କଂଗ୍ରେସ ବିଧାୟକ ପ୍ରାର୍ଥୀ ଘୋଷଣାରେ ବିଳମ୍ବ ନେଇ ବୈଠକ

ନୀଳଗିରି ; ଆଜି ଅପରାହ୍ନ ୪ଟା ସମୟରେ ନୀଳଗିରି କଂଗ୍ରେସଭବନ ଠାରେ ଏକ ଗୁରୁତ୍ବପୂର୍ଣ୍ଣ ବୈଠକ ଯୁବ କଂଗ୍ରେସ ସଭାପତି ଜୟଦେବ ବେହେରା ଏବଂ ଛାତ୍ର କଂଗ୍ରେସ ସଭାପତି ଅଶ୍ୱିନ କୁମାର ପାତ୍ରଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା। ଏଥିରେ ନୀଳଗିରି ନିର୍ବାଚନ ମଣ୍ଡଳୀର ବିଭିନ୍ନ ପଞ୍ଚାୟତର ବହୁ ବରିଷ୍ଠ କଂଗ୍ରେସ କାର୍ଯ୍ୟକର୍ତ୍ତା ଯୋଗ ଦେଇଥିଲେ। ଆଗାମୀ ସାଧାରଣ ନିର୍ବାଚନରେ ଓଡ଼ିଶାର ବିଭିନ୍ନ ନିର୍ବାଚନ ମଣ୍ଡଳୀରୁ ପାଖାପାଖି ୭୦ପ୍ରତିଶତ ପ୍ରାର୍ଥୀଙ୍କ ନାମ ଘୋଷଣା କରାଯାଇଥିଲେ ମଧ୍ୟ ନୀଳଗିରି ନିର୍ବାଚନ ମଣ୍ଡଳୀ ପାଇଁ ଏପର୍ଯ୍ୟନ୍ତ ପ୍ରାର୍ଥୀ ଘୋଷଣା ବିଳମ୍ବ ନେଇ କର୍ମୀ ମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଉକ୍ତ ବୈଠକରେ ଶହେରୁ ଅଧିକ କର୍ମକର୍ତ୍ତା ଯୋଗ ଦେଇଥିବା ବେଳେ ସର୍ବସମ୍ମତି କ୍ରମେ ନୀଳଗିରି ପାଇଁ ପୂର୍ବତନ ବିଧାୟକ ଅକ୍ଷୟ କୁମାର ଆଚାର୍ଯ୍ୟଙ୍କ ନାମ ଘୋଷଣା କରିବାକୁ ବୈଠକରେ ନିଷ୍ପତ୍ତି ଗ୍ରହଣ କରାଯାଇଛି। କଂଗେସ ସଙ୍ଗଠନରେ ତୃଣମୂଳ ସ୍ତରରେ ନୀଳଗିରି ମାଟିରେ ଅକ୍ଷୟ ଆଚାର୍ଯ୍ୟଙ୍କ ଅବଦାନ ଅତୁଳନୀୟ ବୋଲି ଛାତ୍ର କଂଗ୍ରେସ ସଭାପତି ଅଶ୍ଵିନୀ ପାତ୍ର ମତ ଦେଇଥିବା ବେଳେ ଖୁବଶୀଘ୍ର ପିସିସି ଏବଂ ଏଆଇସିସି ଅକ୍ଷୟ ଆଚାର୍ଯ୍ୟଙ୍କ ନାମରେ ମୋହର ମାରି ବିଧାୟକ ପ୍ରାର୍ଥୀ ଘୋଷଣା କରିବାକୁ ଚିଠି ଲେଖାଯିବ ବୋଲି ବୈଠକରେ ନିଷ୍ପତ୍ତି ନିଆଯାଇଥିଲା।