ଟାଟା ପାୱାର୍ ସ୍କିଲ୍ ଡେଭେଲପ୍ମେଂଟ୍ ଇନଷ୍ଟିଚ୍ୟୁଟ୍ ଯୁବପିଢ଼ିଙ୍କ ଦକ୍ଷତାରୂପାନ୍ତରୀକରଣ କରି ଭାରତର ସବୁଜ ଶକ୍ତି ରୂପାନ୍ତରଣକୁ ସୁଦୃଢ଼ କରିବ
• ଜୁଲାଇ ୧୫ରେ ଯୁବ ଦକ୍ଷତା ଦିବସ ପାଳନ କରିବ, ୫୦୦୦ ଯୁବକଯୁବତୀଙ୍କୁ ସବୁଜ ନିଯୁକ୍ତିରେ ତାଲିମ ପ୍ରଦାନ କରିବାକୁ ଘୋଷଣା
• ସୋଲାର୍ ପିଭି ରୁଫ୍ଟପ୍, ଇଭି ଚାର୍ଜିଂ ଓ ହୋମ୍ ଅଟୋମେସନ୍ ଆଦି ଭବିଷ୍ୟତ ଲାଗି ପ୍ରସ୍ତୁତ ସ୍ୱଚ୍ଛ ଶକ୍ତି ପ୍ରଯୁକ୍ତି ଉପରେ ପାଠ୍ୟକ୍ରମ ଏହାର ମୁମ୍ବାଇ, କଚ୍ଛ୍, ଧାନବାଦ୍ ଓ ଜାମସେଦ୍ପୁର କେନ୍ଦ୍ରରେ ପ୍ରଦାନ କରୁଛି
ଭୁବନେଶ୍ୱର: ଶକ୍ତି କ୍ଷେତ୍ରର ଏକ ଷ୍ଟେଟ୍ ଅଫ୍ ଦି ଆର୍ଟ ଦକ୍ଷତା ଉନ୍ନତୀକରଣ ପ୍ରତିଷ୍ଠାନ ଟାଟା ପାୱାର୍ ସ୍କିଲ୍ ଡେଭେଲପ୍ମେଂଟ୍ ଇନଷ୍ଟିଚ୍ୟୁଟ୍ (ଟିପିଏସ୍ଡିଆଇ) ଏହାର ତାଲିମ ଅଭିଯାନକୁ ସବୁଜ ଶକ୍ତି ନିଯୁକ୍ତି ପାଇଁ ଯୁବପିଢ଼ିଙ୍କୁ ଦକ୍ଷତା ପ୍ରଦାନ କରିବା ପର୍ଯ୍ୟନ୍ତ ସମ୍ପ୍ରସାରିତ କରିଛି । ବିଶ୍ୱ ଯୁବ ଦକ୍ଷତା ଦିବସ ପାଳନ ପରିପ୍ରେକ୍ଷିରେ ଟିପିଏସ୍ଡିଆଇ
ପକ୍ଷରୁ ସାରା ଭାରତରେ ମୁମ୍ବାଇର ସାହାଦ୍, ଟ୍ରମ୍ବେ ଓ ବିଦ୍ୟାବିହାର, ଧାନବାଦ୍ର ମୈଥୋନ୍, କଚ୍ଛର ମୁନ୍ଦ୍ରା ଓ ଜାମସେଦ୍ପୁରର ଜୋଜୋବେରା ଠାରେ ଥିବା ଛଅ ତାଲିମ କେନ୍ଦ୍ରରେ ସ୍ମାର୍ଟ ଓ ପ୍ରଭାବୀ ଶକ୍ତି ସମ୍ପର୍କିତ ବିଶେଷତାର ପ୍ରସାର କରିବା ଲାଗି ଇଲେକ୍ଟ୍ରିକ୍ ଯାନ ଚାର୍ଜିଂ ପାଇଁ ସୋଲାର୍ ଫଟୋଭୋଲ୍ଟାଇକ୍, ରୁଫ୍ଟପ୍ ସୋଲାର ଫଟୋଭୋଲ୍ଟାଇକ୍ ସ୍ଥାପନ ଓ ରକ୍ଷଣାବେକ୍ଷଣ, ସ୍ମାର୍ଟମିଟର ସ୍ଥାପନ ଓ ହୋମ୍ ଅଟୋମେସନ୍ ଉପରେ ଦକ୍ଷତା ବିକାଶ ପାଠ୍ୟକ୍ରମର ଶୁଭାରମ୍ଭ କରାଯାଇଛି । ଇନଷ୍ଟିଚ୍ୟୁଟ୍ ପକ୍ଷରୁ ୨୦୨୨-୨୩ ଆର୍ଥିକ ବର୍ଷରେ ସବୁଜ ଶକ୍ତି ନିଯୁକ୍ତି ଉପରେ ପ୍ରାୟ ୩,୦୦୦ଯୁବକଯୁବତୀଙ୍କୁ ପ୍ରଶିକ୍ଷଣ ଦେବା ଓ ୨୦୨୫ ସୁଦ୍ଧା ତାହାକୁ ପ୍ରାୟ ୫,୦୦୦ ପର୍ଯ୍ୟନ୍ତ ବଢ଼ାଇବା ଲାଗି ଯୋଜନା ରହିଛି ।
ଟିପିଏସ୍ଡିଆଇ ପକ୍ଷରୁ ବର୍ତମାନ ସୁଦ୍ଧା ଉଭୟ ପାରମ୍ପରିକ ଓ ଅକ୍ଷୟ ଶକ୍ତି ପ୍ରଯୁକ୍ତିରେ ଏହାର ସମସ୍ତ ପାଠ୍ୟକ୍ରମରେ ୧.୪ ଲକ୍ଷ ଲୋକଙ୍କୁ ପ୍ରଶିକ୍ଷଣ ପ୍ରଦାନ କରାଯାଇଛି । ଗତ ଆର୍ଥିକ ବର୍ଷରେ ଇନଷ୍ଟିଚ୍ୟୁଟ୍ ପକ୍ଷରୁ ୪୫୦୦୦ରୁ ଅଧିକଙ୍କୁ ପ୍ରଶିକ୍ଷଣ ଦିଆଯାଇଥିଲା ଯେଉଁଥିରୁ ପ୍ରାୟ ୨,୫୦୦ ସବୁଜ ନିଯୁକ୍ତି ସମ୍ପର୍କିତ ଦକ୍ଷତାରେ ସାର୍ଟିଫାଏ ହୋଇଥିଲେ ।
କାଉନ୍ସିଲ୍ ଅନ୍ ଏନର୍ଜି, ଏନଭାର୍ଣ୍ଣମେଂଟ୍ ଆଣ୍ଡ୍ ୱାଟର (ସିଇଇଡବ୍ଲୁ), ନାଚୁରାଲ୍ ରିସୋର୍ସେସ୍ ଡିଫେନ୍ସ କାଉନ୍ସିଲ୍ ଓ ସ୍କିଲ୍ କାଉନ୍ସିଲ୍ ଫର୍ ଗ୍ରିନ୍ ଜବ୍ସ ପକ୍ଷରୁ ନିକଟରେ କରାଯାଇଥିବା ଏକ ଅଧ୍ୟୟନରୁ ଜଣାପଡ଼ିଛି ଯେ ୨୦୩୦ ସୁଦ୍ଧା ୧୦ ଲକ୍ଷ ନିଯୁକ୍ତି ସୃଷ୍ଟି କରିବାର କ୍ଷମତା ଏହି କ୍ଷେତ୍ର ପାଖରେ ରହିଛି । ତାହା ହେଉଛି ବର୍ତମାନ ସବୁଜ ଶକ୍ତି କ୍ଷେତ୍ରରେ ନିୟୋଜିତ ହୋଇଥିବା ଶ୍ରମ ଶକ୍ତିର ଦଶ ଗୁଣା । ଏଥିରେ କୁହାଯାଇଛି ଯେ ୟୁଟିଲିଟି କିମ୍ବା ବୃହତ ପ୍ରକଳ୍ପ ତୁଳନାରେ ଅଧିକାଂଶ ନୂଆ ନିଯୁକ୍ତି କ୍ଷୁଦ୍ର ଆକାରର ଅକ୍ଷୟ ଶକ୍ତି ପ୍ରକଳ୍ପରେ ସୃଷ୍ଟି ହେବ । ଟିପିଏସ୍ଡିଆଇର ନୂଆ
ପାଠ୍ୟକ୍ରମ ପ୍ରଶିକ୍ଷାର୍ଥୀମାନଙ୍କୁ ଆବଶ୍ୟକ କୌଣସି ଦକ୍ଷତା ପ୍ରଦାନ କରିବ ଯଦ୍ୱାରା ସବୁଜ ନିଯୁକ୍ତିରେ ଆଶା କରାଯାଉଥିବା ବୃଦ୍ଧିର ସେମାନେ ଲାଭ ପାଇପାରିବେ । ଏହି ନୂଆ ସବୁଜ ଶକ୍ତି ଦକ୍ଷତା ପାଠ୍ୟକ୍ରମରେ ପ୍ରତ୍ୟକ୍ଷ ତାଲିମ ଉପରେ ଗୁରୁତ୍ୱ ଦିଆଯିବ ଏବଂ ସୁରକ୍ଷିତ କର୍ମ ପ୍ରଥା ପ୍ରତି ବିଶେଷ ଧ୍ୟାନ ଦିଆଯିବ ଏବଂ ନ୍ୟାସନାଲ୍ ସ୍କିଲ କ୍ୱାଲିଫିକେସନ୍ ଫ୍ରେମ୍ୱର୍କ (ଏନ୍ଏସ୍କ୍ୟୁଏଫ୍) ଆଧାରରେ ଏହା ପ୍ରସ୍ତୁତ ହୋଇଛି ।
“ଏହାର ସ୍ୱଚ୍ଛ ଶକ୍ତି ଲକ୍ଷ୍ୟକୁ ହାସଲ କରିବା ଏବଂ ୨୦୩୦ ସୁଦ୍ଧା ୫୦୦ ଗିଗାୱାଟ୍ର ଅକ୍ଷୟ ଶକ୍ତି ପୋର୍ଟଫୋଲିଓ ସୃଷ୍ଟି ଲକ୍ଷ୍ୟ ହାସଲ କରିବା ଦିଗରେ ଭାରତ ଉଲ୍ଲେଖନୀୟ ପଦକ୍ଷେପ ଗ୍ରହଣ କରିଛି । ଭାରତୀୟ ଶକ୍ତି ଶିଳ୍ପ ସବୁଜ ରୂପାନ୍ତରଣ ଦେଇ ଗତି କରିବାକୁ ଯାଉଛି ଏବଂ ସ୍ୱଚ୍ଛ ଶକ୍ତି ଓ ପ୍ରଯୁକ୍ତି କ୍ଷେତ୍ରର ଏକ ଅଗ୍ରଦୂତ ଭାବେ ଟାଟା ପାୱାର୍
ଏହି ପରିବର୍ତନ ଧାରାକୁ ଟିପିଏସ୍ଡିଆଇ ଜରିଆରେ ଆଗକୁ ବଢ଼ାଇ ଏକ ବ୍ୟବସ୍ଥା ପ୍ରଦାନ କରିବ ଯେଉଁଥିରେ ସାମିଲ ରହିଛି ଯୁବ ପିଢ଼ିଙ୍କ ପାଇଁ ରୁଫ୍ଟପ୍ ସୋଲାର୍, ଇଭି ଚାର୍ଜିଂ, ହୋମ୍ ଅଟୋମେସନ୍, ବ୍ୟାଟେରି ଷ୍ଟୋରେଜ୍ ଓ ସ୍ମାର୍ଟ ମିଟରିଂ ଭଳି ସବୁଜ ଓ ସ୍ମାର୍ଟ ଶକ୍ତି ପ୍ରଯୁକ୍ତି ଉପରେ ନିର୍ଦିଷ୍ଟ ପ୍ରକାରର ତାଲିମ ବୋଲି ଟାଟା ପାୱାର୍ର ପ୍ରବକ୍ତା
କହିଛନ୍ତି ।
ଆଗାମୀ ଦିନରେ ଇନଷ୍ଟିଚ୍ୟୁଟ୍ ପକ୍ଷରୁ ଆର୍ଟିଫିସିଆଲ୍ ଇଟେଂଲିଜ୍ସେ, ମେସିନ୍ ଲର୍ଣ୍ଣିଂ ଓ ଏନର୍ଜି କନ୍ସଲ୍ଟିଂ ଉପରେ
ପାଠ୍ୟକ୍ରମ ଶୁଭାରମ୍ଭ କରିବାର ମଧ୍ୟ ଯୋଜନା ରହିଛି ।
