ପୂର୍ବ ଶତ୍ରୁତାକୁ କେନ୍ଦ୍ରକରି ଗୁଳିକାଣ୍ଡ : ଗୋଟିଏ ପରିବାରର ଦୁଇଜଣ ମୃତ
ବଡ଼ବିଲ: ୩୦/୧୧(ପ୍ରବାହ ନିଉଜ୍) ରାତି ଅଧରେ ଦୁର୍ବୃତ୍ତ ଘରେ ପଶି ଘଟାଇଲେ ହତ୍ୟାକାଣ୍ଡ। ସୂଚନା ଅନୁସାରେ କେନ୍ଦୁଝର ଜିଲ୍ଲା ବଲାଣି ଥାନା ଅନ୍ତର୍ଗତ ଲସର୍ଦ୍ଦା ଗ୍ରାମର ଲଷ୍ମୀଧର ଆପଟଙ୍କ ଗ୍ରୋସୋରୀ ଦୋକାନରେ ଗତ ସୋମବାର ରାତି ପ୍ରାୟ ୯ଟା ସମୟରେ ତିନି ରୁ ଚାରିଜଣ ମୁଖାପିନ୍ଧା ମୁହଁରେ ମୁଖା ପିନ୍ଧି ଦୁର୍ବୃତ୍ତ ପହଞ୍ଚିଥିଲେ ହେଲେ ଦୋକାନ ବନ୍ଦ ଥିବା ଦେଖି ଦୋକାନକୁ ଲାଗି ଲଷ୍ମୀଧର ରହୁଥିବା ଘରର ଦୋକାନକୁ ଲାଗିରହିଥିବା ତାଙ୍କ ଘର କବାଟ ବାଡେଇ ଲଷ୍ମୀଧରଙ୍କୁ ଡାକିଥିଲେ ଓ ପେଟ୍ରୋଲ ଦେବାକୁ କହିଥିଲେ ଏବଂ ଲଷ୍ମୀଧର ଦୋକାନ ଖୋଲିବା ପରେ ଦୁଇଜଣ ପେଟ୍ରୋଲ ନେଇ ପାଞ୍ଚଶହ ଟଙ୍କା ଦେଇଥିଲେ। ଖୁଚୁରା ନଥିବାରୁ ଲଷ୍ମୀଧର ଘରକୁ ଖୁଚୁରା ଆଣିବା ପାଇଁ ଯିବା ସମୟରେ ଦୁର୍ବୃତ୍ତ ମାନେ ଘର ଭିତରକୁ ପଶି ଲକ୍ଷ୍ମୀଧରଙ୍କ ପରିବାର ଲୋକଙ୍କୁ ଅତର୍କିତ ଆକ୍ରମଣ କରିବା ସହିତ ସ୍ତ୍ରୀ ମଞ୍ଜୁଲତାଙ୍କ ପ୍ରତି ଅସଦାଚରଣ କରିବାକୁ ଚେଷ୍ଟା କରୁଥିବା ବେଳେ ଲକ୍ଷ୍ମୀଧର ଏହାକୁ ପ୍ରତିବାଦ କରିବାରୁ ଲଷ୍ମୀଧରଙ୍କ ଛାତିକୁ ପ୍ରଥମେ ଏକ ଗୁଳି ମାରିବା ପରେ ସ୍ତ୍ରୀ ମଞ୍ଜୁଲତାଙ୍କ ଉପରକୁ ଦୁଇ ରାଉଣ୍ଡ ଗୁଳି ଚଳାଇ ଘଟଣା ସ୍ଥଳରୁ ଦୁର୍ବୃତ୍ତ ମାନେ ଫେରାର ହୋଇଯାଇଥିଲେ।
ଚିକିତ୍ସା ନିମନ୍ତେ ଗୁରୁତ୍ତର ଅବସ୍ଥାରେ ଉଭୟ ସ୍ଵାମୀ ସ୍ତ୍ରୀଙ୍କୁ ବଡ଼ବିଲ ସରକାରୀ ଡାକ୍ତରଖାନାକୁ ନିଆଯାଇଥିଲେ ସୁଦ୍ଧା ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ। ହେଲେ ଦୁର୍ବୃତ୍ତ ଙ୍କ ସହ ଲଢ଼େଇକରି ଵାପା ମାଙ୍କୁ ବଞ୍ଚାଇ ପାରିନଥିଲେ ଲଷ୍ମୀଧରଙ୍କ ବଡ଼ପୁଅ ହିମାଂଶୁ ଆପଟ। ଏ ଘଟଣା ପାଇଁ ପରିବାର ଲୋକେ ଗ୍ରାମର କିଛି ଲୋକଙ୍କ ହାତ ରହିଥିବା ନେଇ ମୃତ ଲକ୍ଷ୍ମୀଧରଙ୍କ ପରିବାର ଲୋକ ଅଭିଯୋଗ ଆଣିଛନ୍ତି । ଗତ କିଛି ମାସ ତଳେ କିଛି କାରଣକୁ ନେଇ ଗ୍ରାମବାସୀ ଲଷ୍ମୀଧରଙ୍କ ପରିବାର ସହିତ ଅନ୍ୟ ୫ଟି ପରିବାରକୁ ଏକଘରିଆ କରିଦେଇଥିବା ସହ ଗ୍ରାମର କିଛି ଲୋକ ବିଭିନ୍ନ ସମୟରେ ଲଷ୍ମୀଧର ପରିବାରକୁ ମଧ୍ଯ ହତ୍ୟାର ଧମକ ଦେଇ ଆସୁଥିବା ନେଇ ଲଷ୍ମୀଧରଙ୍କ ପରିବାର ଲୋକେ କହିଛନ୍ତି। ଘଟଣା ସ୍ଥଳରେ ସ୍ଥାନୀୟ ପୋଲିସ ସହିତ ସାଇଣ୍ଟିଫିକ୍ ଟିମ୍ ଏଵଂ ସନ୍ଧାନୀ କୁକୁର ପହଞ୍ଚି ହତ୍ୟାକାଣ୍ଡ ସମ୍ପର୍କରେ ଯାଞ୍ଚ ପ୍ରକ୍ରିୟା ଜାରି ରଖିଥିବା ବେଳେ ସନ୍ଦେହରେ ଗ୍ରାମର କିଛି ଯୁବକଙ୍କୁ ଅଟକ ରଖି ପଚରାଉଚୁରା କରୁଛି। ତେବେ ଏନେଇ ପୋଲିସର କୌଣସି ପ୍ରତିକ୍ରିୟା ମିଳିନଥିବାବେଳେ, ପରିବାର ଲୋକେ ସିଧାସଳଖ ଗ୍ରାମର ଏକ ନିର୍ଦ୍ଧିଷ୍ଟ ଗୋଷ୍ଠୀକୁ ଘଟଣା ପାଇଁ ଦାୟୀ କରିଛନ୍ତି।
