ବେଦାନ୍ତ ଆଲୁମିନିୟମ ପକ୍ଷରୁ କୋରାପୁଟ ଓ ରାୟଗଡ଼ାରେ ଶୀତଋତୁ ଉପଯୋଗୀ ପ୍ରସ୍ତୁତି କାର୍ଯ୍ୟକ୍ରମ ପରିଚାଳନା
ଭୁବନେଶ୍ୱର,୨୮ ଡିମେସ୍ୱର ୨୦୨୨: ଶୀତ ଆରମ୍ଭ ହେବା ସହିତ ଭାରତର ସର୍ବବୃହତ ଆଲୁମିନିୟମ ଉତ୍ପାଦକ ବେଦାନ୍ତ ଆଲୁମିନିୟମ ଓଡ଼ିଶାର କୋରାପୁଟ ଓ ରାୟଗଡ଼ାରେ ଶୀତକାଳୀନ ପ୍ରସ୍ତୁତି ଅଭିଯାନ ଆରମ୍ଭ କରି ଲୋକମାନଙ୍କୁ ଶୀତ ବସ୍ତ୍ର ଓ କମ୍ବଳ ବଂଟନ କରିଥିଲା । ଦୁଇଦିନିଆ କୋରାପୁଟ ଓ ରାୟଗଡ଼ା ଜିଲ୍ଲାରେ ୫୦ଟିରୁ ଅଧିକ ଗ୍ରାମରେ ୭୫୦ରୁ ଅଧିକ ଲୋକଙ୍କ ପାଖରେ ପହଁଚି ଥିଲା । ବିଶେଷ କରି ବ୍ଲକ (ଦଶମନ୍ତପୁର, କାଶିପୁର ଓ ଲକ୍ଷ୍ମୀପୁର)ର ବୃଦ୍ଧ ଓ ଅସହାୟ ଲୋକମାନଙ୍କୁ ସହାୟତା କରିଥିଲା ।
ଏହି କାର୍ଯ୍ୟକ୍ରମକୁ ଆରମ୍ଭ କରିଥିଲେ ଶ୍ରୀ ପ୍ରଭୁ ଜାନି, ଏମଏଲଏ-ଲକ୍ଷ୍ମୀପୁର, ଶ୍ରୀ ଅରୁଣ କୁମାର ଚେଠି, ଭାଇସ ଚେୟାରମ୍ୟାନ-ଦଶମନ୍ତପୁର, ଶ୍ରୀ ଡମ୍ବରୁଧର ମଲ୍ଲିକ, ବ୍ଲକ ଡେଭଲପମେଂଟ ଅଫିସର ଓ ସରପଂଚ ତଥା ପଂଚାୟତ ସମିତି ସଦସ୍ୟ ମୁରାକାର ପଂଚାୟତ ।
ଗୋଷ୍ଠୀ ପ୍ରତି ବେଦାନ୍ତ ଆଲୁମିନିୟମର ଯତ୍ନ ସଂପର୍କରେ ଶ୍ରୀ ଭି ଶ୍ରିକାନ୍ତ ସିଇଓ-ମାଇନ୍ସ (ବେଦାନ୍ତ ଆଲୁମିନିୟମ) କହିଥିଲେ ଯେ- ଗୋଷ୍ଠୀମାନଙ୍କୁ ସହାୟତା ଉଦ୍ଦେଶ୍ୟରେ ଆମର କାର୍ଯ୍ୟକ୍ରମ ଗୁଡ଼ିକୁ ଡିଜାଇନ କରାଯାଇଛିି । କୋରାପୁଟ ଓ ରାୟଗଡ଼ାରେ କଠିନ ଶୀତ ପରିସ୍ଥିତିକୁ ଧ୍ୟାନ ଦେଇ ଆମର ଏହି ଶୀତ ପ୍ରସ୍ତୁତି । ଏହା ଦ୍ୱାରା ଆମେ ବୃଦ୍ଧ ଓ ଅସହାୟ ଲୋକମାନଙ୍କୁ ଗରମ ପୋଷାକ ଓ ଶୀତବସ୍ତ୍ର ବଂଟନ କରିବାକୁ ଲକ୍ଷ୍ୟ ରଖିଛୁ । ସମାଜରେ ସାମୁହିକ ସ୍ୱାସ୍ଥ୍ୟ ଓ ସୁସ୍ଥତାକୁ ବଜାୟ ରଖିବା ଲାଗି ଆମେ ଦୂର ଗ୍ରାମ ଗୁଡ଼ିକରେ ମୋବାଇଲ ସ୍ୱାସ୍ଥ୍ୟ ୟୁନିଟ , ଆମ୍ବୁଲାନ ସେବା ଜରିଆରେ ବିଭିନ୍ନ ସ୍ୱାସ୍ଥ୍ୟ ଯତ୍ନ କାର୍ଯ୍ୟକ୍ରମ ପରିଚାଳନା କରୁଛୁ ।
ଶ୍ରୀ ପ୍ରଭୁ ଜାନି ବିଧାୟକ ଲକ୍ଷ୍ମୀପୁର ଏହି ଅଭିଯାନ ସଂପର୍କରେ ମତ ଦେଇ କହିଥିଲେଯେ- ଏହି ଅଂଚଳରେ ଅତ୍ୟଧିକ ଶୀତ ଅନୁଭୂତ ହୋଇଥାଏ । ବିଶେଷତଃ ଦୁଃସ୍ଥ ଲୋକମାନେ ବହୁ କଷ୍ଟ ସହିଥାନ୍ତି । ଏହି ସମୟରେ ଲୋକମାନଙ୍କୁ ସାହାଯ୍ୟ କରିବା ଓ ସେମାନଙ୍କ ଜୀବନରେ ସକାରାତ୍ମକ ପରିବର୍ତନ ଆଣିବାରେ ବେଦାନ୍ତର ଏହି ପ୍ରଚେଷ୍ଟାକୁ ମୁଁ ଧନ୍ୟବାଦ ଜଣାଉଛି ।
ବେଦାନ୍ତ ଆଲୁମିନିୟମ ମାଇନସ ବିଭାଗ ସ୍ୱାସ୍ଥ୍ୟ, ପିଲାମାନଙ୍କ ଶିକ୍ଷା ଓ ସୁସ୍ଥତା କ୍ଷେତ୍ରରେ କାର୍ଯ୍ୟ କରୁଛି । ଯେଉଁଥିରେ ନନ୍ଦଘର ନାମରେ ଜଣାଶୁଣା ଆଧୁନିକ ଅଙ୍ଗନବାଡ଼ି ଗୁଡ଼ିକ ରହିଛି । ଏହାର ହସ୍ତକ୍ଷେପ ମାଧ୍ୟମରେ ଗୋଷ୍ଠୀର ପ୍ରଗତି ଓ ଅଭିବୃଦ୍ଧି ସାଧିତ ହେଉଛି । ଗୋଷ୍ଠୀର ଆବଶ୍ୟକତା ଅନୁଯାୟୀ ସ୍ଥାନୀୟ ପ୍ରଶାସନ, କଲ୍ୟାଣକାରୀ ସଂଗଠନ ଓ ଗୋଷ୍ଠୀ ମଧ୍ୟରେ ଉପଯୁକ୍ତ ସଂପର୍କ ରକ୍ଷା ପାଇଁ କଂପାନି ଗ୍ରାମାଂଚଳରେ ଏକ ସମାଜିକ ଓ ଅର୍ଥନୈତକି ପରିବର୍ତନ ଆଣିବାକୁ ଚେଷ୍ଟା କରୁଛି ।
ବେଦାନ୍ତ ଆଲୁମିନିୟମ ବ୍ୟବସାୟ ହେଉଛି ବେଦାନ୍ତ ଲିମିଟେଡ଼ର ଏକ ଅଂଶ ଯିଏକି ଭାରତର ଅଗ୍ରଣୀ ଆଲୁମିନିୟମ ନିର୍ମାତା ପ୍ରାୟତଃ ଏହା ଭାରତର ଅର୍ଦ୍ଧେକ ଆଲୁମିନିୟମ ଉତ୍ପାଦନକାରୀ ଓ ଆର୍ଥିକ ବର୍ଷ ୨୨ ରେ ୨.୨୬ ନିୟୁତ ଟନ୍ ଆଲୁମିିନିୟମ ଉତ୍ପାଦନ କରିଥିବା ସଂସ୍ଥା । ବେଦାନ୍ତ ଆଲୁମିନିୟମର ର୍ୟାଙ୍କ ଡାଓ ଜୋନସ ସସଟାନବିଲିଟି ଇଣ୍ଡେକ୍ସ ୨୦୨୧ରେ ୪ର୍ଥ ର୍ୟାଙ୍କ ଧାରୀ ଓ ସ୍ଥାୟୀ ବିକାଶ ଅବଲମ୍ବନକାରୀ ସଂସ୍ଥା । ୨୦୦୭ରେ କଂପାନି ୨ ଏମଟିପିଏ କ୍ଷମତା ଆଲୁମିନିୟମ ରିଫାଇନାରି ଲଂଜିଗଡ଼ରେ ପ୍ରତିଷ୍ଠା କରିଛି ଓ ୯୦ ମେଗାୱାଟ ପାୱାର ପ୍ଲାଂଟ ପରିଚାଳନା କରୁଛି । ବେଦାନ୍ତ ମୂଲ୍ୟଯୁକ୍ତ ଆଲୁମିନିୟମ ଉତ୍ପାଦ ନିର୍ମାଣ କରିବାରେ ଅଗ୍ରଣୀ ଭୂମିକା ନିର୍ବାହ କରିବା ସହ ଔଦ୍ୟୋଗିକ କ୍ଷେତ୍ରରେ ସର୍ବବୃହତ ଜ୍ଞାନକୌଶଳକୁ ଆପଣାଇ ବିଶ୍ୱ ଶ୍ରେଣୀୟ ସ୍ମେଲ୍ଟର, ପାୱାର ପ୍ଲାଂଟ ଓ ଆଲୁମିନା ରିଫାଇନାରୀ କାର୍ଯ୍ୟ କରୁଛି । ଏକ ସବୁଜ ଭବିଷ୍ୟତ ପାଇଁ ମେଟାଲ ଅଫ୍ ଦି ଫ୍ୟୁଚର ଭାବରେ ଆଲୁମିନିୟମର ପ୍ରୟୋଗକୁ ପ୍ରସାରିତ କରିବା ପାଇଁ କମ୍ପାନୀ ତାର ଲକ୍ଷ୍ୟ ପୂରଣ କରୁଛି ।
