ତୁମକୁ ଦେଖିଲା ପରେ
ପ୍ରିୟଦର୍ଶିନୀ ମହାନ୍ତି
ଶିକ୍ଷୟିତ୍ରୀ
ଖୋର୍ଦ୍ଧା
ତୁମକୁ ଦେଖିଲେ ଫୁଟିଉଠେ ମନେ
ଆଶା ଯେତେ ଅସୁମାରୀ,
ତୁମ ଆଗମାନେ ରାତି ଅନ୍ଧକାର
ଲାଗେ ମତେ ଦିନ ପରି ।
ତୁମ ହୃଦୟର ସ୍ପନ୍ଦନ ଶୁଣିଲେ
କବରରୁ ଯିବି ଉଠି,
ତୁମ ହାତ ଲେଖା ପ୍ରୀତି ସ୍ପର୍ଶ ଭରା
ଖୋଲି ବସି ପଢେ ଚିଠି ।
ତୁମକୁ ଦେଖିଲା ପରେ ଲାଗେ ସତେ
ଆକାଶଟା ମୋର ମୋର,
ତୁମେ ମୋ ଜୀବନେ ପୁନେଇଁ ଜହ୍ନଟେ
ମୁଁ ପରା କଇଁ ତୁମର ।
ତୁମକୁ ଦେଖିଲା ପରେ ଧୀରେ ଧୀରେ
ଶୁଖିଗଲା ଲୁହଧାର,
ତୁମେ ଭରିଦେଲ ମୋ ଉଦାସୀ ଓଠରେ
ହସ ସାରା ମୁଲକରା ।
ତୁମକୁ ଦେଖିବା ପରେ ଇଚ୍ଛା ହେଲା
ବେଶୀ ବେଶୀ ଜିଇବାକୁ,
ପ୍ରେମ ଉପହାର ସ୍୍ୱରୂପରେ ଦେଲ
ତୁମ ସାଥେ ରହିବାକୁ ।
