ଦୃଢ ମନୋବଳ ରହିଲେ ସଫଳତା ମିଳେ
ଏକ ଗାଁରେ ଲକ୍ଷ୍ମୀ ନାମରେ ଏକ ଝିଅ ଥିଲା।ତାହାର ବହୁତ ବଡ଼ ସ୍ୱପ୍ନ ରହିଥିଲା। ସେଥିପାଇଁ ସେ ପାଠପଢା ରେ ବେଶ୍ ମନ ଦେଉଥିଲା। ବାପା ମାଆଙ୍କର ଏକ ମାତ୍ର ଝିଅ ଥିଲା। ବାପା ମାଆ ତାକୁ ବହୁତ ଆକଟ କରୁଥିଲେ। କିନ୍ତୁ ତାଙ୍କ ପାଖରେ ଝିଅର ସ୍ୱପ୍ନକୁ ସାକାର କରିବା ର ସାମର୍ଥ୍ୟ ନ ଥିଲା। ସେମାନେ ଥିଲେ ଦିନ ମଜୁରିଆ। ହେଲେ ଝିଅ କୋଳକୁ ଆସିବା ଦିନରୁ ସତରେ ଘରକୁ ସାକ୍ଷାତ ଲଷ୍ମୀ ଙ୍କ ଆଗମନ ହୋଇସାରିଥିବା ମନେ କରୁଥିଲେ। ଆଗରୁ କାମ ସବୁଦିନ ମିଳୁନଥିଲା। ସମୟରେ ବଡ଼ ପରିବର୍ତ୍ତନ ଆସିଲା। ନିୟମିତ କାମ ସୁରୁଖୁରୁରେ ମିଳିପାରିଲା। ସେଥିପାଇଁ ଉଭୟ ମାଆ ଓ ବାପା ଝିଅକୁ ସାକ୍ଷାତ ଲଷ୍ମୀ ଆସିଥିବା ମନେ କରି ଝିଅର ବହୁତ ଆଦର କରିବାକୁ ଲାଗିଲେ।
ଝିଅ ଗୋଟାଏ ଦିନ ମାଆ ବାପାଙ୍କ ଆଗରେ ସେ ଡାକ୍ତର ହେବା କଥା କହିଲା। ବାପା ମାଆ ତୁନି ରହିଲେ। ଆଉ ମାଆ ତାର ମୁଣ୍ଡକୁ ଆଉଁସି ଦେଇ ତାକୁ କୁଣ୍ଡାଇ ଧରିଲା।
ଝିଅ ଟି ବୁଝିପାରିଲା ପରିବାର ଆଗ୍ରହ ଥିଲେ ମଧ୍ୟ ଆର୍ଥିକ ଅବସ୍ଥା ବିଷୟରେ।
ସେ ମାଆ ବାପାଙ୍କୁ କହିଲା ମୁଁ ଏଥର ଭଲ ପଢି ବୃତ୍ତି ପାଇବାକୁ ଯାଉଛି। ତମେ ମାନେ ଚିନ୍ତା କର ନାହିଁ। ମୋତେ ଖାଲି ଆଶୀର୍ବାଦ ପ୍ରଦାନ କର।
ତାପରେ ବିଦ୍ୟାଳୟ ର ଶିକ୍ଷକ ଶିକ୍ଷୟିତ୍ରୀ ଙ୍କ ସହାୟତା ଲୋଡ଼ିଥିଲା। ତାହାର ପାଠ ପଢିବା ର ଆଗ୍ରହ ଯୋଗୁଁ ସମସ୍ତଙ୍କ ଅତି ପ୍ରିୟ ଥିଲା। ଏହାପରେ ତାକୁ ଏକ ଭଲ ମହାବିଦ୍ୟାଳୟରେ ପାଠ ପଢିବାର ସୁଯୋଗ ମିଳିଲା। ଦୃଢ ମନୋବଳ ଓ ପରିଶ୍ରମ ଯୋଗୁଁ ଡାକ୍ତରହେବାର ସ୍ୱପ୍ନକୁ ସାକାର କଲା।ଫଳରେ ଲକ୍ଷ ସ୍ଥଳରେ ପହଞ୍ଚି ଅନ୍ୟ ମାନଙ୍କ ପାଇଁ ଏକ ପ୍ରେରଣା ସାଜିଲା।
ସିତାଂଶୁ ଶେଖର ମିଶ୍ର
ସୋନପୁର, ଶାନ୍ତି ନଗର
ଦୁରଭାଷ.୮୧୪୪୮ ୭୦୭୨୯
