ଜି.ଏସ.ଟି ସରଳୀକରଣ ସହିତ ପରିବର୍ତ୍ତନ ଦାବୀରେ ଖୋର୍ଦ୍ଧାରେ ଭାରତ ବନ୍ଦ ପାଳନ
ଖୋର୍ଦ୍ଧା : ୨୬/୦୨/୨୦୨୧ : ଭାରତ ସରକାରଙ୍କ ଜିଏସ୍ଟି ଆଇନ୍ ସଂଶୋଧନ ତଥା ସରଳୀକରଣ ଓ ପରିବର୍ତ୍ତନ ଦାବିରେ ସର୍ବ ଭାରତୀୟ ସ୍ତରରେ ବିଭିନ୍ନ ବ୍ୟବସାୟୀ ମହାସଂଘ ପକ୍ଷରୁ ଆଜି ବାର ଘଣ୍ଟିଆ ଭାରତ ବନ୍ଦ ଡାକରା ଦିଆଯାଇଛି । ଓଡିଶା ବ୍ୟବସାୟୀ ମହାସଂଘ ର ମହାସଚିବ ସୁଧାକର ପଣ୍ଡାଙ୍କ ଡ଼ାକରାରେ ଏହି ବନ୍ଦକୁ ସମର୍ଥନ ଜଣାଇ ଖୋର୍ଦ୍ଧା ବ୍ୟବସାୟୀ ସଂଘର ସଦସ୍ୟ ମାନେ ଏହି ବନ୍ଦରେ ସାମିଲ ହୋଇଛନ୍ତି ।
ଯାହାର ପ୍ରଭାବ ଆଜି ଦେଖିବାକୁ ମିଳିଛି । ସହର ର ସମସ୍ତ ଛୋଟ ବଡ଼ ବ୍ୟବସାୟ ପ୍ରତିଷ୍ଠାନ ଗୁଡିକ ବନ୍ଦ ଥିବାର ଦେଖିବାକୁ ମିଳିଥିବା ବେଳେ ଭାରତୀୟ ଡାକସେବା ବିଭାଗର ଖୋର୍ଦ୍ଧା ଶାଖା କର୍ମଚାରୀ ମଧ୍ୟ ଏହି ବନ୍ଦକୁ ସମର୍ଥନ କରିଛନ୍ତି ।
ଖୋର୍ଦ୍ଧାର ସମସ୍ତ ବ୍ୟବସାୟ ପ୍ରତିଷ୍ଠାନ ଏହି ବନ୍ଦ କୁ ସକାଳ ୬ଟା ରୁ ନେଇ ସନ୍ଧ୍ୟା ୬ଟା ପର୍ଯ୍ୟନ୍ତ ଦୀର୍ଘ ୧୨ ଘଣ୍ଟା କାଳ ବନ୍ଦ ରଖିବାକୁ ନିଷ୍ପତ୍ତି ନେଇଛନ୍ତି ।
