ଭାରତୀୟ ଷ୍ଟେଟ ବ୍ୟାଙ୍କର ଅନୁସୂଚିତ ଜାତି ଓ ଜନଜାତି ସଂଗଠନ ତରଫରୁ ପୁରୀ ଠାରେ ଏକ  ଅବକାଶ ଗୃହ ଉଦ୍ଘାଟନ ଉତ୍ସବ ପାଳନ

ପୁରୀ,ପ୍ରବାହ ନ୍ୟୁଜ୍‌ : ତାଳବଣିଆ ବ୍ୟାଙ୍କ କଲୋନୀ ଠାରେ ଅନୁଷ୍ଠିତ ହୋଇ ଯାଇଅଛି।ଏଥିରେ ସଂଗଠନର ସଭାପତି ଶ୍ରୀଯୁକ୍ତ ସୌରଭରଞ୍ଜନ ଦାସ ସଭାପତିତ୍ବ କରିଥିଲେ। ଉକ୍ତଉଦ୍ଘାଟନ ଉତ୍ସବରେ ଷ୍ଟେଟବ୍ୟାଙ୍କର ମୁଖ୍ୟ ମହାପ୍ରବନ୍ଧକ ଶ୍ରୀଯୁକ୍ତ ଦିନେଶ ପୂରଥି ମୁଖ୍ୟ ଅତିଥି ଭାବେ ଯୋଗଦାନ କରି ଉଦ୍ଘାଟନ କରିଥିଲେ।ଏହା ସହିତ ଉକ୍ତ ଉଦ୍ଘାଟନ ଉତ୍ସବରେ ଭାରତୀୟ ଷ୍ଟେଟବ୍ୟାଙ୍କର ଅନୁସୂଚିତ ଜାତି ଏବଂ ଜନଜାତିର ନେସନାଲ ଫେଡେରେସନର ସଭାପତି ଶ୍ରୀଯୁକ୍ତ ପ୍ରମୋଦ ଇନ୍ଦଲ ଓ ସଧାରଣ ସଂପାଦକ ଶ୍ରୀଯୁକ୍ତ କେ.ଏଲଚଵନ୍ଉପସ୍ଥିତ ଥିଲେ। ଏଥି ସହିତ ଅନ୍ୟ ସର୍କଲରୁ ଆସିଥିବା ସଭାପତି ଏବଂ ସଧାରଣ ସଂପାଦକ ମାନେ ଏହି ଉଦ୍ଘାଟନ ସମାରୋହରେ ଉପସ୍ଥିତ ଥିଲେ। ଷ୍ଟେଟ ବ୍ୟାଙ୍କ ମ୍ୟାନେଜମେଣ୍ଟ ତରଫରୁ ମହା ପ୍ରବନ୍ଧକ ପୋନାବଲ ମ୍ମୁରୁଗାନ, ଅନ୍ୟତମ ମହାପ୍ରବନ୍ଧକ ଶ୍ରୀଯୁକ୍ତ କୌଶଲ କିଶୋର ସିଂ, DGM (CDO) ଶ୍ରୀଯୁକ୍ତ ମନୋଜ କୁମାର ସିଂହ , DGM ଭୁବନେଶ୍ୱର ଶ୍ରୀଯୁକ୍ତ ପ୍ରଶାନ୍ତ କୁମାର , AGM (ମାନବସମ୍ବଳ) ଶ୍ରୀଯୁକ୍ତ ପୂର୍ଣେନ୍ଦୁ ମହାପାତ୍ର ଉପସ୍ଥିତ ରହି ପୁରୀଠାରେ ଉଦ୍ଘାଟନ ହୋଇଥିବା ଉକ୍ତ ଅବକାଶ ଗୃହ ଉପରେ ଆଲୋକପାତ କରିଥିଲେ। ଭାରତୀୟ ଷ୍ଟେଟ ବ୍ୟାଙ୍କ ଅଫିସର ସଂଗଠନର ସଧାରଣ ସଂପାଦକ ଶ୍ରୀଯୁକ୍ତ ଅରୁଣ କୁମାର ବିଶୋଇ , କର୍ମଚାରୀ ସଂଗଠନର ସଧାରଣ ସଂପାଦକ Dr ଚିତରଞ୍ଜନ ପଣ୍ଡା ଏବଂ ଅବସର ସଙ୍ଗଠନର ସଧାରଣ ସମ୍ପାଦକ ଶ୍ରୀଯୁକ୍ତ ଉପେନ୍ଦୁ କୁମାର ଦାସ ପୁରୀ ଠାରେ ଉଦ୍ଘାଟନ ହୋଇଥିବା ଏହି ଅବକାଶ ଗୃହର ଭୂୟସୀ ପ୍ରଶଂସା କରିଥିଲେ।ସଙ୍ଗଠନର ସଧାରଣ ସମ୍ପାଦକ ତଥା ଫେଡେରେସନ କୋର୍କମିଟି ମେମ୍ୱର ଶ୍ରୀଯୁକ୍ତ ଜିତେନ୍ଦ୍ର ନାଏକ ଉକ୍ତଉଦଘାଟନ ଉତ୍ସବରେ ନିଜ ଅଭିଭାଷଣ ରଖିଥିଲେ ଏବଂ ପୁରୀର ଏହି ଅବକାଶ ଗୃହକୁ ମେମ୍ବର ମାନଙ୍କ ଉଦ୍ଦେଶ୍ୟରେ ଉତ୍ସର୍ଗ କରିଥଲେ।ସର୍ବଶେଷରେ ସଙ୍ଗଠନର ଉପ ସାଧାରଣ ସଂପାଦିକା ଶ୍ରୀମତୀ ସଂଯୁକ୍ତା ସେଠୀ ଧନ୍ୟବାଦ ଅର୍ପଣ କରିଥିଲେ।