ଆଇସିଆଇସିଆଇ ବ୍ୟାଙ୍କ ପକ୍ଷରୁ “ଇନଷ୍ଟାବିଜ୍’କୁ ଇଟଂରଅପରେବଲ୍ କରାଯାଇଛି,
ବ୍ୟବସାୟୀମାନେ ତୁରନ୍ତ ଡିଜିଟାଲ୍ ସଂଗ୍ରହ ସମାଧାନ ପାଇପାରିବେ
ଭୁବନେଶ୍ୱର: ଆଇସିଆଇସିଆଇ ବ୍ୟାଙ୍କ ପକ୍ଷରୁ ଆଜି ଘୋଷଣା କରାଯାଇଛି ଯେ ଏହା ନିଜର ବ୍ୟବସାୟ ବ୍ୟାଙ୍କିଙ୍ଗ ମୋବାଇଲ୍ ଆପ୍ ଇନଷ୍ଟାବିଜ୍ର ଇଟଂରଅପରେବଲ୍ ସୁବିଧା ଆରମ୍ଭ କରାଯାଇଛି ଯଦ୍ୱାରା ଅନ୍ୟ ବ୍ୟାଙ୍କର ଗ୍ରାହକମାନେ ମଧ୍ୟ ଏହାକୁ ବ୍ୟବହାର କରିପାରିବେ । ଏହା ଜରିଆରେ ଗ୍ରୋସରି ଦୋକାନା, ସୁପରମାର୍କେଟ, ରେସ୍ତୋରାଁ, ଷ୍ଟେସନାରି ଦୋକାନ ଓ ଫାର୍ମାସି ଭଳି ବ୍ୟବସାୟୀମାନେ ଏବଂ ଡାକ୍ତର ଓ ଆଇନଜୀବୀ ଭଳି ପେସାଦାରମାନେ ଏହି ପ୍ରଥମ ଧରଣର ସୁବିଧା ଜରିଆରେ ୟୁପିଆଇ ଆଇଡି ଓ କ୍ୟୁଆର୍ କୋଡ୍ ଭଳି ଡିଜିଟାଲ୍ ସମାଧାନ ସୃଷ୍ଟି କରିପାରିବେ ଏବଂ ଗ୍ରାହକଙ୍କ ଠାରୁ ପେମେଂଟ୍ ପାଇପାରିବେ । ସେମାନେ ଡିଜିଟାଲ୍ ମାଧ୍ୟମରେ ପଏଂଟ୍ ଅଫ୍ ସେଲ୍ ମେସିନ୍ (ପିଓଏସ୍)ର ବରାଦ ଦେଇପାରିବେ । ପୁନଶ୍ଚ, ସେମାନେ ନିଜ ଷ୍ଟୋର୍କୁ ମାତ୍ର ୩୦ ମିନିଟ୍ରେ ଅନଲାଇନ୍ ଷ୍ଟୋର୍ରେ ରୂପାନ୍ତରିତ କରିପାରିବେ ଏବଂ ଏକ ଭଏସ୍ ମେସେଜ୍ ଡିଭାଇସ୍ ପାଇଁ ଆବେଦନ କରିପାରିବେ ଯାହା ପେମେଂଟ୍ ଆସିିଥିବାକୁ ସ୍ପଷ୍ଟ କରିବ ।
ଆଇସିଆଇସିଆଇ ବ୍ୟାଙ୍କରେ ସଂଚୟ କିମ୍ବା ଚଳନ୍ତୀ ଖାତା ନଥିଲେ ମଧ୍ୟ ଗ୍ରାହକମାନେ ପ୍ଲେ ଷ୍ଟୋର୍ରୁ ଇନଷ୍ଟାବିଜ୍ ଆପ୍କୁ ଡାଉନ୍ଲୋଡ୍ କରି ସେଥିରେ ନିଜ ବ୍ୟାଙ୍କ ଖାତାକୁ ଲିଙ୍କ୍ କରିପାରିବେ । ଏହି ବ୍ୟବସ୍ଥା ସମ୍ପୂର୍ଣ୍ଣ ଅନଲାଇନ୍ରେ ହେବ ଏବଂ ତୁରନ୍ତ ନୋ ୟୋର କଷ୍ଟମର (କେୱାଇସି) ପ୍ରକ୍ରିୟା ସମ୍ପାଦିତ ହେବ । ଗ୍ରାହକଙ୍କୁ ବ୍ୟାଙ୍କ ଶାଖା ପରିଦର୍ଶନ କରିବାକୁ କିମ୍ବା କୌଣସି କାଗଜପତ୍ର ଅପ୍ଲୋଡ୍ କରିବାକୁ ପଡ଼ିବନି ।
ଏ ସମ୍ପର୍କରେ ଶ୍ରୀଯୁକ୍ତ ଅନୁପ ବାଗ୍ଚୀ, କାର୍ଯ୍ୟନିର୍ବାହୀ ନିର୍ଦେଶକ, ଆଇସିଆଇସିଆଇ ବ୍ୟାଙ୍କ କହିଛନ୍ତି ଯେ, “ଆଇସିଆଇସିଆଇ ବ୍ୟାଙ୍କରେ ଆମର ବିଶ୍ୱାସ ରହିଛି ଯେ ସ୍ୱାବଲମ୍ବୀ ଓ ଏମ୍ଏସଏମ୍ଇ କ୍ଷେତ୍ର ହେଉଛି ଭାରତୀୟ ଅର୍ଥନୀତିର ମେରୁଦଣ୍ଡ । ଏହି କ୍ଷେତ୍ରର ଏକ ବଡ଼ ଭାଗ ହେଉଛି ରିଟେଲ୍ ବ୍ୟବସାୟୀ । ସାରା ଦେଶରେ ଥିବା ପ୍ରାୟ ଦୁଇ କୋଟି ବ୍ୟବସାୟୀଙ୍କୁ ସହାୟତା ପ୍ରଦାନ କରିବା ଲାଗି ଆମ ଉଦ୍ୟମ ସ୍ୱରୂପ ଆମେ ସେମାନଙ୍କୁ ଏଭଳି ସମାଧାନ ପ୍ରଦାନ କରୁଛୁ ଯାହା ସେମାନଙ୍କ ବ୍ୟବସାୟ କରିବାକୁ ସହଜ କରିଛି । ସେହି ଲକ୍ଷ୍ୟ ନେଇ ଆମେ ଅଢ଼େଇ ବର୍ଷ ପୂର୍ବେ ବ୍ୟବସାୟୀମାନଙ୍କ ପାଇଁ ଏକ ମୋବାଇଲ୍ ବ୍ୟାଙ୍କିଙ୍ଗ୍ ଆପ୍ ଇନଷ୍ଟାବିଜ୍କୁ ପ୍ରଥମ ଥର ପାଇଁ ଆରମ୍ଭ କରିଥିଲୁ ।
ଆମର ବିଶ୍ୱାସ ରହିଛି ଯେ ଆମ ଉତ୍ପାଦ ଓ ସେବାର ଲାଭ କେବଳ ଆମ ଗ୍ରାହକଙ୍କ ମଧ୍ୟରେ ସୀମିତ ନରହୁ, ଅନ୍ୟ ବ୍ୟାଙ୍କର ଗ୍ରାହକମାନେ ମଧ୍ୟ ଏହାକୁ ହାସଲ କରନ୍ତୁ । ସେହି ଭାବନାକୁ ନେଇ ଆମର ପର୍ସନାଲ୍ ବ୍ୟାଙ୍କିଙ୍ଗ୍ ମୋବାଇଲ୍ ଆପ୍ ଆଇମୋବାଇଲ୍ପେକୁ ଗତବର୍ଷ ସବୁ ପ୍ରକାର ଗ୍ରାହକଙ୍କ ପାଇଁ ଉନ୍ମୁକ୍ତ କରିଥିଲୁ । ତାହା ଥିଲା ଶିଳ୍ପର ପ୍ରଥମ ଧରଣର ଅଭିଯାନ । ସେହିପରି, ଆମେ ଏବେ ସବୁ ପ୍ରକାର ମର୍ଚାଂଟ୍ମାନଙ୍କ ଲାଗି ଇନଷ୍ଟାବିଜ୍କୁ ସମ୍ପ୍ରସାରିତ କରିଛୁ । ଏହା ମଧ୍ୟ ଶିଳ୍ପର ପ୍ରଥମ ଧରଣର ଅଭିଯାନ । ଆମର ବିଶ୍ୱାସ ରହିଛି ଯେ ଏହି ନୂଆ ଏବଂ ସ୍ୱତନ୍ତ୍ର ଡିଜିଟାଲ୍ ସେବା ସାରା ଦେଶର ବ୍ୟବସାୟୀଙ୍କୁ ସୁହାଇବ ଏବଂ ସେମାନେ ନିଜର ମୁଖ୍ୟ ବ୍ୟବସାୟକୁ ବଢ଼ାଇପାରିବେ ।’’
