ବ୍ଯାଙ୍କ କର୍ମଚାରୀ ସଂଗଠନର ମହା ଅଧିବେଶନ ଅନୁଷ୍ଠିତ

ଓଡିଶା ରାଜ୍ୟ ବ୍ଯାଙ୍କ କର୍ମଚାରୀଙ୍କ ରାଷ୍ଟ୍ରୀୟ ସଂଘ  (NCBE) ର ସପ୍ତମ ତ୍ରି-ବାର୍ଷିକ ସାଧାରଣ ସଭା , ଅଖିଲ ଭାରତୀୟ କର୍ମଚାରୀ ସଂଘ (AISBISF )ର ୭୫ ତମ ବାର୍ଷିକ ସମ୍ମେଳନ ଓ ଆଠୋଟି ଷ୍ଟେଟ ବ୍ଯାଙ୍କ କର୍ମଚାରୀ ସଂଘ ମାନଙ୍କର ଶତ ବାର୍ଷିକୀ ସମାରୋହ ତା ୨୦ ନଭେମ୍ବର ୨୦୨୨ (ରବିବାର) ଦିନ ଭୁବନେଶ୍ବର କୁରଙ୍ଗ ଶାସନ ସ୍ଥିତ ମୀରା କୋର୍ଟ୍ଯାର୍ଡ-୨ ରେ ଆୟୋଜିତ ହୋଇଯାଇଛି । ଏହି ମହା ସମାରୋହରେ ବ୍ଯାଙ୍କ ସଂଘ ମାନଙ୍କ ମିଳିତ ମଞ୍ଚ (UFBU)ର ଆବାହକ ଶ୍ରୀ ସଂଜୀବ କୁମାର ବନ୍ଦଳିଶ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ଭାରତୀୟ  ଷ୍ଟେଟ ବ୍ଯାଙ୍କ ଭୁବନେଶ୍ବର ମଣ୍ଡଳର ମୁଖ୍ୟ ମହାପ୍ରବନ୍ଧକ ଶ୍ରୀ ଚନ୍ଦର ଶେଖର ଶର୍ମା ଓ ବ୍ଯାଙ୍କ କର୍ମଚାରୀଙ୍କ ରାଷ୍ଟ୍ରୀୟ ସଂଘ ସଭାପତି ଶ୍ରୀ ଏସ ସି  ବାଲାଜି ଏହି କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ ଓ ବର୍ତ୍ତମାନ ପରିସ୍ଥିତିରେ ଭାରତୀୟ ଅର୍ଥନୀତିରେ ବ୍ୟାଙ୍କିଙ୍ଗ ଉଦଯୋଗର ଯୋଗଦାନ , ଭବିଷ୍ୟତରେ ଆସୁଥିବା ବିପଦ ଓ ସମସ୍ତ ସଦସ୍ୟଙ୍କ ସର୍ବାଙ୍ଗୀନ କଲ୍ୟାଣ ସମ୍ପର୍କରେ ବକ୍ତବ୍ୟ ଦେଇଥିଲେ ।

ଏହି କାର୍ଯ୍ୟକ୍ରମରେ ଭାରତର ବିଭିନ୍ନ ରାଜ୍ୟରୁ ଆସିଥିବା ଷ୍ଟେଟ ବ୍ଯାଙ୍କ କର୍ମଚାରୀ  ସଂଘ ମାନଙ୍କ ସଭାପତି ଓ ସମ୍ପାଦକ, ପୂର୍ବତନ ନେତୃବୃନ୍ଦ , ପରିଚାଳନା କର୍ମଚାରୀ , ଷ୍ଟେଟ ବ୍ଯାଙ୍କ ଆଦିବାସୀ ଓ ଜନଜାତି କଲ୍ୟାଣ ସଂଘ ଓ ଷ୍ଟେଟ ବ୍ଯାଙ୍କ ପେନସନର ସଂଘ ଇତ୍ଯାଦିରୁ ପାଖାପାଖି ୨୦୦୦ ସଦସ୍ୟ ଯୋଗ ଦେଇଥିଲେ । ଷ୍ଟେଟ ବ୍ଯାଙ୍କ କର୍ମଚାରୀ ସଂଘ ଭୁବନେଶ୍ବର ମଣ୍ଡଳର ସଭାପତି ଶ୍ରୀ ସ୍ଵାଧୀନ କୁମାର ଦାସ ଓ ସାଧାରଣ ସମ୍ପାଦକ ଶ୍ରୀ ରଘୁନାଥ ପ୍ରସାଦ ଦାସ ସ୍ଵାଗତ ଭାଷଣ ପ୍ରଦାନ କରିଥିଲେ । ପୂର୍ବତନ ନେତୃବୃନ୍ଦଙ୍କୁ ଏହି ସମାରୋହ ଶେଷରେ ସମ୍ବର୍ଦ୍ଧିତ କରାଯାଇଥିଲା । ସଭାଶେଷରେ ଉପ ସାଧାରଣ ସମ୍ପାଦକ ଶ୍ରୀ ଚିତ୍ତରଞ୍ଜନ ପଣ୍ଡା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।