ବେଦାନ୍ତର ଅଧ୍ୟକ୍ଷ ଅନିଲ ଅଗ୍ରୱାଲ ବିଶ୍ୱ ବାଣିଜ୍ୟ ଯୁଦ୍ଧ ମଧ୍ୟରେ ଆଲୁମିନିୟମର ରଣନୈତିକ ଗୁରୁତ୍ୱ ଉପରେ ଆଲୋକପାତ

ଭୁବନେଶ୍ୱର, ପ୍ରବାହ ନ୍ୟୁଜ୍ : ବେଦାନ୍ତର ଅଧ୍ୟକ୍ଷ ଅନିଲ ଅଗ୍ରୱାଲ ଚଳିତ ବିଶ୍ୱ ବାଣିଜ୍ୟ ଯୁଦ୍ଧରେ ଆଲୁମିନିୟମ ଏବଂ ଇସ୍ପାତର ରଣନୈତିକ ଭୂମିକା ପ୍ରତି ଦୃଷ୍ଟି ଆକର୍ଷଣ କରିଛନ୍ତି, ଭାରତକୁ ବିଶ୍ୱର ଆଲୁମିନିୟମ ହବ୍ ଭାବରେ ପ୍ରତିଷ୍ଠା କରିବାର ସୁଯୋଗକୁ ଗୁରୁତ୍ୱ ଦେଇଛନ୍ତି। ତାଙ୍କ ଲିଙ୍କଡିନ୍ ପୋଷ୍ଟରେ, ଶ୍ରୀ ଅଗ୍ରୱାଲ ବିଶେଷକରି ଆମେରିକା ଏବଂ ଏହାର ବାଣିଜ୍ୟିକ ଅଂଶୀଦାରମାନଙ୍କ ମଧ୍ୟରେ କିପରି ବାଣିଜ୍ୟ ଅଚଳାବସ୍ଥାରେ ଆଲୁମିନିୟମ ଏବଂ ଇସ୍ପାତ ପ୍ରମୁଖ ସାମଗ୍ରୀ ଭାବରେ ଉଭା ହୋଇଛ ତାହା ସେ ପୋଷ୍ଟ କରିଛନ୍ତି।

ଆମେରିକା କାନାଡା ଏବଂ ମେକ୍ସିକୋ ଭଳି ଘନିଷ୍ଠ ସହଯୋଗୀ ସମେତ ସମସ୍ତ ଦେଶରୁ ଇସ୍ପାତ ଏବଂ ଆଲୁମିନିୟମ ଆମଦାନୀ ଉପରେ ୨୫% ଅଧିକ ଶୁଳ୍କ ଲାଗୁ କରିବା ସହିତ, ବିଶ୍ୱ ଧାତୁ ବଜାର ବ୍ୟାପକ ବାଧାପ୍ରାପ୍ତ ହେଉଛି। ପ୍ରତିକ୍ରିୟାରେ, ଭାରତ ଏହାର ଘରୋଇ ଶିଳ୍ପକୁ ସୁରକ୍ଷା ଦେବା ପାଇଁ ଇସ୍ପାତ ଆମଦାନୀ ଉପରେ ୧୨% ସୁରକ୍ଷା ଶୁଳ୍କ ଲାଗୁ କରିଛି।

ଶ୍ରୀ ଅଗ୍ରୱାଲ ଏହି ପଦକ୍ଷେପକୁ ପ୍ରଶଂସା କରି କହିଛନ୍ତି, “ମୁଁ ସରକାରଙ୍କର ସକ୍ରିୟ ଭାବରେ ଇସ୍ପାତ ଉପରେ ଏକ ସୁରକ୍ଷା ଶୁଳ୍କ ଲାଗୁ କରିବା ପାଇଁ ପ୍ରଶଂସା କରୁଛି। ମୁଁ ନିଶ୍ଚିତ ଯେ ସରକାର ଆଲୁମିନିୟମ ପାଇଁ ସମାନ ପଦକ୍ଷେପ ବିଚାର କରିବେ।”

ସେ ଜୋର ଦେଇ କହିଛନ୍ତି ଯେ ଆଲୁମିନିୟମ, ଏହାର ହାଲୁକା ଏବଂ ପୁନଃଚକ୍ରଣୀୟ ପ୍ରକୃତି ଯୋଗୁଁ, ରଣନୈତିକ ମୂଲ୍ୟରେ ଇସ୍ପାତକୁ ପଛରେ ପକାଇବାକୁ ପ୍ରସ୍ତୁତ। ବିମାନବନ୍ଦର ହେଉକି ରେଳବାଇ, ଘର, ଯାନବାହାନ କିମ୍ବା ମୋବାଇଲ୍ ଫୋନ୍ ହେଉ ଆଧୁନିକ ଅର୍ଥନୀତି ଏହି ଦୁଇଟି ଧାତୁ ଉପରେ ନିର୍ମିତ। କିନ୍ତୁ ଆଲୁମିନିୟମର ଚାହିଦା ଅଛି, ଏବଂ ଭାରତର ବିପୁଳ ବକ୍ସାଇଟ୍ ଭଣ୍ଡାର ସହିତ, ଆମେ ବିଶ୍ୱ ସ୍ତରରେ ନେତୃତ୍ୱ ନେବା ପାଇଁ ଭଲ ସ୍ଥିତିରେ ଅଛୁ, ବୋଲି ସେ କହିଛନ୍ତି।

ତାଙ୍କ ପୋଷ୍ଟ ସହିତ ଏକ ଆକର୍ଷଣୀୟ ଦୃଶ୍ୟ ଶୀର୍ଷ ବକ୍ସାଇଟ୍ ଉତ୍ପାଦନକାରୀ ରାଷ୍ଟ୍ରଗୁଡ଼ିକୁ ଉଜ୍ଜ୍ୱଳ କରିଦେଇଛି, ଯେଉଁଥିରେ ଭାରତ ଅଷ୍ଟ୍ରେଲିଆ, ଗିନି ଏବଂ ଚୀନ୍ ଭଳି ନେତାଙ୍କ ସହିତ ଗୁରୁତ୍ୱପୂର୍ଣ୍ଣ ସମ୍ଭାବନା ରଖିଛି। ଶ୍ରୀ ଅଗ୍ରୱାଲ ସୂଚାଇଛନ୍ତି ଯେ ଶୁଳ୍କ ପ୍ରତିବନ୍ଧକ ଯୋଗୁଁ ପାରମ୍ପରିକ ବଜାରକୁ ପ୍ରବେଶ ହରାଇଥିବା ଦେଶଗୁଡ଼ିକ ଭାରତ ପରି ବିକଳ୍ପ ଗନ୍ତବ୍ୟସ୍ଥଳ ଖୋଜିବେ, ଯାହା ନୀତି ନିର୍ଦ୍ଧାରକମାନଙ୍କ ପାଇଁ ଘରୋଇ ଆଲୁମିନିୟମ କ୍ଷେତ୍ରକୁ ସମର୍ଥନ କରିବା ଗୁରୁତ୍ୱପୂର୍ଣ୍ଣ କରିଦେବ।

“ଆମର ବିପୁଳ ବକ୍ସାଇଟ୍ ସମ୍ବଳ ସହିତ, ଭାରତ ବିଶ୍ୱର ଆଲୁମିନିୟମ ରାଜଧାନୀ ହୋଇପାରିବ। ଏହା କେବଳ ଆମର ବିଶ୍ୱସ୍ତରୀୟ ସ୍ଥିତିକୁ ବୃଦ୍ଧି କରିବ ନାହିଁ ବରଂ ଏକ ଦୃଢ଼ ଡାଉନଷ୍ଟ୍ରିମ୍ ଶିଳ୍ପକୁ ମଧ୍ୟ ଖୋଲିବ ଯାହା ନିଯୁକ୍ତି ସୃଷ୍ଟି କରିବ ଏବଂ ଆର୍ôଥକ ଅଭିବୃଦ୍ଧିକୁ ଇନ୍ଧନ ଦେବ,” ତାଙ୍କ ପୋଷ୍ଟରେ ଉଲ୍ଲେଖ କରାଯାଇଛି।

ଭାରତର ଆଲୁମିନିୟମ ଶିଳ୍ପର ଏକ ପ୍ରମୁଖ ଖେଳାଳି ବେଦାନ୍ତ ଆଲୁମିନିୟମ, ଏହି ପରିବର୍ତନର ଅଗ୍ରଭାଗରେ ରହିଛି, ବିଶୋଧନ ଏବଂ ତରଳାଇବା ଭିତିଭୂମିରେ ପ୍ରଚୁର ନିବେଶ କରୁଛି। ଶ୍ରୀ ଅଗ୍ରୱାଲଙ୍କ ନୀତିଗତ ସମର୍ଥନ ପାଇଁ କେନ୍ଦ୍ରିତ ଆହ୍ୱାନର ଲକ୍ଷ୍ୟ ହେଉଛି ଏହି କ୍ଷେତ୍ରରେ ଆହୁରି ବିକାଶକୁ ଆଗକୁ ନେବା ଏବଂ ଦୀର୍ଘକାଳୀନ ରଣନୈତିକ ଲାଭ ପାଇଁ ଭାରତର ଖଣିଜ ସମ୍ପଦକୁ ବ୍ୟବହାର କରିବା। ବିଶ୍ୱ ବାଣିଜ୍ୟ ପୁନଃସଜ୍ଜିତ ହେଉଥିବାରୁ, ଶ୍ରୀ ଅଗ୍ରୱାଲଙ୍କ ବାର୍ତା ଭାରତକୁ ଏହି ମୁହୂର୍ତକୁ ହାତଛଡ଼ା କରି ଧାତୁ ଏବଂ ଉତ୍ପାଦନ କ୍ଷେତ୍ରରେ ଭବିଷ୍ୟତରେ ନିଜକୁ ଏକ ନେତା ଭାବରେ ପ୍ରତିଷ୍ଠିତ କରିବାର ଆବଶ୍ୟକତାକୁ ଦୋହରାଇଛି।