କେନ୍ଦ୍ରାପଡ଼ା ବ୍ଲକ୍ର ଓସ୍ତପୁର ପଞ୍ଚାୟତ : ପ୍ରସନ୍ନ ରାଉତ ବହୁ ଆଗରେ
କେନ୍ଦ୍ରାପଡ଼ା ବ୍ଲକ୍ର ଓସ୍ତପୁର ପଞ୍ଚାୟତରେ ନିର୍ବାଚନ ମାହୋଲ ସରଗରମ ହେଉଅଛି । ନିର୍ବାଚନକୁ ଆଉମାତ୍ର
ଦୁଇଦିନ ବାକି ରହୁଥିବା ବେଳେ ବର୍ତ୍ତମାନର ସ୍ଥିତି ଯାହା ରହିଛି ଏଠାରେ ସବୁ ପ୍ରାର୍ଥୀ ନିଜନିଜ ସପକ୍ଷରେ
ପ୍ରଚାର ଚଳାଇଥିବା ବେଳେ ପ୍ରସନ୍ନ ରାଉତ (ଲିଟୁରି) ପ୍ରଚାର କ୍ଷେତ୍ରରେ ବହୁ ଆଗରେ ଅଛନ୍ତି । ଏଥର
ନିର୍ବାଚନରେ ସର୍ବମୋଟ ୫ଜଣ ପ୍ରାର୍ଥୀ ସରପଞ୍ଚ ପଦବୀ ପାଇଁ ପ୍ରତିଦ୍ୱନ୍ଦିତା କରୁଛନ୍ତି ଓ ତିବ୍ର ପ୍ରତିଦ୍ୱନ୍ଦୀଙ୍କ ମଧ୍ୟରୁ
ପ୍ରସନ୍ନ ରାଉତ ବର୍ତ୍ତମାନ ସମିତି ସଭ୍ୟ ଓ ନିର୍ଦ୍ଦିଷ୍ଟ ରାଜନୈତିକ ଦଳର ସମର୍ଥନ ଲାଭ କରିଥିବାରୁ ଚିହ୍ନାମୁହଁ
ଭାବେ ପଞ୍ଚାୟତବାସୀଙ୍କ ନିକଟତର ହୋଇପାରିଛନ୍ତି । ସେ ବିଗତ ଦିନରେ ପଞ୍ଚାୟତରେ କରିଥିବା
ବିକାଶମୂଳକ କାର୍ଯ୍ୟକୁ ଆଧାର କରି ଜନସାଧାରଣଙ୍କ ବିଶ୍ୱାସଭାଜନ ହୋଇପାରିଛନ୍ତି । ପ୍ରସନ୍ନ ରାଉତଙ୍କ ସହ
ପ୍ରତିଦ୍ୱନ୍ଦିତା କରୁଥିବା ଅନ୍ୟ ପ୍ରାର୍ଥୀମାନେ ଯଥା ରଶ୍ମିରଂଜନ ଚୌଧୁରୀ, ବିରେନ୍ଦ୍ର ଖଟୁଆ, ସନାତନ ବାରିକ ଓ
ସୌମ୍ୟକାନ୍ତ ଦାସ ପ୍ରଚାର ଦୃଷ୍ଟିରେ ବହୁ ପଛରେ ଥିଲେ ବି ପାରମ୍ପରିକଭାବେ ଭୋଟରମାନଙ୍କ ବିଶ୍ୱାସଭାଜନ
ହେବାକୁ ପ୍ରୟାସ ଜାରି ରଖିଛନ୍ତି । ପ୍ରସନ୍ନ ରାଉତ ଜଣେ ଶିକ୍ଷିତ ଯୁବକ ଓ ଗତ ପାଞ୍ଚବର୍ଷଧରି ସମିତି
ସଭ୍ୟଭାବେ ଜନସାଧାରଣଙ୍କ ସୁଖଦୁଃଖର ସାଥିଭାବେ କାର୍ଯ୍ୟକରିଥିବାରୁ ଯୁବଗୋଷ୍ଠୀଙ୍କ ପାଇଁ ଆଦର୍ଶ
ହୋଇପାରିଛନ୍ତି ଏବଂ ତାଙ୍କ ନାମରେ କୌଣସି ଦୁର୍ନୀତିର ଛିଟା ନଥିବାରୁ ବୟୋଜ୍ୟେଷ୍ଠ ଓ ବୁଦ୍ଧିଜୀବିମାନେ
ତାଙ୍କ ସପକ୍ଷରେ ରହିଛନ୍ତି । ଆଉ ଏହି ଧାରା ଜାରି ରହିଲେ ଓସ୍ତପୁର ପଞ୍ଚାୟତର ମତଦାନ ଆସନ୍ତା
୨୨ତାରିଖ, ମଙ୍ଗଳବାର ରେ ହେବାକୁ ଯାଉଥିବା ନିର୍ବାଚନରେ ପ୍ରସନ୍ନ ରାଉତ ଓରଫ ଲିଟୁରିଙ୍କ ପରି ଜଣେ
ଉଚ୍ଚ ଶିକ୍ଷିତ ତଥା ଯୁବ ସମାଜସେବୀଙ୍କ ମୁଣ୍ଡରେ ଯଦି ସରପଞ୍ଚର ଶିରପା ବାନ୍ଧି ଦିଅନ୍ତି, ତେବେ ସେଥିରେ
କେହି ବି ଆଦୈା ଆଶ୍ଚର୍ଯ୍ୟ ହେବେ ନାହିଁ ।
