ଟାଟା ଷ୍ଟିଲ୍ କଳିଙ୍ଗନଗର ପକ୍ଷରୁ ଭେଣ୍ଡର୍ ସହଯୋଗୀମାନଙ୍କ ଲାଗି ସୁରକ୍ଷା ସମ୍ମିଳନୀ “ସୁମିଳନ’ ଆୟୋଜିତ
ଭୁବନେଶ୍ୱର/ କଳିଙ୍ଗନଗର: ଟାଟା ଷ୍ଟିଲ୍ କଳିଙ୍ଗନଗର (ଟିଏସ୍କେ) ପକ୍ଷରୁ ଯାଜପୁର ଜିଲ୍ଲାର ଡୁବୁରି ସ୍ଥିତ କଳିଙ୍ଗନଗର କାରଖାନା ପରିସରରେ ଗୁରୁବାର ଦିନ ଭେଣ୍ଡର୍ ସହଯୋଗୀମାନଙ୍କ (ଭେଣ୍ଡର ପାର୍ଟନର) ଲାଗି “ସୁମିଳନ’ ନାମକ ଏକ ସୁରକ୍ଷା ଯୋଗାଯୋଗ ସମ୍ମିଳନୀ ଆୟୋଜିତ ହୋଇଯାଇଛି ।
ଟାଟା ଷ୍ଟିଲ୍ କଳିଙ୍ଗନଗରର ଭାଇସ ପ୍ରେସିଡେଣ୍ଟ (ଅପରେସନ୍ସ) ରାଜୀବ କୁମାର ଏହି ଅବସରରେ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଟିଏସ୍କେର ମହାପ୍ରବନ୍ଧକ (ଅପରେସନ୍ସ) କରମବୀର ସିଂହ, ଟିଏସ୍କେର ସୁରକ୍ଷା ବିଭାଗ ମୁଖ୍ୟ ରବି ମିଶ୍ର ଏବଂ ଅନ୍ୟାନ୍ୟ ଅଧିକାରୀମାନେ ଉପସ୍ଥିତ ଥିଲେ ।
“ସୁମିଳନ’ର ଏହି ଅଷ୍ଟମ ସଂସ୍କରଣ କାର୍ଯ୍ୟକ୍ରମରେ ବିଭିନ୍ନ ଭେଣ୍ଡର ସହଯୋଗୀମାନଙ୍କର ୨୦୦ରୁ ଅଧିକ କର୍ମଚାରୀ ଅଂଶଗ୍ରହଣ କରି ସୁରକ୍ଷାର ବିଭିନ୍ନ ଦିଗ ଉପରେ ବରିଷ୍ଠ ଅଧିକାରୀମାନଙ୍କ ସହ ଆଲୋଚନା କରିଥିଲେ । ଏହି ସମ୍ମିଳନୀର ବିଷୟବସ୍ତୁ ଥିଲା “ଇ-ସିଏୟୁପି ଅଫ୍ ମାନୁଆଲ ହାଣ୍ଡଲିଂ ଆଣ୍ଡ୍ ସ୍ଲିପ୍ ଟ୍ରିପ୍ ଆଣ୍ଡ୍ ଫଲ ହାଜାର୍ଡସ୍’ ।
ଏହି କାର୍ଯ୍ୟକ୍ରମ ଅବସରରେ ଭେଣ୍ଡର୍ ସହଯୋଗୀ ଏବଂ ସେମାନଙ୍କ କର୍ମଚାରୀମାନଙ୍କ ପକ୍ଷରୁ କାର୍ଯ୍ୟସ୍ଥଳୀ ଓ କର୍ମଚାରୀଙ୍କ ବହୁ ଶ୍ରେଷ୍ଠ ସୁରକ୍ଷା ପଦକ୍ଷେପର ପ୍ରଦର୍ଶନ କରାଯାଇଥିଲା ଏବଂ କାର୍ଯ୍ୟସ୍ଥଳୀରେ ସୁରକ୍ଷା ଦିଗରେ ଉଲ୍ଲେଖନୀୟ ପ୍ରଦର୍ଶନ କରିଥିବା କର୍ମଚାରୀମାନଙ୍କୁ ମୁଖ୍ୟ ଅତିଥି ପୁରସ୍କୃତ କରିଥିଲେ । ପୂର୍ବରୁ ଆୟୋଜିତ ବିଭିନ୍ନ ସୁରକ୍ଷା ସମ୍ପର୍କିତ ପ୍ରତିଯୋଗିତାରେ ବିଜୟୀ ଭେଣ୍ଡର୍ ସହଯୋଗୀଙ୍କୁ ମଧ୍ୟ ପୁରସ୍କୃତ କରାଯାଇଥିଲା ।
ଏଠାରେ ଉଲ୍ଲେଖଯୋଗ୍ୟ ଯେ “ସୁମିଳନ’ ହେଉଛି ଏକ ବିଷୟ ଭିତିକ ସୁରକ୍ଷା ଯୋଗାଯୋଗ ମଂଚ ଯେଉଁଠାରେ ସଂସ୍ଥାର ପ୍ରଚଳିତ ସୁରକ୍ଷା ପ୍ରଦର୍ଶନ ସମ୍ପର୍କରେ ଠିକାଦାର ଏବଂ ସେମାନଙ୍କ କର୍ମଚାରୀମାନେ ଟାଟା ଷ୍ଟିଲ୍ର ବରିଷ୍ଠ ଅଧିକାରୀମାନଙ୍କ ସହ ଭାବ ବିନିମୟ କରିଥାନ୍ତି । ସୁରକ୍ଷା ମାନରେ ଉନ୍ନତି ଆଣିବା ଲାଗି ଏଥିରେ ଭେଣ୍ଡର୍ ସହଯୋଗୀ ଏବଂ ସେମାନଙ୍କ କର୍ମଚାରୀଙ୍କ ସୁରକ୍ଷା ଓ ସ୍ୱାସ୍ଥ୍ୟ ସମ୍ପର୍କିତ ପରାମର୍ଶ ଏବଂ ସମସ୍ୟାଗୁଡ଼ିକୁ ମଧ୍ୟ ଗ୍ରହଣ କରାଯାଇଥାଏ ।
