କଳା କ୍ଷେତ୍ର ପକ୍ଷରୁ କ୍ଷୁଦ୍ର ଆନିମେସନ୍ ବୃତଚିତ୍ର “ଶ୍ରୀକ୍ଷେତ୍ର” ଲୋକାର୍ପିତ
ଭୁବନେଶ୍ୱର : ପବିତ୍ର ସ୍ନାନଯାତ୍ରା ଅବସରରେ କଳା କ୍ଷେତ୍ର ତରଫରୁ (ଆନ୍ତର୍ଜାତୀୟ ଶିକ୍ଷା ନିଯୁକ୍ତି ଓ ସଶକ୍ତିକରଣ ପରିଷଦ ଏବଂ ଇନ୍ଷ୍ଟିଚ୍ୟୁଟ୍ ଅଫ୍ ଡିଜିଟାଲ ମିଡିଆ ଟେକ୍ନୋଲୋଜିର ମିଳିତ ଉଦ୍ୟମରେ) ସ୍ଥାନୀୟ ରିଜିଓନାଲ କଲେଜ ଅଫ୍ ମ୍ୟାନେଜମେଂଟ କ୍ୟାମ୍ପସରେ ଥିବା ଶ୍ରୀଜଗନ୍ନାଥ ମନ୍ଦିର (ଚକାଡୋଳା କ୍ଷେତ୍ର) ପରିସରରେ, ଶ୍ରୀକ୍ଷେତ୍ର ନାମକ ଏକ ରେଖାଙ୍କନ ବା ଆନିମେସନ୍ ବୃତଚିତ୍ର ଲୋକାର୍ପଣ ଉତ୍ସବ ମହାସମାରୋହରେ ସମାପନ ହୋଇଯାଇଛି ।
ଶ୍ରୀଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ପଇଁ ଆନ୍ତର୍ଜାତୀୟ ଶିକ୍ଷା ନିଯୁକ୍ତି ଓ ସଶକ୍ତିକରଣ ପରିଷଦର ସମସ୍ତ ପ୍ରୟାସ ଜାରି ରଖିଛି। ଆୟୋଜିତ ଉତ୍ସବରେ ଜଗନ୍ନାଥଙ୍କ ଉପରେ ଏକ ସ୍ୱତନ୍ତ୍ର ଚଳଚ୍ଚିତ୍ର ପ୍ରସ୍ତୁତି ପାଇଁ ନିଷ୍ପତି ଗ୍ରହଣ କରାଯାଇଛି । ବିଶ୍ୱର ସମସ୍ତ ଜଗନ୍ନାଥ ପ୍ରେମୀଙ୍କ ନିକଟରେ ଉକ୍ତ ଚଳଚ୍ଚିତ୍ର ପହଂଚାଇବା ପାଇଁ ପ୍ରୟାସ ଜାରି ରହିବ । ପ୍ରତି ଓଡ଼ିଆଙ୍କ ଆରଧ୍ୟ ଦେବତା ଶ୍ରୀଜନ୍ନାଥଙ୍କ ପାଇଁ ଉକ୍ତ କାର୍ଯ୍ୟକ୍ରମକୁ ଉତ୍ସର୍ଗ କରାଯାଇଥିଲା ।
ଏଥିରେ ସମ୍ମାନୀୟ ଅତିଥି ଭାବେ ଜଗନ୍ନାଥ ସଂସ୍କୃତିର ଗବେଷକ ପ୍ରଭାତ କୁମାର ନନ୍ଦ, ଆରସିଏମ୍ କଲେଜ ଅଫ୍ ମ୍ୟାନେଜମେଂଟର ଅଧ୍ୟକ୍ଷ ପ୍ରଫେସର ଡ. ପ୍ରବୀର ପାଲ, ପ୍ରେରଣା ଆନ୍ତର୍ଜାତୀୟ ସବୁଜ ବାହିନୀର କମାଣ୍ଡର-ଇନ୍-ଚିଫ୍ ଡ. ଦିଲ୍ଲୀପ ଶ୍ରୀଚନ୍ଦନ, ଅବସରପ୍ରାପ୍ତ ଆଇଏଏସ୍ ଶ୍ରୀଯୁକ୍ତ ମଧୁସୂଦନ ମିଶ୍ର, ଆନ୍ତର୍ଜାତୀୟ ଶିକ୍ଷା ନିଯୁକ୍ତି ଓ ସଶକ୍ତିକରଣ ପରିଷଦର ନିର୍ଦ୍ଦେଶକ ପ୍ରଦୀପ ତ୍ରିପାଠୀ, ବରିଷ୍ଠ ସାମ୍ବାଦିକ ଅଭିମନ୍ୟୁ ମହାପାତ୍ର, ଅନୁଷ୍ଠାନର ସମସ୍ତ ଛାତ୍ରଛାତ୍ରୀ, କର୍ମଚାରୀ ବୃନ୍ଦ ଓ ଭୁବନେଶ୍ୱର ସ୍ଥିତ ସରକାରୀ ଶିଳ୍ପ ତାଲିମ ଅନୁଷ୍ଠାନର ଛାତ୍ରଛାତ୍ରୀମାନେ ଯୋଗ ଦେଇଥିଲେ । ଇନଷ୍ଟିଚ୍ୟୁଟ୍ ଅଫ୍ ଡିଜିଟାଲ ମିଡିଆ ଟେକ୍ନୋଲୋଜିର ସମସ୍ତ କର୍ମକର୍ତା ବୃନ୍ଦ କାର୍ଯ୍ୟକ୍ରମକୁ ପରିଚାଳନା କରିଥିଲେ ଓ ଇତିଶ୍ରୀ ପ୍ରିୟଦର୍ଶିନୀ ପାତ୍ର ଧନ୍ୟବାଦ ଅର୍ପଣ କରିଥିଲେ ।
