ମେଟ୍ରୋନ୍ ମହାସଂଘ ପକ୍ଷରୁ ରାଜ୍ୟସ୍ତରୀୟ ସମ୍ମିଳନୀ
ଭୁବନେଶ୍ୱର : ଓଡ଼ିଶା ଅନୁସୂଚିତ ଜନଜାତି ଓ ଜାତି ମହିଳା ମେଟ୍ରୋନ୍ ମହାସଂଘ ପକ୍ଷରୁ ପଞ୍ଚମ ବାର୍ଷିକ ରାଜ୍ୟସ୍ତରୀୟ ସମ୍ମିଳନୀ ସ୍ଥାନୀୟ ଗୀତଗୋବିନ୍ଦ ସଦନ, ଭୁବନେଶ୍ୱରଠାରେ ମହାସମାରୋହରେ ପାଳନ କରାଯାଇଛି । ଉକ୍ତ ସମ୍ମିଳନୀକୁ ରାଜ୍ୟ ସଭାନେତ୍ରୀ ମମତା ସାହୁ ସଭାପତିତ୍ୱ କରିଥିବା ବେଳେ ରାଜ୍ୟ ସାଧାରଣ ସମ୍ପାଦିକା ପ୍ରଭାତି ପାତ୍ର ବିବରଣୀ ପାଠ କରିଥିଲେ । ଆବାହକ ଶ୍ରୀଯୁକ୍ତ ଦିଗମ୍ବର ଜେନା ପ୍ରଦୀପ ପ୍ରଜ୍ଜ୍ୱଳନ କରି ମୁଖ୍ୟଅତିଥି ଭାବେ ଯୋଗ ଦେଇଥିଲେ । ଶ୍ରୀଯୁକ୍ତ ଜେନା ମାଟ୍ରନ୍ମାନଙ୍କର ୭ଦଫା ଦାବି ସମ୍ବନ୍ଧେ ଆଲୋଚନା କରି ସେଥିମଧ୍ୟରୁ ୪ ଗୋଟି ଦାବି ବିଗତ ଦିନର ସରକାର ପୁରଣ କରିଛନ୍ତି ଏବଂ ଆଉ ବାକି ୩ଗୋଟି ଦାବି ବାବଦରେ ଖୁବ୍ଶୀଘ୍ର ପୁରଣ କରାଯିବ ବୋଲି ପ୍ରତିଶ୍ରୁତି ରଖିଛନ୍ତି । ତା’ସହିତ ଦୀର୍ଘ ଦିନର ପରିଶ୍ରମର ଫଳ ମେଟ୍ରୋନ୍ ମାନେ ପାଇଛନ୍ତି ଆଉ ବାକି ଯେଉଁଗୁଡ଼ିକ ରହିଛି ସେଗୁଡ଼ିକ ପାଇଁ ଓଡ଼ିଶାର ସମସ୍ତ ଜିଲ୍ଲାର ଜିଲ୍ଲା କମିଟି, ବ୍ଲକ କମିଟି ଗଠନ କରାଯାଇ ସଂଗଠନକୁ ମଜବୁତ୍ କରାଯିବା ନିମନ୍ତେ ଶ୍ରୀ ଜେନା ସମସ୍ତଙ୍କୁ ଆହ୍ୱାନ ଦେଇଥିଲେ । ଆଉ ନୂତନ ଭାବରେ ତିନିଗୋଟି ଦାବି ସରକାରଙ୍କ ନିକଟରେ ଦାବି କରାଯିବ (୧) ସିପ୍ଟ ଡ୍ୟୁଟି ଦିଆଯାଉ (୨) ମେଟ୍ରୋନ୍ ମାନଙ୍କୁ ହଷ୍ଟେଲରେ ଏକ କ୍ୱାର୍ଟର ଯୋଗାଇ ଦିଆଯାଉ (୩) ମେସ୍ ମ୍ୟାନେଜ୍ମେଣ୍ଟ ଯୋଗାଇ ଦେବା ନିମନ୍ତେ ଦାବିପତ୍ରରେ ଉଲ୍ଲେଖ କରାଯାଇଥିଲା ଏବଂ ଆସନ୍ତାକାଲି ନୂତନ ମନ୍ତ୍ରିମଣ୍ଡଳ ଗଠନ ହେଲାପରେ ବିଭାଗୀୟ ମନ୍ତ୍ରୀଙ୍କୁ ମହାସଂଘ ତରଫରୁ ଭବ୍ୟ ସମ୍ବର୍ଦ୍ଧନା ଦିଆଯିବା ନିମନ୍ତେ ନିଷ୍ପତ୍ତି ନିଆଗଲା । ଅନ୍ୟମାନଙ୍କ ମଧ୍ୟରେ ରାଜ୍ୟ କୋଷାଧ୍ୟକ୍ଷା ସୁଷମା ନାୟକ, ୩୦ଗୋଟି ଜିଲ୍ଲାର କର୍ମକର୍ତ୍ତା ମାନଙ୍କ ମଧ୍ୟରେ ମୟୂରଭଞ୍ଜର ଶ୍ରୀମତୀ ଜିରାମଣି ସିଂହ, ମମତା ସାହୁ, ଆରତୀ ପାତ୍ର, ବାସନ୍ତୀ ଦାସ, ସୁନ୍ଦରଗଡ଼ର ମଞ୍ଜୁଜୀନଫା ଖାଲ୍କୋ, ଲିଲି ବାପିଷ୍ଟା କୁଲୁ, ପ୍ରଭାସିନୀ, ଲୀନା କେର୍କେଟା, ଗଞ୍ଜାମର ତଅପୋଇ ଦାସ, ଚାରୁଲତା ଦେଇ, ମାନସୀ ମହାପାତ୍ର, ପୁରୀର ଅନୁପମା ବେହେରା, କେନ୍ଦୁଝରର ପ୍ରେମଲତା ମହନ୍ତ, ପ୍ରୀତିମୟୀ ଚକ୍ର, ରୀତା ସୁତାର, ଅନୁଗୋଳର – ସସ୍ମିତା ନାୟକ, ଜୟନ୍ତୀ ବିଶ୍ୱାଳ, ରାୟଗଡ଼ାର ସୌଦାମିନୀ ମହାନ୍ତି, ମମତା ସାହୁ, କୋରାପୁଟରୁ ବୀଣାପାଣି ବିଶ୍ୱାଳ, ଖୋର୍ଦ୍ଧାରୁ ସନ୍ଧ୍ୟାରାଣୀ ସମାନ୍ତରାୟ, କନ୍ଧମାଳରୁ ପ୍ରତିମା ମଲ୍ଲିକ, ଶାନ୍ତିଲତା ପ୍ରଧାନ ପ୍ରମୁଖ ଯୋଗଦେଇ ନିଜ ନିଜର ବକ୍ତବ୍ୟ ରଖିଥିଲେ ।
