କାହିଁକି ପ୍ରବୀଣ ନେତ୍ତାରୁ ହତ୍ୟାକାଣ୍ଡ , ପିଏଫ୍ ଆଇ ର ହତ୍ୟାକାରୀ ଶାଖାର ସ୍ମୃତିକୁ ପୁର୍ନଜୀବିତ କରେ
(ପ୍ରବାହ ନିୟୁଜ୍):ପି.ଏଫ୍.ଆଇ ସବୁ ବେଳେ ନିଜକୁ ଏକ ସାମାଜିକ ସଂଗଠନ ଭାବେ ପରିଚୟ ଦିଏ ଯାହା ମୁସଲିମ ମାନଙ୍କ ସାମାଜିକ ଉଥାନ୍ନ ପାଇଁ କାମ କରିଥାଏ । କିନ୍ତୁ ଅପରପକ୍ଷେ ଏହା ଉପରେ ସରକାରଙ୍କ ଦ୍ବାରା ନିଆଯାଇଥିବ|, ପଦକ୍ଷେପ ଏକ ଭିନ୍ନ ଚିତ୍ର ଉପସ୍ଥାପନ କରେ । ଜୁଲାଇ ୨୧ , ୨୦୨୨ ତାରିଖରେ ମାଙ୍ଗାଲୁରୁ ଠାରୁ ୮୦ କିମି ଦୂରରେ ଅବସ୍ଥିତ ବେଲାରୀ ସହରରେ ଘଟିଥିବା ପ୍ରବୀଣ ନେତ୍ତାରୁ ହତ୍ୟାକାଣ୍ଡ ପୁର୍ନବାର ପିଏଫ୍ ଆଇ ର ହିଂସକ ମୁଖାକୁ ଖୋଲି ଦେଇଛି । ପ୍ରବୀଣ ନେତ୍ତାରୁ ଯିଏ ଦକ୍ଷିଣ କନ୍ନଡ ଭାରତୀୟ ଯୁବ ମୋର୍ଚ୍ଚାର କାର୍ଯ୍ୟକାରିଣୀ ସଦସ୍ୟ ଥିଲେ ତଥା ଏକ ଜଣାଶୁଣା ଚେହେରା ଥିଲେ , ତାଙ୍କୁ ମୋଟର ସାଇକେଲ ସବାର ଦୁର୍ବୃତ୍ତ ମାନେ ISIS ଷ୍ଟାଇଲରେ ହତ୍ୟା କରିଥିଲେ । ପ୍ରାଥମିକ ତଦନ୍ତରୁ ଲାଗୁଥିଲା , ମାସୁଦ ନାମକ ଜଣେ ୧୯ ବର୍ଷିୟ ମୁସଲିମ ପ୍ରବାସୀ ଶ୍ରମିକର ହତ୍ୟାର ଏହା ଏକ ପ୍ରତିଶୋଧମୂଳକ ହତ୍ୟାକାଣ୍ଡ ଥାଇପାରେ , କିନ୍ତୁ ସ୍ଥାନୀୟ ପୋଲିସ୍ ର ପରବର୍ତ୍ତୀ ତଦନ୍ତ ପ୍ରଘଟ କଲା ଯେ ଏହା ପି . ଏଫ୍ ଆଇ ଦ୍ବାରା କରାଯାଇଥିବା ଏକା ବର୍ବର କାଣ୍ଡ ଥିଲା । FIR ବିବରଣୀରୁ ଜଣା ପଡେ ଯେ ହତ୍ୟାକାଣ୍ଡରେ ଉଲ୍ଲେଖଥିବା ଅନେକ ଅଭିଯୁକ୍ତ ମାନଙ୍କ ମଧ୍ୟରୁ ଅନେକ ପିଏଫ୍ ଆଇ ସହିତ ଜଡିତ ଥିଲେ ।
ଏମାନଙ୍କ ମଧ୍ୟରୁ ଜାକିର ( ପିଏଫ୍ ଆଇ , ବେଲାରୀ ଶାଖା ର ଅଧ୍ୟକ୍ଷ ) , ଶଫୀକ୍ ( ପିଏଫ୍ ଆଇ , ବେଲାରୀ ଶାଖା ର ଆଂଚଳିକ ଅଧ୍ୟକ୍ଷ ) , ସି.ଏ ଅବଦୁଲ୍ କବୀର ଏବଂ ଏମ୍ଡି ସିୟାବ ସହିତ ଅନ୍ୟ ଛଅ ଜଣ ଥିଲେ , ଯେଉଁମାନେ ପିଏଫ୍ ଆଇ ର ସ୍ଥାନୀୟ ସଦସ୍ୟ ଥିଲେ । FIR ରେ ଆହୁରି ମଧ୍ୟ ଉଲ୍ଲେଖ ଥିଲା କି ପ୍ରବୀଣ ନେଭାରୁଙ୍କ ହତ୍ୟା ଏକ ସୁପରିକଳ୍ପିତ ଘଟଣା ଥିଲା ମାସୁଦ୍ ହତ୍ୟାର ପ୍ରତିଶୋଧ ପାଇଁ । ପି.ଏଫ୍.ଆଇ ପାଖରେ ଏକ ହତ୍ୟାକରୀ ଶାଖା ଥିବାର ଜଣାଯାଏ ଯାହା ଏକ ସ୍ଟିପର ସେଲ୍ ଭଳି କାର୍ଯ୍ୟ କରିଥାଏ । ଦରକାର ସମୟରେ ପି.ଏଫ୍.ଆଇର ଉପରିସ୍ଥ ନେତୃବୃନ୍ଦଙ୍କ ଇଙ୍ଗିତରେ ଏହା ଉଦ୍ଦେଶ୍ୟମୂଳକ ହତ୍ୟାକାଣ୍ଡ ପାଇଁ ସକ୍ରିୟ ହୋଇଯାଏ । ଏହାର ସଦସ୍ୟ ମାନେ ପ୍ରାୟତଃ ଦୁଇ ରୁ ତିନି ଜଣିଆ ଦଳରେ କାମ କରନ୍ତି ଓ ନ ଧରାପଡିବା ପାଇଁ ଚୋରାଗାଡି କିମ୍ବା ଅବ୍ୟବହୃତ ଗାଡି ସବୁ ବ୍ୟବହାର କରିଥାନ୍ତି । ସେମାନଙ୍କ ଅପରାଧ ଶୈଳୀ ହେଲା ଶତ୍ରୁ ମାନଙ୍କୁ ବାର୍ତାଦେବା ପାଇଁ କ୍ଷିପ୍ର ବେଗରେ ହାଣି ପିଡିତକୁ ମାରିଦେବା ।
ସମାନ ଅପରାଧ ଶୈଳୀ NSG କମାଣ୍ଡୋ ଶେଖର ରାଠୋଡଙ୍କ ହତ୍ୟା ଘଟଣାରେ ଦେଖିବାକୁ ମିଳିଥିଲା , ଯିଏକି ସେତେବେଳେ ତତ୍କାଳୀନ ଗୃହମନ୍ତ୍ରୀ ଏଲ୍.କେ . ଆଡଭାନୀଙ୍କ ଅଂଗରକ୍ଷୀ ଥିଲେ । ପବୀତ୍ର କୋରାନ ର ପଂଚମ ଅଧ୍ୟାୟର ୩୨ ତମ ଅନୁଚ୍ଛେଦ ଅନୁସାରେ ଜଣେ ନୀରିହ ମଣିଷକୁ ହତ୍ୟା କରିବା ଅର୍ଥ ହେଲା ସମଗ୍ର ମାନବଜାତିର ହତ୍ୟା କରିବା ସହିତ ସମାନ । ପ୍ରବୀଣ ନେତ୍ତାରୁ ହତ୍ୟାକାଣ୍ଡରୁ ଜଣାଯାଏ ଯେ ପି.ଏଫ୍.ଆଇ ନିଶ୍ଚିତ ଭାବେ କୋରାନକୁ ଅନୁସରଣ କରୁନାହିଁ । ବର୍ତ୍ତମାନ ପ୍ରଶ୍ନ ଉଠେ ଯେ ଏହାର ଉଦ୍ଦେଶ୍ୟ କଣ ? ଏହାର ଅପରାଧ ଶୈଳୀ ଓ କଳୁଶିତ ଇତିହାସକୁ ଅନୁଧ୍ୟାନ କଲେ ଜଣାଯାଏ ଯେ ପି.ଏଫ୍.ଆଇ , ମୁସଲିମ ବ୍ରଦରହୁଡ୍କୁ ଅନୁସରଣ କରୁଛି । ପି.ଏଫ୍.ଆଇକୁ ରାଜନୈତିକ କ୍ଷମତା ଦରକାର ଓ ତାହାପାଇଁ ଏହା କୌଣସି ସୀମାକୁ ଟପିଯାଇପାରିବ । ତେଣୁ ଶାନ୍ତିପ୍ରିୟ ମୁସଲମାନ ମାନଙ୍କୁ ସରକାରଙ୍କ ଦ୍ବାରା ପି.ଏଫ୍.ଆଇ ଉପରେ ପ୍ରତିବନ୍ଧ ଲଗାଇବାର ପଦକ୍ଷେପ ସ୍ବାଗତ କରି ଏହିପରି ଚରମପନ୍ଥୀ ସଂସ୍ଥା ମାନଙ୍କୁ ବର୍ଜନ କରିବା ଉଚିତ୍ ।
( ଏମଡି . ଓବେଦୁଲ୍ଳ|)
