ଉଲଭା ଓ ଆଗ୍ରେନ ଗାଁରେ କରା ଯାଇ ଥିବା ୧୦ ହେକ୍ଟର ଜମିର ଟସର ପୋକ ମରି ଯାଉ ଥିବା ଅଭିଯୋଗ ହୋଇ ଥିଲା । ଏହାର ଅନୁଧ୍ୟାନ କରିବା ପାଇଁ ନୂଆପଡା କୢଷି ବିଜ୍ଞାନ କେନ୍ଦ୍ରର ବରିଷ୍ଠ କୢଷି ବୈଜ୍ଞାନିକ କ୍ଷିରୋଦ କୁମାର ବିଶ୍ବାଲଙ୍କ ନେତୢତ୍ବରେ ୩ ଜଣିଆ ଟିମ ପହଞ୍ଚି ଅନୁଧ୍ୟାନ କରିଛନ୍ତି ।       ଉଲଭା, ଆଗ୍ରେନ ଗାଁରେ ଅନେକ ଦିନ ହେବ ଟସର ଚାଷ ହୋଇ ଆସୁଛି । କିନ୍ତୁ ଚଳିତ ବର୍ଷ କୌଣସି କାରଣରୁ କୋଷା ବାନ୍ଧିବା ସମୟରେ ହଜାର ହଜାର ଟସର ପୋକ ମରି ଯାଉଛନ୍ତି । ଏ ଘଟଣା ଜାଣିବା ପରେ ନୂଆପଡା କୢଷି ବିଜ୍ଞାନ କେନ୍ଦ୍ରର ବରିଷ୍ଠ କୢଷି ବୈଜ୍ଞାନିକ କ୍ଷିରୋଦ କୁମାର ବିଶ୍ବାଳଙ୍କ ସହ ଏଏଓ ସୁଧାଂଶୁ କୁମାର ସାହୁ ଏବଂ ଏଏଓ ସନ୍ତୋଷ କୁମାର ମେହେର ୩ ଜଣ ଟସର ଚାଷ ହୋଇ ଥିବା ସ୍ଥାନକୁ ଆସି ଥିଲେ । ଟସର ଚାଷୀ ଛତର ସାଏ ମାଝୀ, ଖଗେଶ୍ବର ନାଗ, ତଥା ଟସର ସମବାୟ ସମିତି ଆଗ୍ରେନର ସୁପର ଭାଇଜର ମୋତିରାମ ନାଗଙ୍କ ସହ ଆଲୋଚନା କରି ଥିଲେ । ମରି ଥିବା ଟସର ପୋକର ସେମ୍ପଲ ସଂଗ୍ରହ କରି ଓୟୁଏଟି ଭଵାନୀପାଟଣା ପରୀକ୍ଷା ପାଇଁ ପଠାଇବାକୁ ଜଣାଇ ଥିଲେ । ପ୍ରାରମ୍ଭିକ ଅନୁଧ୍ୟାନରୁ ଜଣା ଯାଏ ଯେ, ଏହା ଏକ ଭାଇରାଲ ରୋଗ । ମୂଳ ଅଣ୍ତାରୁ ଏହା ସଂକ୍ରମିତ ହୋଇ ଥାଇ ପାରେ ବୋଲି ଅନୁମାନ କରା ଯାଉଛି । ଅଧିକ ପରୀକ୍ଷା ପରେ ପ୍ରକୢତ କାରଣ ଜଣା ପଡିବ ବୋଲି ଶ୍ରୀବିଶ୍ବାଲ ଜଣାଇଛନ୍ତି ।