ବେଦାନ୍ତ ଆଲୁମିନିୟମର ଉନ୍ନତ ଲଜିଷ୍ଟିକ ନେଟୱର୍କ ୨୦୨୫ ଆର୍ଥିକ ବର୍ଷରେ ୫୫ ନିୟୂତ ଟନରୁ ଅଧିକ ମାଲ ପରିବହନ କରିଛି

ଭୁବନେଶ୍ୱର, ପ୍ରବାହ ନ୍ୟୁଜ୍ : ଭାରତର ବୃହତ ଆଲୁମିନିୟମ ଉତ୍ପାଦକ ବେଦାନ୍ତ ଆଲୁମିନିୟମ ଦେଶର ସବୁଠାରୁ ଉନ୍ନତ ଓ ଉଚ୍ଚମାତ୍ରାର ଲଜିଷ୍ଟିକ ନେଟୱର୍କ ମଧ୍ୟରୁ ଅନ୍ୟତମ। ୨୦୨୫ ଆର୍ଥିକ ବର୍ଷରେ ଏକ ପ୍ରଭାବଶାଳୀ ୫୫+ ନିୟୂତ ଟନ କଂଚାମାଲ ଓ ସମାପ୍ତ ଆଲୁମିନିୟମ ଉତ୍ପାଦ ସ୍ଥାନାନ୍ତର କରିଛି। ଏହି ପରିପ୍ରେକ୍ଷୀରେ ଭାରତୀୟ ରେଳପଥ ପ୍ରାୟ ୧୬୧୭ ନିୟୂତ ଟନ ମାଲ ପରିବହନ କରିଛି। ବେଦାନ୍ତ ଆଲୁମିନିୟମର ପରିବହନ ସେହି ପରିମାଣର ପ୍ରାୟ ୪% ଅଟେ ଯାହା ଏକ ଘରୋଇ କ୍ଷେତ୍ର ପାଇଁ ଏକ ଅସାଧାରଣ ସଫଳତା ଅଟେ।
ଓଡ଼ିଶା, ଛତିଶଗଡ଼ ଓ ଆନ୍ଧ୍ରପ୍ରଦେଶରେ ମୁଖ୍ୟତଃ ଏହାର କାର୍ଯ୍ୟ ସଂପାଦନ ସହ କମ୍ପାନିର ଲଜିଷ୍ଟିକ ଇକୋ ସିଷ୍ଟମ ସ୍କେଲ, ସଠିକତା ଏବଂ ସ୍ଥାୟୀତ୍ୱର ଉଦାହରଣ ଦିଏ। ଉନ୍ନତ ଲଜିଷ୍ଟିକ୍ସ ନେଟୱର୍କ ଲାଂଜିଗଡ଼ରେ ଏହାର କ୍ୟାପଟିଭ ରିଫାଇନାରୀରୁ ଆଲୁମିନା, ନିକଟବର୍ତି ଖଣିରୁ କୋଇଲା ଏବଂ ବିଶ୍ୱ ବଜାର ପାଇଁ ଉଚ୍ଚମାତ୍ରାର ଆଲୁମିନିୟମ ଉତ୍ପାଦ ସ୍ଥାନାନନ୍ତର କରେ। ଭ।।ରତର ପ୍ରାୟ ପ୍ରତ୍ୟେକ ପ୍ରମୁଖ ବନ୍ଦରରେ ବେଦାନ୍ତ ଆଲୁମିନିୟମର ଉପସ୍ଥିତି ରହିଛି ଓ ଦେଶର ସର୍ବବୃହତ ପାରାଦୀପ ବନ୍ଦରରୁ ସର୍ବବୃହତ କଂଟେନର କାର୍ଗୋ ରପ୍ତାନିକାରୀ ଭାବରେ ଉଭା ହୋଇଛି। ଭାରତର ପ୍ରମୁଖ ରପ୍ତାନୀକାରୀଙ୍କ ମଧ୍ୟରେ ଅର୍ନ୍ତଭୁକ୍ତ ହୋଇ କଂପାନି ଛଅଟି ମହାଦେଶରେ ୧୦୦ରୁ ଅଧିକ ଗନ୍ତବ୍ୟସ୍ଥଳକୁ ମାଲ ପଠାଉଛି। ଯାହା ମେକ ଇନ ଇଣ୍ଡିଆ ପଦକ୍ଷେପ ଅଧିନରେ ଏକ ବିଶ୍ୱସ୍ତରୀୟ ଉତ୍ପାଦନ ଓ ବାଣିଜ୍ୟ ପାୱାର ହାଉସ ହେବାର ଦେଶର ମହତ୍ୱକାଂକ୍ଷାକୁ ସୁଦୃଢ କରିପାରିଛି।
ବେଦାନ୍ତ ଆଲୁମିନିୟମର ସିଇଓ ରାଜୀବ କୁମାର କହିଛନ୍ତି ବେଦାନ୍ତ ଆଲୁମିନିୟମରେ ଲଜିଷ୍ଟିକ୍ସ ଆମର ଶିଳ୍ପ ନେତୃତ୍ୱ, ସ୍ଥାୟୀତ୍ୱ ଲକ୍ଷ୍ୟ ଏବଂ ରାଷ୍ଟ୍ର ନିର୍ମାଣ ମିଶନର ଏକ ରଣନୀତିକ ସମର୍ଥକ। ପରିବେଶ ପ୍ରଥମେ ଆଭିମୁଖ୍ୟ ସହ ଆମେ ଭାରତର ସବୁଠାରୁ ଉନ୍ନତ ଓ ଭବିଷ୍ୟତ ପ୍ରସ୍ତୁତ ଲଜିଷ୍ଟିକ ସିଷ୍ଟମ ମଧ୍ୟରୁ ଗୋଟିଏ ନିର୍ମାଣ କରିଛୁ ଯାହା ୫୫ ନିୟୂତ ଟନରୁ ଅଧିକ କାର୍ଗୋ ପରିଚାଳନା କରେ ଓ ୮୦ ନିୟୂତ ଟନ ପର୍ଯ୍ୟନ୍ତ ବୃଦ୍ଧି କରିବାର ଯୋଜନା ସହିତ ଭାରତ ଏକ ଦୀକ୍ଷିତ ଭାରତ ହେବା ଦିଗରେ ଅଗ୍ରସର ହେଉଥିବାରୁ ଦକ୍ଷ ତଥା ସ୍ଥାୟୀ ଉଦ୍ୟୋଗ ନିର୍ମାଣ ଶୃଙ୍ଖଲା ଗୁରୁତ୍ୱପୂର୍ଣ୍ଣ ହେବ। ଆମର ପ୍ରୟାସ ପ୍ରଧାନମନ୍ତ୍ରୀଙ୍କ ଗତି ଶକ୍ତି ପ୍ରକଳ୍ପ ସହିତ ସଂଯୁକ୍ତ, କାରଣ ଆମେ ଏକ ଡିଜିଟାଲ ସମନ୍ୱିତ, ବହୁ ମୋଡାଲ ପରିବହନ ଏବଂ ଲଜିଷ୍ଟିକ୍ସ ନେଟୱର୍କ ସୃଷ୍ଟି କରିବାକୁ ଲକ୍ଷ୍ୟ ରଖିଛୁ।
ବେଦାନ୍ତ ଆଲୁମିନିୟମର ମୁଖ୍ୟ ଯୋଗାଣ ଶୃଙ୍ଖଳ ଅଧିକାରୀ ଦୀପକ ଗୁଲାଟି କହିଛନ୍ତି ଯେ ବେଦାନ୍ତ ଆଲୁମିନିୟମରେ ରେଳବାଇ ଆମର ଲଜିଷ୍ଟିକ୍ସ କାର୍ଯ୍ୟର ମେରୁଦଣ୍ଡ ଗଠନ କରେ। ଆମେ କନକୋରର ସର୍ବବୃହତ ଗ୍ରାହକ ହୋଇଥିବାରୁ ଗର୍ବିତ। ଆମର ରପ୍ତାନୀ ଲଜିଷ୍ଟିକ୍ସ ଇକୋସିଷ୍ଟମର ମୂଳରେ ଡିଜିଟାଲାଇଜେସନ ଏବଂ ସ୍ଥିରତାରେ ନିବେଶ ଜରି ରଖିଛୁ।
ଏହାର ପରିମାଣ ବ୍ୟତୀତ ବେଦାନ୍ତର ଲଜିଷ୍ଟିକ୍ସ ସିଷ୍ଟମ ଏହାର ପରିବେଶ ପ୍ରଥମେ ଡିଜାଇନ ଦ୍ୱାରା ସ୍ପଷ୍ଟ ଭାବରେ ଉଭା ହୋଇଛି। ରେଳ ଆଧାରୀତ ପରିବହନ ଉପରେ ତୀକ୍ଷ୍ଣ ଧ୍ୟାନ ଦେଇ କମ୍ପାନି ଏହାର ପରିବଶେଗତ ପଦଚିହ୍ନକୁ ଉଲ୍ଲେଖନୀୟ ଭାବରେ ହ୍ରାସ କରିଛି। ବତର୍ମାନ ୪୦ରୁ ଅଧିକ ଉତ୍ସର୍ଗୀକୃତ ରେକ ବ୍ୟବହାରରେ ଅଛି, ଏହି ଫ୍ଲିଟକୁ ୫୦ରୁ ଅଧିକକୁ ବିସ୍ତାର କରିବା ଲାଗି ଯୋଜନା ରହିଛି। ଅଧିକନ୍ତୁ ବେଦାନ୍ତ ଆଲୁମିନିୟମ ଭାରତୀୟ ରେଳବାଇର ପୂର୍ବତଟ ଜୋନର ସବୁଠାରୁ ବଡ଼ ମାଲ ପରିବହନକାରୀ ଗ୍ରାହକଙ୍କ ମଧ୍ୟରୁ ଅନ୍ୟତମ।
ପ୍ଲାଂଟ ମଧ୍ୟରେ ସାମଗ୍ରୀ ସ୍ଥାନାନ୍ତର ପାଇଁ ମଧ୍ୟ କମ୍ପାନି ଭାରତର ସର୍ବବୃହତ ଲିଥିୟମ ଆୟନ ବୈଦ୍ୟୁତିକ ଫର୍କଲିଫ୍ଟ ପ୍ଲିଟ ପରିଚାଳନା କରିଥାଏ, ମୋଟ ୭୫ଟି ଫର୍କଲିଫ୍ଟ ବର୍ତମାନ ପରିଚାଳନା କରାଯାଉଛି।
ପରିବେଶଗତ ସ୍ଥିରତା ଠାରୁ ଆଗକୁ ଯାଇ ବେଦାନ୍ତ ଏବେ ଭାରତର ପ୍ରଥମ ସଂପୂର୍ଣ୍ଣ ମହିଳା ଲୋକୋମୋଟିଭ ଦଳକୁ ନିୟୋଜିତ କରିଛି। ସେହିପରି ଯୋଗାଣ ଶୃଙ୍ଖଳରେ ଏହାର ଡିଜିଟାଲାଇଜେସନ ପ୍ରୟାସକୁ ମଧ୍ୟ ଉଲ୍ଲେଖନୀୟ ଭାବରେ ଆଗକୁ ବଢାଇଛି।
ଯେତେବେଳେ ବେଦାନ୍ତର ସମାପ୍ତ ଉତ୍ପାଦ ବିଶ୍ୱ୍ୟାପୀ ଶିଳ୍ପଗୁଡ଼ିକୁ ଇନ୍ଧନ ପ୍ରଦାନ କରେ, ଏହାର ଲଜିଷ୍ଟିକ୍ସ ନେଟୱର୍କ ଗ୍ରାମୀଣ ଅର୍ଥନୀତି ଓ ସ୍ଥାନୀୟ ଜୀବିକାକୁ ଶକ୍ତି ପ୍ରଦାନ କରେ ସେହିପରି ପରିବହନ, ଗୋଦାମ, ରକ୍ଷଣାବେକ୍ଷଣ ଓ ଆନୁସଙ୍ଗିକ ସେବା ସମୂହ ହଜାର ହଜାର ନିଯୁକ୍ତି ସୃଷ୍ଟି କରିଛି।କମ୍ପାନି ଟିକସ ଓ ଭିତିଭୂମି ନିବେଶ ଜରୀଆରେ ଭାରତର ଅର୍ଥନୈତିକ ଇଞ୍ଜିନରେ ଏକ ନରୀବ ଶକ୍ତି ଭାବରେ ଏହାର ଭୂମିକାକୁ ସୁଦୃଢ କରିପାରିଛି।
ବେଦାନ୍ତ ଲିମିଟେଡ ଏକ ବ୍ୟବସାୟ, ବେଦାନ୍ତ ଆଲୁମିନିୟମ ଭାରତର ସର୍ବବୃହତ ଆଲୁମିନିୟମ ଉତ୍ପାଦକ ଯାହା ଆର୍ଥିକ ବର୍ଷ ୨୫ରେ ଭାରତର ଅଧାରୁ ଅଧିକ ଆଲୁମିନିୟମ ଅର୍ଥାତ ୨.୪୨ ନିୟୂତ ଟନ ଉତ୍ପାଦନ କରେ। ଏହା ମୂଲ୍ୟଯୁକ୍ତ ଆଲୁମିନିୟମ ଉତ୍ପାଦରେ ଏକ ନେତା ଭାବରେ ମୁଖ୍ୟ ଶିଳ୍ପ ଗୁଡ଼ିକରେ ଗୁରୁତ୍ୱପୂର୍ଣ୍ଣ ପ୍ରୟୋଗ ଖୋଜେ। ଆଲୁମିନିୟମ ଶିଳ୍ପ ଲାଗି ଏସଆଣ୍ଡପି ଗ୍ଲୋବାଲ କର୍ପୋରେଟ ସସ୍ଟେନବିଲିଟି ଆସେସମେଂଟ ୨୦୨୪ରେ ବିଶ୍ୱ ର‌୍ୟାଙ୍କିଙ୍ଗ ଏହା ଦ୍ୱିତୀୟ ସ୍ଥାନରେ ରହିଛି। ଭାରତରେ ଏହାର ବିଶ୍ୱସ୍ତରୀୟ ଆଲୁମିନିୟମ ସ୍ମେଲଟର, ଆଲୁମିନା ରିଫାଇନାରୀ ଓ ପାୱାରପ୍ଲାଂଟ ସହ କମ୍ପାନି ଏକ ସବୁଜ ଆସନ୍ତାକାଲି ପାଇଁ ଭବିଷ୍ୟତର ଧାତୁ ଭାବରେ ଉଦୀୟମାନ ହୋଇ ପ୍ରୟୋଗ ଗୁଡ଼ିକୁ ପ୍ରୋତ୍ସାହିତ କରିବାର ଲକ୍ଷ୍ୟ ପୂରଣ କରେ।