ହଟିଲା ନଦିଘାଟ ରାସ୍ତା ଅବରୋଧ

କଟକ : ଗୋବିନ୍ଦପୁର ଥାନା ଅନ୍ତର୍ଗତ ସାଇଲୋ ବଡବିଲ ଗ୍ରାମର ବହୁ ପୁରାତନ ନଦୀ ଘାଟ ରାସ୍ତା ରେ ହୋଇଥିବା ଅବରୋଧ କୁ ଉଚ୍ଚ ଅଧିକାରୀଙ୍କ ନିର୍ଦ୍ଦେଶ କ୍ରମେ  ସ୍ଥାନୀୟ କଣ୍ଟାପଡ଼ା ତହସିଲଦାର ପ୍ରସନ୍ନ ସାମନ୍ତରାୟ ଗତକାଲି ହଟାଇ ଦେଇଛନ୍ତି ।ଘଟଣା ରୁ ଜଣାଯାଇଛି କନ୍ଦଳ ନଦୀ ଘାଟ କୁ ନଦୀବନ୍ଧ ରୁ ଏକ ରାସ୍ତା ବହୁ ବର୍ଷ ହେଲା ସଂଯୋଗ କରୁଅଛି । ରାସ୍ତା ଟିକୁ ସ୍ଥାନୀୟ ଅଞ୍ଚଳ ର ଲୋକେ ଘାଟ ପାରି ହେବାରେ ବ୍ୟବହାର କରି ଆସୁଛନ୍ତି , ପୁନଶ୍ଚ ବଡବିଲ ଗ୍ରାମର ଲୋକେ ନଦୀକୁ ସୌଚ ହେବାକୁ ଓ ଗ୍ରାମ୍ୟ ଶ୍ମଶାନ ରେ ଦାହ ସଂସ୍କାର ନିମିତ୍ତ ରାସ୍ତାର ବ୍ୟବହାର କରିଥାନ୍ତି । ନିତ୍ୟ ବ୍ୟବହାର ହେଉଥିବାରୁ  ସ୍ଥାନୀୟ ବ୍ଲକ୍ ପ୍ରଶାସନ ନିକଟରେ ଉକ୍ତ ରାସ୍ତାକୁ କଂକ୍ରିଟ ସିମେଣ୍ଟ ଢ଼ଳେଇ କରି ଲୋକଙ୍କ ଯାତାୟାତ କୁ ସୁଗମ କରିଥିଲେ ।ମାତ୍ର ଗ୍ରାମର କିଛି ନ୍ୟସ୍ତ ସ୍ୱାର୍ଥ ବ୍ୟକ୍ତି ଉକ୍ତ ରାସ୍ତାଟିକୁ ବାଉଁଶ ବାନ୍ଧି ଅବରୋଧ କରିଥିଲେ। ଏଥିଯୋଗୁଁ ସବର୍ଣ୍ଣ ଓ ଦଳିତ ଲୋକମାନେ ରାସ୍ତା ବ୍ୟବହାରରୁ ବଞ୍ଚିତ ହେବାରୁ କଟକ ସବ ଡିଭଜନାଲ ମାଜିଷ୍ଟ୍ରେଟ ଙ୍କ ନିକଟରେ ଏହାକୁ ହଟାଇ ଦେବା ପାଇଁ ଅପିଲ କରିଥିଲେ । ମାଜୀଷ୍ଟେଟ ଗୋବିନ୍ଦପୁର ଥାନା ଓ କଣ୍ଟାପଡ଼ା ତହସିଲଦାରଙ୍କ ଠାରୁ ରିପୋର୍ଟ ମାଗିଥିଲେ , ଗତକାଲି ତହସିଲଦାର ସର୍ଜମିନ୍ ତଦନ୍ତ କରି ରିପୋର୍ଟ ପ୍ରସ୍ତୁତ କରିବା ସହିତ ଉପସ୍ଥିତ ଗ୍ରାମ୍ୟ ଲୋକଙ୍କ ମତ୍ତାମତ୍ତ ନେଇ  ,ଏହା ବେଆଇନ ଅବରୋଧ ହୋଇଥିବାର ଅନୁଭବ କରି ସଙ୍ଗେ ସଙ୍ଗେ ଅବରୋଧକୁ ହଟାଇ ଦେଇଛନ୍ତି , ଓ ପୁନଶ୍ଚ ଏଭଳି ନକରିବାକୁ ଉକ୍ତ ବ୍ୟକ୍ତି ମାନଙ୍କୁ ଚେତାଇ ଦେଇଛନ୍ତି ।ଏଥିନିମନ୍ତେ ଉକ୍ତ ଗ୍ରାମର ଲୋକେ ପ୍ରଶାସନ କୁ ସାଧୁବାଦ୍ ଜଣାଇଛନ୍ତି ।