ଆମାଜନ୍ ଆରମ୍ଭ କଲା ପ୍ରପେଲ ଷ୍ଟାର୍ଟଅପ ଆକ୍ସିଲରେଟର ସିଜନ ୨ଋପ୍ତାନି ବୃଦ୍ଧି ଏବଂ ଭାରତରେ ବିଶ୍ୱସ୍ତରୀୟ ବ୍ରାଣ୍ଡ୍ ସୃଷ୍ଟି
କାର୍ଯ୍ୟକ୍ରମର ଲକ୍ଷ୍ୟ :-
ଚା ସିକୋଇଆ କ୍ୟାପିଟାଲ ଇଣ୍ଡିଆ, ଫାୟାରସାଇଡ ଭେଞ୍ଚର୍ସ ସିଜନ ୧ରୁ ଭିସି ସହଭାଗୀ
ରହିଛନ୍ତି, ଆସେଲ୍ ଏବଂ ଡିଏସ୍ଜି କଞ୍ଜୁମର ପାର୍ଟନର୍ସ ଏବେ ସାମିଲ
ଚା ଲୋକପ୍ରିୟ ବଲିଉଡ ଅଭିନେତା ଏବଂ ଆଞ୍ଜେଲ ନିବେଶକ କୁନାଲ କପୁର ଜଣେ
ମାର୍ଗଦର୍ଶକ ଭାବରେ କାର୍ଯ୍ୟକ୍ରମରେ ସାମିଲ
ଚା ଅଂଶଗ୍ରହଣକାରୀ ଷ୍ଟାର୍ଟଅପଗୁଡିକ ଆମାଜନ୍ରୁ ୧୦୦,୦୦୦ ଡଲାର ଇକ୍ୱିଟି ମୁକ୍ତ
ଅନୁଦାନ ଜିତିପାରିବେ ଏବଂ ଭିସି ସଂସ୍ଥାଗୁଡିକରେ ସହଭାଗୀ ହେବାକୁ ପ୍ରୟାସ
କରିପାରିବେ
ଚା ସ୍ଲର୍ପ ଫାର୍ମ, ସିରୋନା ଏବଂ ୱେଲବିଙ୍ଗ ନ୍ୟୁଟ୍ରିସନ କାର୍ଯ୍ୟକ୍ରମର ୨୦୨୧ରେ ଉଦ୍ଘାଟନି
ଅଧିବେଶନର ବିଜେତା ଥିଲେ
ବେଙ୍ଗାଲୁରୁ,୯ା୨: ଆମାଜନ୍ ଇଣ୍ଡିଆ ଗ୍ଲୋବାଲ ସେଲିଂ ପ୍ରପେଲ ଷ୍ଟାର୍ଟଅପ୍ ଆକ୍ସିଲରେଟରର
ଦ୍ୱିତୀୟ ସିଜନ ଆରମ୍ଭ ସମ୍ପର୍କରେ ଘୋଷଣା କରିଛି- ଏହା ଏକ ପ୍ରୟାସ ଯାହା ଉଦୀୟମାନ ଭାରତୀୟ
ବ୍ରାଣ୍ଡ୍ସମୂହ ଏବଂ ଷ୍ଟାର୍ଟଅପଗୁଡିକୁ ସମଗ୍ର ବିଶ୍ୱର ଗ୍ରାହକଙ୍କ ନିକଟରେ ପହଞ୍ଚିବାକୁ
ଉତ୍ସର୍ଗୀକୃତ ସମର୍ଥନ ଯୋଗାଇଦେବାକୁ ଡିଜାଇନ କରାଯାଇଛି । ଉପଭୋକ୍ତା ଉତ୍ପାଦଗୁଡିକ
କ୍ଷେତ୍ରରେ ଥିବା ଆଦ୍ୟ ପର୍ଯ୍ୟାୟର ଷ୍ଟାର୍ଟଅପଗୁଡିକୁ ଆନ୍ତର୍ଜାତିକ ବଜାରରେ ପ୍ରବେଶ
କରାଇବା ଏବଂ ଆମାଜନ୍ର ଗ୍ଲୋବାଲ ସେଲିଂ କାର୍ଯ୍ୟକ୍ରମ ଜରିଆରେ ଭାରତରୁ ବିଶ୍ୱସ୍ତରୀୟ
ବ୍ରାଣ୍ଡ୍ସମୁହ ସୃଷ୍ଟି କରିବାକୁ ଷ୍ଟାର୍ଟଅପ୍ ଆକ୍ସିଲରେଟର ଡିଜାଇନ କରାଯାଇଛି । ଏଥିରେ
ଅଂଶଗ୍ରହଣକାରୀ ଷ୍ଟାର୍ଟଅପଗୁଡିକ ଆମାଜନ୍ରୁ ମୋଟ ୧୦୦,୦୦୦ ଡଲାର ଇକ୍ୱିଟି ମୁକ୍ତ
ଅନୁଦାନ ଜିତିବା ଏବଂ ତାହାସହିତ ମାଗଣାରେ ୧୦,୦୦୦ ଡଲାର ମୂଲ୍ୟର ଏଡବ୍ଲ୍ୟୁଏସ୍ ଋଣ
ପାଇବାର ସୁଯୋଗ ଲାଭ କରିବେ । ଏହି କାର୍ଯ୍ୟକ୍ରମ ଷ୍ଟାର୍ଟଅପ୍ଗୁଡିକୁ ସେମାନଙ୍କର
ବ୍ୟବସାୟିକ କାର୍ଯ୍ୟକଳାପ ସହଭାଗୀ ଭିସି ସଂସ୍ଥାସମୂହ ଯଥା- ଆସେଲ୍, ଡିଏସ୍ଜି କଞ୍ଜୁମର
ପାର୍ଟନର୍ସ, ଫାୟାରସାଇଡ ଭେଞ୍ଚର୍ସ ଏବଂ ସିକୋଇଆ କ୍ୟାପିାଲ ଇଣ୍ଡିଆ ଆଦିକୁ ପ୍ରଦର୍ଶିତ
କରିବାକୁ ଏକ ସୁଯୋଗ ଯୋଗାଇଦେବ । ଲୋକପ୍ରିୟ ବଲିଉଡ ଅଭିନେତା ଏବଂ ଆଞ୍ଜେଲ
ନିବେଶକ କୁନାଲ କପୁର ଏହି କାର୍ଯ୍ୟକ୍ରମରେ ମାର୍ଗଦର୍ଶକ ଭାବରେ ଯୋଗଦେଇଛନ୍ତି । ୍ର
ଆମାଜନ୍ର ଇଣ୍ଡିଆ ଏବଂ ଏମର୍ଜି ମାର୍କେଟ୍ସ ଏସଭିପି ଅମିତ ଅଗ୍ରୱାଲ କହିଥିଲେ,
“ଉଦୀୟମାନ କମ୍ପାନୀଗୁଡିକୁ ସେମାନଙ୍କର ବ୍ୟବସାୟ କାର୍ଯ୍ୟକଳାପ ସର୍ବସମ୍ମୁଖକୁ ଆଣିବା ଏବଂ
ଭାରତରୁ ଲୋକପ୍ରିୟ ବିଶ୍ୱସ୍ତରୀୟ ବ୍ରାଣ୍ଡ୍ ସୃଷ୍ଟି କରିବା ନିମନ୍ତେ ଗ୍ଲୋବାଲ ସେଲିଂ ପ୍ରପେଲ
ଆକ୍ସିଲରେଟର ଡିଜାଇନ କରାଯାଇଛି । ଏକ ସୁସଂହତ ଷ୍ଟାର୍ଟଅପ୍ ପରିବ୍ୟବସ୍ଥା ସୃଷ୍ଟି କରିବା
ଏବଂ ଷ୍ଟାର୍ଟଅପ୍ଗୁଡିକୁ ଭାରତର ଅର୍ଥନୈତିକ ଅଭିବୃଦ୍ଧିର ବାହକ ଭାବରେ ଗଢିତୋଳିବା
ଦିଗରେ ସମ୍ମାନନୀୟ ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ମୁତାବକ ଏହା ହୋଇଛି । କାର୍ଯ୍ୟକ୍ରମର ଉଦଘାଟନି
ଅଧିବେଶନରେ ଆମେ ବିପୁଳ ଆଗ୍ରହ, ଚିନ୍ତାଧାରା ଏବଂ ଔଦ୍ୟୋଗିକ ମନୋଭାବ ଲକ୍ଷ୍ୟ କରିଛୁ
ଏବଂ ସଂପ୍ରତି ସିଜନ ୨ ଆଣି ଆମେ ଅତ୍ୟନ୍ତ ଉଲ୍ଲସିତ ଅଛୁ । ସମସ୍ତ ଆକାର ବ୍ୟବସାୟ ସଂସ୍ଥା
ପାଇଁ ରପ୍ତାନିକୁ ସହଜ କରିବା ଏବଂ ୨୦୨୫ ସୁଦ୍ଧା ଭାରତରୁ ୧୦ ବିଲିଅନ ଡଲାର ଇ-କମର୍ସ
ରପ୍ତାନିକୁ ସଫଳ କରାଇବାକୁ ଆମ ପ୍ରତିବଦ୍ଧତାର ଏହା ଏକ ଅଂଶବିଶେଷ ।”
ଷ୍ଟାର୍ଟଅପ୍ ଆକ୍ସିଲରେଟରର ଅଂଶସ୍ୱରୂପ ଆମାଜନ୍ ଭାରତ ଓ ସମୁଦାୟ ବିଶ୍ୱରୁ ଆମାଜନ୍
ନେତୃବୃନ୍ଦ, ଭିସି ସହଭାଗୀ ଏବଂ ଅନ୍ୟ ଶିଳ୍ପ ନେତୃବୃନ୍ଦଙ୍କୁ ନେଇ ଏକ ମାର୍ଗଦର୍ଶନକାରୀ ବୋର୍ଡ
ଗଠନ କରିଛି, ଯେଉଁମାନେ ଉଦୀୟମାନ ବ୍ରାଣ୍ଡ୍ଗୁଡିକ ସହିତ ନିୟୋଜିତ ରହିବେ ଏବଂ
ସେମାନଙ୍କୁ ନିର୍ଦ୍ଦିଷ୍ଟ ସମ୍ବଳ ଉପଲବ୍ଧ କରାଇବେ । ତାହା ହେଉଛି ୱାନ୍-ଟୁ-ୱାନ୍ ମାର୍ଗଦର୍ଶନ ଏବଂ
ବିଶ୍ୱସ୍ତରୀୟ ଚାହିଦା ଶୈଳୀ ଉପରେ କର୍ମଶାଳା ଏବଂ ଇ-କମର୍ସ ଜରିଆରେ ସଫଳ ରପ୍ତାନି ବ୍ୟବସାୟ
ଗଢିତୋଳିବା ଉପରେ ଅନ୍ତର୍ଦୃଷ୍ଟି ପ୍ରଦାନ ।
ଉଦ୍ଘାଟନି ଅଧିବେଶନର ବିଜେତା ତଥା ସ୍ଲର୍ପ ଫାର୍ମର ସହ ପ୍ରତିଷ୍ଠାତା ମେଘନା ନାରାୟଣ
କହିଛନ୍ତି, “ବିଶ୍ୱ ବଜାରକୁ ସମ୍ପ୍ରସାରିତ ହେବା ଲକ୍ଷ୍ୟରେ ଆମେ କିଛିବର୍ଷ ତଳେ ସ୍ଲର୍ପ ଫାର୍ମ
ଆମାଜନ୍ରେ ଆରମ୍ଭ କରିଥିଲୁ । ସମଗ୍ର ବିଶ୍ୱରେ ମା’ମାନଙ୍କୁ ସେବା ଯୋଗାଇବା ସେମାନଙ୍କୁ
ସେମାନଙ୍କ ପିଲାମାନଙ୍କୁ ପୁଷ୍ଟିକର ଖାଦ୍ୟ ଖୁଆଇବା ଉପରେ ଆମର ଦୃଷ୍ଟିନିବଦ୍ଧ ଥିଲା, ଯାହା ସହଜ
ଏବଂ ଶୀଘ୍ର ପ୍ରସ୍ତୁତ କରାଯାଇପାରିବ । ଗତବର୍ଷ ଆମାଜନ୍ ଗ୍ଲୋବାଲ ସେଲିଂ ପ୍ରପେଲ
ଷ୍ଟାର୍ଟଅପ୍ ଆକ୍ସିଲରେଟ ଆମ ସଫଳତା କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଭୂିକା ଗ୍ରହଣ କରିଥିଲା
ଏବଂ ଆମକୁ ଦୀର୍ଘସ୍ଥାୟୀ ବ୍ୟବସାୟିକ ମଡେଲ ସୃଷ୍ଟି କରିବାରେ ସହାୟତା କରିଥିଲା, ଯାହା ଆମ
ବ୍ରାଣ୍ଡ୍ର ମୂଲ୍ୟଗତ ଦିଗରେ ବୃଦ୍ଧି ସହିତ ସମଗ୍ର ବିଶ୍ୱ ବଜାରରେ ଆମ ବ୍ରାଣ୍ଡ୍ର ଦୃଶ୍ୟମାନତା
ବୃଦ୍ଧିରେ ସହାୟକ ହୋଇଥିଲା । ସଂପ୍ରତି ଆମେ ଆମର ବ୍ୟବସାୟିକ କାର୍ଯ୍ୟକଳାପ ବିଶ୍ୱସ୍ତରରେ
ଆମେରିକା ଏବଂ ବ୍ରିଟେନ ବଜାରକୁ ସମ୍ପ୍ରସାରିତ କରିଛୁ ଏବଂ ବିକ୍ରିରେ ୧୦୦% ଅଭିବୃଦ୍ଧି
ଲକ୍ଷ୍ୟ କରିଛୁ । ଆମେ ଦୃଢ ନିଶ୍ଚିତ ଯେ ସିଜନ ୨ ଅଂଶଗ୍ରହଣକାରୀ ଷ୍ଟାର୍ଟଅପ୍ଗୁଡିକୁ ବିଶ୍ୱ
ବଜାରରେ ସଫଳତା ହାସଲ କରିବା ଦିଗରେ ରୂପାନ୍ତରଣକାରୀ ଭୂମିକା ନିର୍ବାହ କରିବ ।”
