ଭାରତୀୟ ଷ୍ଟେଟ୍ ବ୍ୟାଙ୍କ୍ ପକ୍ଷରୁ ସ୍ୱଚ୍ଛତା ଅଭିଯାନ
ଭୁବନେଶ୍ୱର,(ପ୍ରବାହ ନ୍ୟୁଜ୍) : ଭାରତୀୟ ଷ୍ଟେଟ୍ ବ୍ୟାଙ୍କ୍ ଓ ଭୁବନେଶ୍ୱର ମହାନଗର ନିଗମର ମିଳିତ ଆନୁକୁଲ୍ୟରେ ଜାନୁୟାରୀ ୮ ରୁ ୧୦ ତାରିଖ ଯାଏ ପାଳିତ ହେଉଥିବା ୧୮ ତମ ପ୍ରବାସୀ ଭାରତୀୟ ଦିବସ ଅବସରରେ ଗଣ ସ୍ୱଚ୍ଛତା ଅଭିଯାନ ଆୟୋଜିତ ହୋଇଯାଇଛି । ଏହି ଅବସରରେ ବଡ଼ଗଡ଼ ହାଇସ୍କୁଲ, ରାଜପଥ ଫଳ ଦୋକାନ ଓ ଝାରପଡ଼ା ଜେଲ୍ ଆଦି ପାର୍ଶ୍ୱବର୍ତ୍ତୀ ସ୍ଥାନ ମାନଙ୍କରେ ଆୟୋଜିତ ଏହି ସଫାଇ କାର୍ଯ୍ୟକ୍ରମରେ ଷ୍ଟେଟ୍ ବ୍ୟାଙ୍କ୍ ଭୁବନେଶ୍ୱର ଉତ୍ତର କ୍ଷେତ୍ରୀୟ ବ୍ୟବସାୟିକ କାର୍ଯ୍ୟାଳୟ ଓ ବଡଗଡ, ରାଜପଥ , ଲକ୍ଷ୍ମିସାଗର , ଝାରପଡ଼ା , ବୋମିଖାଲ, ରସୁଲଗଡ଼ ଓ ଜିଜିପି କଲୋନୀ ଆଦି ଶାଖାରୁ ବହୁ ସଂଖ୍ୟକ କର୍ମଚାରୀ ତଥା ସ୍ଥାନୀୟ କର୍ପୋରେଟର ଓ ସଫାଇ କର୍ମକର୍ତ୍ତା ଅଂଶ ଗ୍ରହଣ କରିଥିଲେ । ଭୁବନେଶ୍ୱର ଅଞ୍ଚଳ ଉପ ମହାପ୍ରବନ୍ଧକ ଶ୍ରୀ ପ୍ରଶାନ୍ତ କୁମାର , ଖୋର୍ଦ୍ଧା ଲିଡ ବ୍ୟାଙ୍କ୍ ଅଧିକାରୀ ଶ୍ରୀ ଅଗ୍ରୱାଲ ଓ ଭୁବନେଶ୍ୱର ଉତ୍ତର କ୍ଷେତ୍ରୀୟ ପ୍ରବନ୍ଧକ ଆଦି ବରିଷ୍ଠ ଅଧିକାରୀ ଉପସ୍ଥିତ ରହି ସମସ୍ତଙ୍କୁ ଉତ୍ସାହିତ କରିଥିଲେ ।
