ବେଦାନ୍ତ ଆଲୁମିନିୟମ ଓଡ଼ିଶା ସୁନ୍ଦରଗଡ଼ର ବାଳିକାମାନଙ୍କୁ ସଶକ୍ତ କରିବା ଲାଗି ପ୍ରକଳ୍ପ ପଂଛି ପଦକ୍ଷେପକୁ ବିସ୍ତାର କରିଛି

ଭୁବନେଶ୍ୱର, ୧୩ ମାର୍ଚ୍ଚ ୨୦୨୪: ବେଦାନ୍ତ ଆଲୁମିନିୟମ, ଭାରତର ସର୍ବବୃହତ ଆଲୁମିନିୟମ ଉତ୍ପାଦକ ଓଡ଼ିଶାର ସୁନ୍ଦରଗଡ଼ରେ ପ୍ରକଳ୍ପ ପଂଛିର ଶେଷ ପର୍ଯ୍ୟାୟକୁ ଗ୍ରହଣ କରିଛି । ଏହାର ଚେୟାରମ୍ୟାନ ଶ୍ରୀ ଅନୀଲ ଅଗ୍ରୱାଲଙ୍କ ଦୂରଦୃଷ୍ଟି ସଂପନ୍ନ ପ୍ରକଳ୍ପ ପଂଛି ହେଉଛି ଏକ ଅଭିନବ କର୍ପୋରେଟ ନିଯୁକ୍ତି ଅଭିଯାନ ଯାହା ବିଭିନ୍ନ ବ୍ୟବସାୟରେ ଭାରତର ଆର୍ଥିକ ପଛୁଆ ବର୍ଗର ୧୦୦୦ ବାଳିକାଙ୍କୁ ନିଯୁକ୍ତି ଦେବା ଲକ୍ଷ୍ୟ ରଖିଛି ।
ଆର୍ଥିକ ଓ ସମାଜିକ ପ୍ରତିବନ୍ଧକ ଯୋଗୁ ଝିଅମାନଙ୍କ ଶିକ୍ଷାଗତ ଓ ରୋଜଗାର ଆବଶ୍ୟକତାକୁ ସମାଧାନ କରିବା ଉପରେ ବେଦାନ୍ତ ଧ୍ୟାନ ପ୍ରଦାନ କରୁଛି । ଝିଅମାନଙ୍କୁ ଶିକ୍ଷା କ୍ଷେତ୍ରରେ ସଶକ୍ତ କରାଇ ନିଯୁକ୍ତି ଦେବା ଲକ୍ଷ୍ୟ ରଖିଛି ।
ଏହି ପ୍ରକଳ୍ପର ଶେଷ ପର୍ଯ୍ୟାୟରେ ସୁନ୍ଦରଗଡ଼ ଜିଲ୍ଲାରୁ ୧୬ ଜଣ ବାଳିକାଙ୍କୁ ଚୟନ କରାଯାଇଛି । ଦାଶରଥୀ ସାରାବୁ,ଉପଜିଲ୍ଲାପାଳ, ସଦର, ସୁନ୍ଦରଗଡ଼ ଓ ଶ୍ରୀ ଭି. ଶ୍ରୀକାନ୍ତ ସିଇଓ (ମାଇନସ), ବେଦାନ୍ତ ଆଲୁମିନିୟମ ଦ୍ୱାରା ଏହି ନିଯୁକ୍ତି ପତ୍ର ବିତରଣ କରାଯାଇଥିଲା ।
ବର୍ତମାନ ପର୍ଯ୍ୟନ୍ତ ଲାଂଜିଗଡ଼, ଝାରସୁଗୁଡ଼ା ଓ ଛତିଶଗଡ଼ରୁ ୨୦୦ରୁ ଅଧିକ ଉପଯୁକ୍ତ ବାଳିକାଙ୍କୁ ଚୟନ କରାହୋଇଛି । ମନୋନୀତ ପ୍ରାର୍ଥୀଙ୍କୁ ଉଚ୍ଚ ଶିକ୍ଷା ଲାଗି ରାଷ୍ଟ୍ରୀୟ ସ୍ତରର ଶିକ୍ଷାନୁଷ୍ଠାନରେ ଶିକ୍ଷାଲାଭ ପାଇଁ ସୁଯୋଗ ସହ ସେମାନଙ୍କର ସଫଳତାର ସହ ଗ୍ରାଜୁଏଟ ଡିଗ୍ରୀ ପରେ ମ୍ୟାନେଜମେଂଟ ଟ୍ରେନି ଭାବରେ ନିଯୁକ୍ତି ଦିଆଯିବ ।
ଏହି ଅବସରରେ ଶ୍ରୀ ଭି.ଶ୍ରୀକାନ୍ତ ସିଇଓ (ମାଇନସ), ବେଦାନ୍ତ ଆଲୁମିନିୟମ କହିଛନ୍ତି ଯେ ବେଦାନ୍ତ ଆଲୁମିନିୟମର ପ୍ରକଳ୍ପ ପଂଛି ମହିଳା ସଶକ୍ତିକରଣ ଦିଗରେ ଆମ ପ୍ରତିବଦ୍ଧତାର ପ୍ରମାଣ । ଏକ ସମାନ ସୁଯୋଗ ସୃଷ୍ଟି କରିବାକୁ ଆମର ଚେୟାରମ୍ୟାନଙ୍କ ଦୂରଦୃଷ୍ଟି ସଂପନ୍ନ ଚିନ୍ତାଧାରା ଝିଅମାନଙ୍କର କେବଳ ଉଚ୍ଚ ଶିକ୍ଷା ଅର୍ଜନ ପାଇଁ ନୁହେଁ ବରଂ ସେମାନଙ୍କୁ ଏକ ସଫଳ କ୍ୟାରିୟର ନିର୍ମାଣରେ ସହାୟକ ହେବ ।
ଶ୍ରୀ ଦାଶରଥୀ ସରାବୁ, ଓଏଏସ୍‌, ସବ୍ କଲେକ୍ଟର, ସଦର, ସୁନ୍ଦରଗଡ ପ୍ରକାଶ କରିଛନ୍ତି, “ମୁଁ ସେମାନଙ୍କ ଜୀବନରେ ଏକ ନୂତନ ଅଧ୍ୟାୟ ଆରମ୍ଭ କରିଥିବାରୁ ମନୋନୀତ ପ୍ରାର୍ଥୀଙ୍କୁ ମୋର ହାର୍ଦ୍ଦିକ ଅଭିନନ୍ଦନ ଜଣାଉଛି । ପ୍ରୋଜେକ୍ଟ ପଂଛି ପରି ଏଭଳି ପଦକ୍ଷେପ ଆରମ୍ଭ କରିଥିବାରୁ ମୁଁ ବେଦାନ୍ତକୁ ପ୍ରଶଂସା କରୁଛି ଏବଂ ଭବିଷ୍ୟତରେ ଏହାକୁ ଆମର ସମସ୍ତ ଗ୍ରାମକୁ ବିସ୍ତାର କରିବାକୁ ଅନୁରୋଧ କରୁଛି ।
ମନୋନୀତ ଛାତ୍ରୀଙ୍କ ମଧ୍ୟରୁ ଜଣେ ଅଭିଭାବକ ବେନୁ ମେହେର କହିଛନ୍ତି ଏହି ଉଲ୍ଲେଖନୀୟ ପଦକ୍ଷେପ ପାଇଁ ମୁଁ ବେଦାନ୍ତକୁ ମୋର କୃତଜ୍ଞତା ଜଣାଉଛି । ଆମ ଜିଲ୍ଳାର ଝିଅମାନଙ୍କୁ ଉଚ୍ଚଶିକ୍ଷା,ଦକ୍ଷତା କୌଶଳ ଓ ଆର୍ଥିକ ଦୃଷ୍ଟରୁ ସଶକ୍ତ କରିବାକୁ ଉତ୍ସାହିତ କରିବ ।
ନିଯୁକ୍ତି ଡ୍ରାଇଭର ଅଂଶ ଭାବରେ ମନୋନୀତ ହୋଇଥିବା ବାଳିକାମାନଙ୍କ ମଧ୍ୟରୁ ଲକ୍ଷ୍ମୀ ପ୍ରଧାନ କହିଛନ୍ତି ଯେ ପ୍ରକଳ୍ପ ପଂଛି ପରି ପଦକ୍ଷେପର କଳ୍ପନା ଓ ସମର୍ଥନ ଲାଗି ମୁଁ ବେଦାନ୍ତ ଆଲୁମିନିୟମକୁ ମୋର ଅଶେଷ କୃତଜ୍ଞତା ଜଣାଉଛି । ଭବିଷ୍ୟତ ପାଇଁ ବେଦାନ୍ତ ମୋର କ୍ୟାରିୟର ଗଠନରେ ମୂଲ୍ୟବାନ ସହଯୋଗ କରୁଛି ।
ବେଦାନ୍ତ ଆଲୁମିନିୟମ ମାଇନିଂ ବ୍ୟବସାୟ ଗୋଷ୍ଠୀ ବିକାଶ ଦିଗରେ କାର୍ଯ୍ୟ କରୁଛି । ଶିକ୍ଷା, ସ୍ୱାସ୍ଥ୍ୟ, ଜୀବିକା, ଗ୍ରାମ୍ୟ ଭିତିଭୂମି, କ୍ରୀଡ଼ା ଓ ସଂସ୍କୃତିର ପ୍ରସାର ମାଧ୍ୟମରେ ଗୋଷ୍ଠୀ ବିକାଶ ପାଇଁ କାର୍ଯ୍ୟ କରୁଛି । ଏହାର ଉଲ୍ଲେଖନୀୟ କାର୍ଯ୍ୟକ୍ରମ ହେଉଛି ଆଧୁନିକୀ ଅଙ୍ଗନବାଡ଼ିର ନୂଆ ରୂପ ନନ୍ଦଘର ଏହା ଗର୍ଭବତୀ ମହିଳା, ଶିଶୁ କଲ୍ୟାଣ ଦିଗରେ କାର୍ଯ୍ୟ କରୁଛି । ଗ୍ରାମାଂଚଳରେ ଗୁଣମାନର ସ୍ୱାସ୍ଥ୍ୟସେବା ଯୋଗାଇ ଜୀବନରେ ଏକ ସକାରାତ୍ମକ ପରିବର୍ତନ ଆଣିବାରେ ସହାୟତା କରୁଛି । ସ୍ଥାନୀୟ କତୃପକ୍ଷ, କଲ୍ୟଣକାରୀ ସଂଗଠନ ଓ ଗୋଷ୍ଠୀ ସଦସ୍ୟଙ୍କ ସହ ମିଳିତ ହୋଇ ସହଯୋଗ ମାଧ୍ୟମରେ ବେଦାନ୍ତ ଆଲୁମିନିୟମ ଗ୍ରାମୀଣ ଓଡ଼ିଶାର ବିକାଶରେ ସକ୍ରିୟ ଭୂମିକା ଗ୍ରହଣ କରିଛି ।

ବେଦାନ୍ତ ଆଲୁମିନିୟମ ବେଦାନ୍ତ ଲମିଟେଡର ବ୍ୟବସାୟ ହେଉଛି ବେଦାନ୍ତ ଲିମିଟେଡ଼ର ଏକ ଅଂଶ ଯିଏକି ଭାରତର ଅଗ୍ରଣୀ ଆଲୁମିନିୟମ ନିର୍ମାତା ପ୍ରାୟତଃ ଏହା ଭାରତର ଅର୍ଦ୍ଧେକ ଆଲୁମିନିୟମ ଉତ୍ପାଦନକାରୀ ଓ ଆର୍ଥିକ ବର୍ଷ ୨୩ ରେ ୨.୨୯ ନିୟୁତ ଟନ୍ ଆଲୁମିିନିୟମ ଉତ୍ପାଦନ କରିଥିବା ସଂସ୍ଥା । ବେଦାନ୍ତ ଆଲୁମିନିୟମ ଏସଆଣ୍ଡପି ଗ୍ଲୋବାଲ କର୍ପୋରେଟ ସସଟାନବିଲିଟି ଆସସମେଂଟ ୨୦୨୩ରେ ଆଲୁମିନିୟମ ଉଦ୍ୟୋଗ ପାଇଁ ପ୍ରଥମ ର‌୍ୟାଙ୍କ ଧାରୀ ଆଖ୍ୟା ଅର୍ଜନ କରିଛି ଓ ସ୍ଥାୟୀ ବିକାଶ ଅବଲମ୍ବନକାରୀ ସଂସ୍ଥା । ବେଦାନ୍ତର ବିଶ୍ୱ ଶ୍ରେଣୀୟ ଆଲୁମିନିୟମ ସ୍ମେଲଟର, ଆଲୁମିନିୟମ ରିଫାଇନାରୀ ଓ ପାୱାରପ୍ଲାଂଟର ଅତ୍ୟାଧୁନିକ ସୁବିଧା, ଦକ୍ଷ ଇଂଜିନିୟରିଂ ଶକ୍ତିକୁ ନେଇ ଏକ ସବୁଜ ଭବିଷ୍ୟତ ପାଇଁ ମେଟାଲ ଅଫ୍ ଦି ଫ୍ୟୁଚର ଭାବରେ ଆଲୁମିନିୟମର ପ୍ରୟୋଗକୁ ପ୍ରସାରିତ କରିବା ପାଇଁ କମ୍ପାନୀ ତାର ଲକ୍ଷ୍ୟ ପୂରଣ କରୁଛି ।