ଶ୍ରୀ ଅରୁଣ କୁମାର ବିଶୋୟୀ ଅଖିଳଭାରତୀୟ ଷ୍ଟେଟବ୍ଯାଙ୍କ ଅଧିକାରୀ ସଂଘର ଅଧ୍ୟକ୍ଷ ନିର୍ବାଚିତ
ଭୁବନେଶ୍ୱର : ପ୍ରବାହ ନ୍ୟୁଜ୍ : ଭାରତୀୟ ଷ୍ଟେଟ ବ୍ୟାଙ୍କ ଅଧିକାରୀ ସଂଘ ଭୁବନେଶ୍ୱର ମଣ୍ଡଳର ସାଧାରଣ ସମ୍ପାଦକ ଶ୍ରୀ ଅରୁଣ କୁମାର ବିଶୋୟୀ ଅଖିଳ ଭାରତୀୟ ଷ୍ଟେଟ ବ୍ୟାଙ୍କ ଅଧିକାରୀ ମହାସଂଘ (AISBOF)ର ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି। ଏକ ଲକ୍ଷରୁ ଊର୍ଦ୍ଧ୍ୱ ସଦସ୍ୟ ବିଶିଷ୍ଟ ଷ୍ଟେଟ ବ୍ୟାଙ୍କ ଅଧିକାରୀ ସଂଘର ନେତୃତ୍ୱ ଶ୍ରୀ ବିଶୋୟୀ ଡିସେମ୍ବର ୧ ତାରିଖରୁ ଗ୍ରହଣ କରିବେ । ଶ୍ରୀ ବିଶୋୟୀ ୧୯୯୮ ମସିହାରୁ ଭାରତୀୟ ଷ୍ଟେଟ ବ୍ୟାଙ୍କ ଅଧିକାରୀ ସଂଘରେ ସକ୍ରିୟ ରହିଛନ୍ତି ଓ ସଦସ୍ୟ ଅଧିକାରୀମାନଙ୍କ ବିଭିନ୍ନ ସମସ୍ୟା ସମାଧାନ ତଥା କଲ୍ୟାଣ ମୂଳକ କାର୍ଯ୍ୟକ୍ରମରେ ମୁଖ୍ୟ ଭୂମିକା ନିର୍ବାହ କରିଛନ୍ତି । ସର୍ବ ଭାରତୀୟ ସ୍ତରରେ ଜଣେ ଓଡିଆ ଭାବରେ ସଭାପତି ଦାୟୀତ୍ୱ ନେଇଥିବାରୁ ଶ୍ରୀ ବିଶୋୟୀଙ୍କୁ ସବୁ ବର୍ଗର ବ୍ୟାଙ୍କ କର୍ମଚାରୀ ଅଭିନନ୍ଦନ ଜଣାଇଛନ୍ତି ।
