ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଜନ୍ମଦିନରେ ସେବା ଦିବସ ପାଳିତ
କେନ୍ଦୁଝର, ପ୍ରବାହ ନ୍ୟୁଜ୍ : କେନ୍ଦୁଝର ମାଟିର ନେତା ତଥା ଓଡିଶା ର ଜନପ୍ରିୟ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଙ୍କ ଜନ୍ମଦିନକୁ ଆଜି ବିଜେପି କେନ୍ଦୁଝର ଜିଲ୍ଲା ପକ୍ଷରୁ ଧୁମ୍ ଧାମରେ ପାଳନ କରାଯାଇଛି। ଜିଲ୍ଲା ସଭାପତି ଅଂଶୁମାନ ସବୁଜ ମହାନ୍ତ ବର୍ମାଙ୍କ ନେତୃତ୍ୱରେ ଆଜିର ଦିନକୁ କେନ୍ଦୁଝରର ଭାଜପା କର୍ମୀ ମାନେ ସେବା ଦିବସ ଭାବରେ ପାଳନ କରିଛନ୍ତି। ଏ ଅବସରରେ ଆଜି ଜିଲ୍ଲା ବିଜେପି କାର୍ଯ୍ୟାଳୟରେ ବିଶାଳ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଅଛି। ମୁଖ୍ୟମନ୍ତ୍ରୀ ଶ୍ରୀ ମୋହନ ମାଝୀ ଆଭାସୀ ମାଧ୍ୟମରେ ଯୋଡି ହୋଇ ଉଦ୍ୟକ୍ତା ମାନଙ୍କୁ ଧନ୍ୟବାଦ୍ ଜଣାଇଛନ୍ତି। ଆଜିର ରକ୍ତଦାନ ଶିବିରରେ ଆସିଥିବା ରକ୍ତଦାତା ମାନଙ୍କ ଭିଡ଼ ଦେଖିବାକୁ ମିଳିଥିଲା। ସାଂସଦ ଅନନ୍ତ ନାୟକ, ବିଧାୟକ ଫକୀର ନାଏକ, ବିଧାୟକ ଅଖିଳ ଚନ୍ଦ୍ର ନାଏକ ଇତ୍ୟାଦି ନେତୃବୃନ୍ଦ ଯୋଗ ଦେଇଥିଲେ। ବିପୁଳ ଜନ ସମର୍ଥନ ଭିତରେ ଜିଲ୍ଲା ରକ୍ତ ଭଣ୍ଡାର ର କର୍ମୀମାନେ ସମୁଦାୟ ୭୩୨ ୟୁନିଟ ରକ୍ତ ସଂଗ୍ରହ କରିଥିଲେ। ସବୀର ଦାଶ, ରାଜେଶ୍ ସିଂ, ଶୁକଦେବ ମହାନ୍ତ, ଅନୁବ୍ରତ ବେହେରା, ବିବେକାନନ୍ଦ ମହାନ୍ତ, ଶିବ କୁମାର ରାଠୋର, ବିଶ୍ୱଜିତ୍ ତ୍ରିପାଠୀ, ଅଶୋକ ବେହେରା, ଦେବପ୍ରସାଦ ମିଶ୍ର, ଦୀପକ ଜେନା, ଦିଲ୍ଲୀପ ପଣ୍ଡା, ବିଷ୍ଣୁ ତ୍ରିପାଠୀ, ରୂପେଶ ରଣା, ଜଗମୋହନ କର, ସୁରଜ୍ ବାରିକ୍, ଅସିତ୍ ନନ୍ଦନ ମହାନ୍ତି, ଯଶୋବନ୍ତ ମହାରଣା ପ୍ରମୁଖ ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ। ବରିଷ୍ଠ କାର୍ଯ୍ୟକର୍ତ୍ତା ଏବଂ ଯୁବମୋର୍ଚ୍ଚା, ମହିଳା ମୋର୍ଚ୍ଚା ର ସଦସ୍ୟ ମାନେ ବିଭିନ୍ନ କାମରେ ଲାଗି କାର୍ଯ୍ୟକ୍ରମକୁ ସଫଳ କରିଥିଲେ।
