ଏକ ଉତମ ଭବିଷ୍ୟତ ପାଇଁ ୱି ଆଣିଛି ୫ଜି
ଭୁବନେଶ୍ୱର: ନୂଆଦିଲ୍ଲୀର ପ୍ରଗତି ମୈଦାନରେ ଅନୁଷ୍ଠିତ ଇଣ୍ଡିଆ ମୋବାଇଲ୍ କଂଗ୍ରେସର ମେଗା ଶିଳ୍ପ କାର୍ଯ୍ୟକ୍ରମରେ ଅଗ୍ରଣୀ ଟେଲିକମ୍ ଅପରେଟର ୱି ଏହାର ବ୍ୟବହାରକାରୀମାନଙ୍କୁ ଲାଇଭ୍ ୫ଜି ଅନୁଭୂତି ପ୍ରଦାନ କରିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୫ଜିର ଶୁଭାରମ୍ଭ କରିବା ପରେ ୱି ଏହାର ଦିଲ୍ଲୀର ସମସ୍ତ ଗ୍ରାହକଙ୍କୁ ପରବର୍ତୀ ପିଢ଼ିର ୫ଜି ଅନୁଭୂତି ନେବା ଲାଗି ଆମନ୍ତ୍ରଣ କରିଛି ।
ଗ୍ରାହକ ଓ ବ୍ୟବସାୟୀମାନଙ୍କ ଲାଗି ବିଭିନ୍ନ ସଂସ୍ଥାର ସହଯୋଗରେ ୱି ପକ୍ଷରୁ ଭାରତ ଉପଯୋଗୀ ବିଭିନ୍ନ ପ୍ରୟୋଗ ପାଇଁ ବ୍ୟବସ୍ଥା ବିକାଶ କରାଯାଇଛି । କ୍ଲାଉଡ୍ ଗେମିଂ, ଭିଆର୍, ୫ଜି ରନ୍ ଭଳି ବିଭିନ୍ନ ପ୍ରକାର ୫ଜି ଅନୁଭୂତି ହାସଲ କରିବା ଲାଗି କଂପାନି ଏହାର ବ୍ୟବହାରକାରୀମାନଙ୍କୁ ସୁଯୋଗ ପ୍ରଦାନ କରିଛି । ସ୍ୱାସ୍ଥ୍ୟ, ସୁରକ୍ଷା ଓ ନିରାପତା ଆଦି ପାଇଁ ୫ଜି ପ୍ରୟୋଗକୁ ମଧ୍ୟ ପ୍ରଦର୍ଶିତ କରାଯାଇଛି ।
ଭୋଡାଫୋନ୍ ଆଇଡିଆ ଲିମିଟେଡ୍ର ସିଇଓ ଅକ୍ଷୟ ମୋନ୍ଦ୍ରା କହିଛନ୍ତି ଯେ, “୫ଜି ପ୍ରଯୁକ୍ତିର ପରବର୍ତୀ ଅଭିବୃଦ୍ଧି ଯାତ୍ରା ପାଇଁ ୱି ପ୍ରସ୍ତୁତ ରହିଛି ଯେଉଁଠାରେ ଅସୀମିତ ଡିଜିଟାଲ୍ ସମାଧାନ ସହିତ କନେକ୍ଟେଡ୍ ଦୁନିଆ ଶୀଘ୍ର ଏକ ନୂଆ ନିୟମରେ ପରିଣତ ହେବ । ୱିର ୫ଜି ପ୍ରଯୁକ୍ତି ସମାଧାନ ବିଭିନ୍ନ କ୍ଷେତ୍ରରେ ଅସୀମିତ ସମ୍ଭାବନାର ଏକ ନୂଆ ଦୁନିଆକୁ ପ୍ରଦର୍ଶିତ କରୁଛି ଯାହା ଭାରତରେ ପ୍ରଯୁକ୍ତି ଉନ୍ନତିର ଏକ ନୂଆ ଯୁଗର ପ୍ରତିଶ୍ରୁତି ପ୍ରଦାନ କରିବ । ଆସନ୍ତା କିଛି ବର୍ଷରେ ୱି ୫ଜି ନେଟ୍ୱର୍କ ଓ ସେବାର ପ୍ରଗତିଶୀଳ ଶୁଭାରମ୍ଭକୁ ନେଇ ମୋର ବିଶ୍ୱାସ ରହିଛି ଯେ ଆମର ୫ଜି ସମାଧାନ ଏକ ଉନ୍ନତ ଭବିଷ୍ୟତ ପ୍ରଦାନ କରିବ ଯାହା ଗ୍ରାହକ ଅନୁଭୂତି, ବ୍ୟବସାୟ ପ୍ରଦର୍ଶନ ରେ ଉନ୍ନତି ଓ ଲୋକଙ୍କ ଉପରେ ସକାରାତ୍ମକ ପ୍ରଭାବରେ ଆଣିବ ଯାହା ଭାରତରେ ଡିଜିଟାଲ୍ ଅର୍ଥନୈତିକ ଅଭିବୃଦ୍ଧିକୁ ଆଗକୁ ବଢ଼ାଇବ ।’’
ସଂସ୍ଥାଗୁଡ଼ିକ ପାଇଁ ନିଜ ସେବାକୁ ସୁଦୃଢ଼ କରିବା ସହ ବ୍ୟବସାୟ ଅଭିବୃଦ୍ଧି ନିମନ୍ତେ ନୂଆ ସୁଯୋଗ ପ୍ରଦାନ କରିବା ଲାଗି ୫ଜି ଯୁଗରେ ୱି ପକ୍ଷରୁ କନେକ୍ଟେଡ୍ ହେଲ୍ଥକେୟାରକୁ ଉନ୍ମୋଚନ କରାଯାଇଛି ଯାହା ସ୍ୱାସ୍ଥ୍ୟ ସେବାରେ ବୈପ୍ଳବିକ ପରିବର୍ତନ ଆଣିବ । ସେହିପରି ଏଲ୍ଆଣ୍ଡ୍ଟି ସ୍ମାର୍ଟ ୱାର୍ଲଡ୍ ସହଯୋଗରେ ୱାର୍କର ସେଫ୍ଟିକୁ ଉନ୍ମୋଚନ କରାଯାଇଛି ଯାହା ନିର୍ମାଣ କ୍ଷେତ୍ରରେ କାର୍ଯ୍ୟ କରିବ । ଏହାକୁ ଆଥୋନେଟ୍ ଓ ଟିସିଟିଏସ୍ ଭଳି ସଂସ୍ଥା ସହଯୋଗରେ ପ୍ରସ୍ତୁତ କରାଯାଇଛି । ଏଲ୍ଆଣ୍ଡ୍ଟି ସ୍ମାର୍ଟ ୱାର୍ଲଡ୍ ଓ ନୋକିଆ ସହଯୋଗରେ ପ୍ରାଇଭେଟ୍ ନେଟ୍ୱର୍କ ସମାଧାନ ପ୍ରସ୍ତୁତ କରାଯାଇଛି ।
ଆଇଓଟି ସ୍ୱୟଂଚାଳିକ ଯାନ, ସ୍ମାର୍ଟ ଏଗ୍ରି ଏବଂ ଗୁରୁଶାଳା ଆଦିକୁ ମଧ୍ୟ ଉନ୍ମୋଚନ କରାଯାଇଛି । ଏହା ବ୍ୟତୀତ ମୋବାଇଲ୍ ୫ଜି କ୍ଲାଉଡ୍ ଗେମିଂ, ୱି ଆମାଜିଂ ହଂଟ୍ ଏବଂ ୱି ସ୍ପିଡ୍ ରନ୍କୁ ମଧ୍ୟ ଉନ୍ମୋଚନ କରାଯାଇଛି । ଇଣ୍ଡିଆ ମୋବାଇଲ୍ କଂଗ୍ରେସରେ ହଲ୍ ନମ୍ବର ୪ ଓ ୪.୧୫ରେ ୱି ବୁଥ୍କୁ ପରିଦର୍ଶନ କରହେବ ।
