ଶଙ୍ଖ ବଜାଇ ବିବାଦରେ ସନ୍ନି ଲିଓନି !

ନୂଆଦିଲ୍ଲୀ: ବଲିଉଡ ଅଭିନେତ୍ରୀ ସନ୍ନି ଲିଓନି ତାଙ୍କର ନିଆରା ଷ୍ଟାଇଲ ପାଇଁ ବେଶ ଜଣାଶୁଣା। ତାଙ୍କର ଗ୍ଲାମରସ୍ ଛବି ସହିତ ମଜାଳିଆ ଭିଡିଓ ମଧ୍ୟ ସୋସିଆଲ ମିଡିଆରେ ତାଙ୍କୁ ସବୁବେଳେ ନୂଆ ପରିଚୟ ଦେଇଥାଏ, ଯାହାକୁ ଦେଖି ତାଙ୍କର ପ୍ରଶଂସକମାନେ ଖୁବ୍ ତାରିଫ୍ କରନ୍ତି ।

ହେଲେ ଏବେ ସନ୍ନିଙ୍କ ଏକ ମଜାଦାର ଭିଡିଓ ଇଣ୍ଟରନେଟରେ ଭାଇରାଲ ହେଉଛି। ଭିଡିଓରେ ସନ୍ନି ତାଙ୍କ ହାତରେ ଏକ ବଡ଼ ଶଙ୍ଖ ଧରିଥିବାର ନଜର ଆସୁଛନ୍ତି । ଭିଡିଓ ଆରମ୍ଭରେ, ସନ୍ନି ସମ୍ପୂର୍ଣ୍ଣ ପ୍ରସ୍ତୁତିର ସହ ଶଙ୍ଖ ବଜାଇବାକୁ ଚେଷ୍ଟା କରୁଛନ୍ତି, କିନ୍ତୁ ଶଙ୍ଖ ବଜାଇବାରେ ସେ ବିଫଳ ହେଉଛନ୍ତି। ଯେତେବେଳେ ସନ୍ନି ପ୍ରଥମ ଚେଷ୍ଟାରେ ବିଫଳ ହେଉଛନ୍ତି, ତାଙ୍କ ପାଖରେ ଥିବା ସାଥିଙ୍କ ସହ ସେ ଜୋରରେ ହସୁଛନ୍ତି, ଏବଂ ସେ ପୁନର୍ବାର ଶଙ୍ଖ ବଜାଇବାକୁ ଚେଷ୍ଟା କରୁଛନ୍ତି। ସନ୍ନି ଏପରି ଥରେ ନୁହେଁ, ବରଂ ତିନିଥର ଶଙ୍ଖଟିକୁ ବଜାଇବାକୁ ଚେଷ୍ଟା କରୁଛନ୍ତି, କିନ୍ତୁ ସବୁଥର ବଜାଇବାରେ ଅସମର୍ଥ ରହୁଛନ୍ତି। ଯାହାକୁ ଦେଖି ପଛରେ ବସିଥିବା ତାଙ୍କର ସାଥିମାନେ ଜୋରରେ ହସୁଛନ୍ତି । ସନ୍ନି ମଧ୍ୟ ମଝିରେ ପାଟିରେ ଶଙ୍ଖ ଧ୍ବନିର ନକଲ କରି କହୁଛନ୍ତି, ‘ହସ ନାହିଁ, ଏ ଶବ୍ଦ ଶଙ୍ଖରୁ ଆସୁଛି’। ଭିଡିଓରେ ସନ୍ନି ଲିଓନଙ୍କର ଏହି ମଜାଳିଆ ଶୈଳୀକୁ ଯିଏ ବି ଦେଖୁଛନ୍ତି, ସିଏ ନହସି ରହିପାରୁନାହାନ୍ତି । ଅନେକ ଲୋକ ଶଙ୍ଖ ପାଇଁ ଏହା ଅପମାନ ବୋଲି କହୁଛନ୍ତି।

ଏହି ଭିଡିଓଟିକୁ ସନ୍ନି ଲିଓନ୍ ତାଙ୍କ ଅଫିସିଆଲ୍ ଇନଷ୍ଟା ଆଇଡିରୁ ସେୟାର କରିଛନ୍ତି। ଏଥିସହ ସେ କ୍ୟାପସନରେ ଲେଖିଛନ୍ତି, ‘ମୁଁ ଯେପରି ଭାବିଥିଲି ସେପରି ହେଲା ନାହିଁ । ଏହାକୁ କିପରି ବଜାଇବାକୁ ହୁଏ, ଦିନେ ମୋଠାରୁ କେହିନା କେହି ଶିଖିବେ। ଭିଡିଓରେ ସନ୍ନି ଲିଓନଙ୍କ ଏକ କଳା ରଙ୍ଗର ପୋଷାକ ପିନ୍ଧିଥିବାର ନଜର ଆସୁଛନ୍ତି । ସବୁଥର ପରି, ପ୍ରଶଂସକମାନେ ସନ୍ନିଙ୍କ ଏହି ସୁନ୍ଦର ଏବଂ ମଜାଳିଆ ଅନ୍ଦାଜକୁ ପସନ୍ଦ କରୁଥିବାବେଳେ ଆଉ କିଛି ଲୋକ ଶଙ୍ଖର ଅପମାନ କରିଥିବା କଥାକୁ ନେଇ ରାଗିଛନ୍ତି । ମନ୍ତବ୍ୟ ଦେଇ ଜଣେ ଉପଭୋକ୍ତା ଲେଖିଛନ୍ତି, ‘ତୁମେ କାହିଁକି ଶଙ୍ଖକୁ ଅପମାନ କରୁଛ ? ଯଦି ବଜାଇବା ଜାଣାନାହଁ ’।