ବେଦାନ୍ତ ଲାଞ୍ଜିଗଡ଼ ଦ୍ୱାରା ସମର୍ଥିତ ଯୁବ ତୀରନ୍ଦାଜମାନେ ସିବିଏସଇ ତୀରନ୍ଦାଜ ଚାମ୍ପିୟନଶିପ ୨୦୨୪ରେ ବିଜୟଲାଭ
ଲାଞ୍ଜିଗଡ଼, କଳାହାଣ୍ଡି, ପ୍ରବାହ ନ୍ୟୁଜ୍ : ବେଦାନ୍ତ ଆଲୁମିନିୟମ ଲିମିଟେଡ, ଲାଞ୍ଜିଗଡ଼, ଭାରତର ଅଗ୍ରଣୀ ମେଟାରଲଜିକାଲ ଗ୍ରେଡର ଆଲୁମିନିୟମ ନିର୍ମାତା କଳାହାଣ୍ଡିର ଦୁଇ ଯୁବ ତୀରନ୍ଦାଜ କ୍ଷିରୋଦ କୁମାର ଓ ଓମକାର ମାଝୀ ଜୋନାଲ ସ୍ତରୀୟ ପ୍ରତିଯୋଗିତାରେ ସ୍ୱର୍ଣ୍ଣ ଓ ରୋପ୍ୟ ମେଡାଲ ଜିତିଛନ୍ତି । ରାୟପୁରରେ ଅନୁଷ୍ଠିତ ସିବିଏସଇ ତୀରନ୍ଦାଜ ଚାମ୍ପିୟନଶିପ ୨୦୨୪ରେ ପୂର୍ବ ଜୋନାଲ ସ୍ତରୀୟ ପ୍ରତିଯୋଗିତାରେ ୨୦୦ରୁ ଅଧିକ ବ୍ୟତିକ୍ରମ ପ୍ରଦର୍ଶନ କରିଥିଲେ ।
କ୍ଷିରୋଦ କୁମାର ଓ ଓମକାର ମାଝୀ ଗତ ତିନିବର୍ଷ ଧରି ବେଦାନ୍ତ କ୍ରୀଡ଼ା ଉଦ୍ୟମ ଅଧିନରେ ତାଲିମ ନେଉଛନ୍ତି । ଏହି ପଦକ୍ଷେପଟି ଏକ ସାମଗ୍ରିକ କ୍ରୀଡ଼ା ଇକୋସିଷ୍ଟମ ସୃଷ୍ଟି କରି ଗ୍ରାମୀଣ ଗୋଷ୍ଠୀର ଯୁବ ପ୍ରତିଭାଧାରୀଙ୍କୁ ପ୍ରତିପୋଷଣ କରିବା ଲାଗି ଲକ୍ଷ୍ୟ ରଖିଛି ଯେଉଁଥିରେ ବ୍ୟ।।ପକ ପ୍ରଶିକ୍ଷଣ ସୁଯୋଗ, ଦଳ ୟୁନିଫର୍ମ ଓ ବିଭିନ୍ନ ପ୍ରତିଯୋଗିତା ପାଇଁ ସେମାନଙ୍କୁ ଉତ୍ସାହିତ କରାଯାଉଛି ।୨୦୧୮ରେ ଆରମ୍ଭ ହେବା ପରଠାରୁ ବେଦାନ୍ତ ୧୦୦ରୁ ଅଧିକ ତୀରନ୍ଦାଜଙ୍କୁ ପ୍ରଶିକ୍ଷଣ ପ୍ରଦାନ କରିଛି ସେଥିମଧ୍ୟରୁ ୫୦% ବାଳିକା ଅଟନ୍ତି । ସେମାନଙ୍କ ମଧ୍ୟରେ ୪୦ରୁ ଅଧିକ ପଦକ ଜିତିଛନ୍ତି ଓ ୨୦ରୁ ଅଧିକ ଆଥଲେଟ ଜାତୀୟ ସ୍ତରରେ ଚାମ୍ପିୟନଶିପରେ ପ୍ରତିନିଧିତ୍ୱ କରି ପଦକ ପାଇଛନ୍ତି ।
କ୍ରୀଡ଼ାବିତଙ୍କୁ ପ୍ରତିପୋଷଣ କରିବା ଲାଗି କମ୍ପାନିର ଉତ୍ସର୍ଗକୁ ନିଶ୍ଚିତ କରି ଶ୍ରୀ ପ୍ରଣବ କୁମାର ଭଟାଚାର୍ଯ୍ୟ, ସିଇଓ-ଆଲୁମିନା ବିଜିନେସ, ବେଦାନ୍ତ ଲମିଟେଡ କହିଚନ୍ତି ଯେ ଆମର ଯୁବ କ୍ରୀଡ଼ାବିତଙ୍କ ଉଲ୍ଲେଖନୀୟ ସଫଳତାର ସାକ୍ଷୀ ହେବା ଆମ ପାଇଁ ଅତ୍ୟନ୍ତ ଗୌରବ ବିଷୟ । କ୍ରୀଡ଼ା ଜଗତରେ ଏକ ପଦଚିହ୍ନ ସୃଷ୍ଟି କରିବାକୁ ଅର୍ଥନୈତିକ ପରିସ୍ଥିତି ସହ ସାମାଜିକ- ସଂସ୍କୃତିକ ଏ÷ତିହ୍ୟ ପାଇଁ ଜଣାଶୁଣା କଳାହାଣ୍ଡି ମଧ୍ୟ ଅତୁଳନୀୟ ଭୂମିକା ନିର୍ବାହ କରୁଛି । ଗ୍ରାମୀଣ ଯୁବକମାନଙ୍କ ବିକାଶ ଲାଗି କମ୍ପାନି ପକ୍ଷରୁ ବିଭିନ୍ନ ସୁବିଧା ପ୍ରଦାନ କରାଯାଉଛି । ଆମେ ବିଶ୍ୱସ୍ତରୀୟ ଆଥଲେଟ ସୃଷ୍ଟି କରିବାର ଏକ ବୃହତ ଦୃଷ୍ଟିକୋଣ ପାଇଁ ସହଯୋଗ କରୁଛୁ, ଯେଉଁମାନେ ଆଗାମୀ ଦିନରେ ଭାରତ ପାଇଁ ପ୍ରତିନିଧିତ୍ୱ କରିପାରିବେ ।
ବେଦାନ୍ତ ଆଲୁମିନିୟମ ଯୁବ ପ୍ରତିଭା ଅନ୍ୱେଷଣ ଓ ପ୍ରତିପୋଷଣ କରିବାକୁ ପ୍ରତିଶ୍ରୁତିବଦ୍ଧ । ବେଦାନ୍ତ କ୍ରୀଡ଼ା ପଦକ୍ଷେପ ମାଧ୍ୟମରେ ତୀରନ୍ଦାଜ, ହକି ଓ ଫୁଟବଲ ଭଳି କ୍ରୀଡ଼ାରେ ୫୦୦ରୁ ଅଧିକ ଯୁବକଙ୍କୁ ତାଲିମ ଦେଇଛି । ଏହା ସହ ବେଦାନ୍ତ ବିଭିନ୍ନ ସାମାଜିକ ପ୍ରଭାବରେ ୫୦୦ରୁ ଅଧିକ ଗାଁରେ ସକାରାତ୍ମକ ପ୍ରଭାବ ବିସ୍ତାର କରିଛି ଯାହା ଦ୍ୱାରା ୪.୫ ଲକ୍ଷ ଲୋକ ଉପକୃତ ହୋଇପାରିଛନ୍ତି । ଏହି ପ୍ରଭାବ ଗୁଡ଼ିକ ଶିକ୍ଷା, ଭିତିଭୂମି, ସ୍ୱାସ୍ଥ୍ୟ, କ୍ରୀଡ଼ା ଓ ସାଂସ୍କୃତିକ ବିକାଶକୁ ବିସ୍ତାର କରିଥାଏ । ଆମର ଫ୍ଲାଗସିପ କାର୍ଯ୍ୟକ୍ରମ ନନ୍ଦଘର ପ୍ରକଳ୍ପ ପ୍ରାୟ ୫୩୧ ଅଧୁନିକ ଅଙ୍ଗନବାଡ଼ି ପ୍ରତିଷ୍ଠା କରିଛି ଯାହା ମହିଳା ଓ ଶିଶୁ ବିକାଶ ପାଇଁ ଉତ୍ସର୍ଗୀକୃତ ।
