ଇଷ୍ଟକୋଷ୍ଟ ରେଲୱେ ଜିଏମ୍ ଙ୍କ ଜେଏସପି ଅନଗୁଳ ଷ୍ଟିଲ୍ ପ୍ଲାଣ୍ଟ ପରିଦର୍ଶନ

ଅନଗୁଳ,୨୩ ଡିସେମ୍ବର : ଇଷ୍ଟକୋଷ୍ଟ ରେଲୱେର ଏକ ପ୍ରତିନିଧୀ ଦଳ ଶ୍ରୀ ଆର. ଏନ.   ଶୁନକର  ଜିଏମ ଇଷ୍ଟ କୋଷ୍ଟ ରେଲୱେ ଙ୍କ ନେତୃତ୍ଵରେ ୨୨ ଡିସେମ୍ବର ଦିନ ଅନଗୁଳ ସ୍ଥିତ ଜିନ୍ଦଲ ଷ୍ଟିଲ ଆଣ୍ଡ ପାୱାର (ଜେଏସପି) ର ବୃହତ ଷ୍ଟିଲ ୟୁନିଟ୍ ପରିଦର୍ଶନ କରିଥିଲେ। ଏହି ଅବସରରେ ସେ ଇସ୍ପାତ କାରଖାନାର ବିଭିନ୍ନ ସୁବିଧା ଯଥା : ଲୋଡିଂ ଏବଂ ଅନଲୋଡିଂ , ଆଭ୍ୟନ୍ତରୀଣ ରେଳ ଟ୍ରାକ୍, ଡମ୍ପିଂ ସାଇଟ୍, ଆଗାମୀ ଟ୍ରାକ୍ ପାଇଁ ସମ୍ପ୍ରସାରଣ ଯୋଜନା ଏବଂ ପ୍ରକଳ୍ପର ଅନ୍ୟାନ୍ୟ ଅଞ୍ଚଳ ପରିଦର୍ଶନ କରିଥିଲେ ଏବଂ ଜେଏସପି ର ପରିଚାଳନା ନିର୍ଦ୍ଦେଶକ ଶ୍ରୀ ବିମଲେନ୍ଦ୍ର ଝା ଙ୍କ ସହ ସାକ୍ଷାତ କରିଥିଲେ ।

ଜେଏସପିର ସିଇଓ-ଇସ୍ପାତ ବ୍ୟବସାୟ ଶ୍ରୀ ଦୀନେଶ କୁମାର ସରୋଗୀ,  କାର୍ଯ୍ୟନିର୍ବାହୀ ନିର୍ଦ୍ଦେଶକ ଲଜିଷ୍ଟିକ୍ ଶ୍ରୀ ଘନଶ୍ୟାମ ସିଂ, ମୁଖ୍ୟ ଲଜିଷ୍ଟିକ୍ ଅଧିକାରୀ ଶ୍ରୀ ଅନୀମେଶ ଗୁପ୍ତା ଏବଂ ଜେଏସପିର ଅନ୍ୟ ଅଧିକାରୀମାନେ ପ୍ରତିନିଧୀ ଦଳଙ୍କ ସହ ରହି ସେମାନଙ୍କୁ ପ୍ରକଳ୍ପର ବିଭିନ୍ନ ସୁବିଧା ବିଷୟରେ ଅବଗତ କରାଇଥିଲେ।

ଏହି ଅବସରରେ ଶ୍ରୀ ଦୀନେଶ କୁମାର ସରୋଗୀ କହିଛନ୍ତି, “ଆବଶ୍ୟକ ସମୟରେ ସମସ୍ତ ଆବଶ୍ୟକୀୟ ସହାୟତା ଯୋଗାଇ ଦେଇଥିବାରୁ ଆମେ ଭାରତୀୟ ରେଳବାଇକୁ ବହୁତ ବହୁତ ଧନ୍ୟବାଦ ଜ୍ଞାପନ କରୁଅଛୁ । ଭାରତୀୟ ରେଳବାଇର ଏକ  ପ୍ଲାଟିନମ୍ ଗ୍ରାହକ ଭାବରେ ଆମର ଉତ୍ପାଦନ କ୍ଷମତା ବୃଦ୍ଧି କରି ଦେଶର ଅର୍ଥନୀତିକୁ ତ୍ୱରାନ୍ୱିତ କରିବା ପାଇଁ ଭାରତୀୟ ରେଳବାଇର ସମର୍ଥନ ସର୍ବଦା ଆମ ପ୍ରତି ରହିବ ବୋଲି ଆମେ ଆଶା କରୁଛୁ”।

ଜିଏମ୍ ସଚିବ ଶ୍ରୀ ବିଶ୍ୱଜିତ୍ ଭୋଇ, ଡିଆରଏମ୍ ଖୋର୍ଦ୍ଧ।  ଶ୍ରୀ ଋଙ୍କେଶ ରୟ , ପିସିଓଏମ ଶ୍ରୀ ୱ।ଇ ଏନ ବାବୁ, ପିସିଇ ଶ୍ରୀ ଏନ  ସୁଇକି, ପିସିସିଏମ ଶ୍ରୀ ବି ନାଗିଆ, ଡେପୁଟି ଇସି ଶ୍ରୀ ପାରିଡା, ସିନିୟର ଡିଓଏମ ଖୋର୍ଦ୍ଧ। ଶ୍ରୀ କେ ସନ୍ଦୀପ, ସିନିୟର  ଡିସିଏମ ଶ୍ରୀ ଅମିତେଶ ଆନନ୍ଦ,  ସିନିୟର ଡିଇଏନ ସମନ୍ୱୟ ଶ୍ରୀ ବିଜୟ ଯାଦବ ଏବଂ ସିନିୟର ଡି ଇ ଏନ ସେଣ୍ଟ୍ରାଲ୍ ଶ୍ରୀ ପି. ନାଗୱାନି ଏହି ପ୍ରତିନିଧୀ ଦଳର ସଦସ୍ୟ ଥିଲେ।